Matie 16:19 - BII BILA

¹⁹ I kenin nɔm kiin masale halataala len: ɲɛ n yii pɛ o lɛŋnden coo, ndu yiinunnin o halataala, o n timbi pɛ o lɛŋnden coo, ndu timbinnin o halataala.»

Matie 16:19 Referans Kwoze

Matie 18:18

Mì dimul niaa toɲaa, ɲɛ-ɲɛ niaa yii pɛ o lɛŋnden coo, ndu yiinunnin o halataala, ɲɛ-ɲɛ niaa timbi vɛlɛ pɛ o lɛŋnden coo, ndu timbinnin o halataala.

Esai 22:22

I handunin kii cɛi masaa David-e ndu o congú. O kumbi pɛ, vana-vana kindanin ndu le. O kinda pɛ, vana-vana kumbinin ndu le.

Dɛnnda cɔɔmuanndan 1:18

I co yoomu. Yáà vi, kɛ tofa vɔ, i co yoomu le fɛɛn a fɛɛn. Kiin piɔ́mndo co ya o ba, kiin ciee-piɔ́mndo pɛɛn.

Dɛnnda cɔɔmuanndan 3:7

Sɛval mɛlɛkanɔ vanaa laalannda Filadɛlfii aa: «Ɲɛ vana co O-Diandaa mo nɔ toɲaa-o, vana nɔ kii David-e o ba-o, o kumbi vana-vana kinda loo, o kinda vana-vana kumbi loo co dimio-o co hoo ni aa:

Nsaŋ 20:23

Hakila vanaa niaa malnin haki-a la malnunnin haki, la vanaa niaa melnin haki le-a la lonin nda coo.»

Dɛnnda cɔɔmuanndan 11:6

A nɔ kpaaya nda kinda halataalaa, haliko piɔɔ sia o palɛi nda co va diom Hala-o tɛɛnguo-e bɛngu loo. A nɔ vɛlɛ o nda mangala mɛnndan koovan, mà tuisi dɛnnda palaala súú-súù ka o lɛŋnden coo telen nda yeema-o-o.

2Korɛntea 2:10

Te la mal pɛ vanndo haki le tɛɛmbuu o tɛɛmbuu-o, ya bɛɛ i mal ndu haki. Kani o kɛ́-kɛ̀ ya mal pɛ haki, i mal ndu haki le niaa Krista o hɔl,

Dɛnnda cɔɔmuanndan 9:1

Mí mɛlɛkanɔ ŋuɛɛnundɔɔ hɔŋ buloo, mí ca loei fulaa coocoo, mí i del o lɛŋnden coo. Mí kii soon yingilaa nɔ lamɛɛlu le-i yɔngun ndi.

1Tesalonikea 4:8

Lelan, vana-vana kɛɛ pɛ pɛɛkoo ho, o co vanaciee le o kɛɛ le, kɛ Hala, o co niaa Kɔl-Diandaa ndɔɔ keo-vo o kɛɛ lende ni.

Dɛnnda kiilaa 15:7

Mɛɛ nda viow sɛɛngianndo tei, mí Piɛr can, mó dimi aa: «Puapilɛa nia, la sina maa o co lɛhau le Hala hɛli ya niaa tɛɛn le vanaa co N'Yuifi le-a Yoongu Kɛndɔɔ tiiyallo le, haliko ma tuei, ma laalan.