Matie 16:18 - BII BILA

¹⁸ Ya, i co nɔm dimul, Piɛr n co ni, powvo pɛɛn, o powvo ho coo ya tangulnin kunda vanaa laalaŋaa nia ni, kpaaya piɔ́mndo nɔlanin kunda kon ɲɛ-ɲɛ tosa le.

Matie 16:18 Referans Kwoze

Esai 28:16

Le hee, la tuei-yɔ sɔɛi Maalii Hala dimi-e: «Tofa vɔ, i tɔl powvo Siɔn le vaa pow kilaa cɛiyo, mí fula pow kalaa kɔɔli kɛ mí ca maa o nɔ isɔw le. Pow lebol kendu vɔngoo taw-vo o co ni, o co o tɔalaa ɲɛkɛndɛi, vana-vana tiindan pɛ pow kalaa, o yɔŋnun yoloma-yoloma mò sɔndan te.

Kolɔsea 1:18

Ndu co diallon bollen ni, kunda vanaa laalannda pɛɛn. O ndu nin yoomu sɛnɛiyo kandun ni, ndu co Po tasoo ni, vana tase muungu yoomu fulaa vanvílɛ́iya tɛɛn-ndo, haliko mo yɔŋnun vana tasoo o nɛilan kpow coo.

Nsaŋ 1:42

Mó kɔa a ndu o Yeesu lo. Mí Yeesu tofa ndu, mó dimi aa: «Simɔn n co ni, po Yonas-o. A veelunin nɔm aa Sefas», kon co dimio ni aa «Powvo».

Hebreea 12:28

Lelan, le mɛɛ naa n sɔlanin masale hiilunnin te len yɛ, n sinàn kɛndɛi mì n melnun Hala balika, mì n tosalan ndu baalaa mɛɛ hɛnan ndɔɔ co yɛ, o siòònde a o ndu vou nin.

Dɛnnda kiilaa 2:47

A va Hala biiloo, mí ɲɔɔ va vannda kpow hɛnanndo a nda. Ɛ̀ɛ̀ nduyɛ, lepalaa-lepala Maalii va vanaa va ciindaa sɔlaa-a handɔɔ o kunda ndaa coo.

1Timote 3:15

kɛ te i yala lakɔ le, sɛbɔɔ ho malanin nɔm pɔɔ le sinaa mɛɛ vannda bɛnda mà va kelaa o Cɛi-Hala-o nin yɛ, vanaa laalaŋaa Hala nɔ yoomoo o ba-o-a pɛɛn, nduyɛ nda co sungbulen a tiindan toɲaa ni.

Esai 54:17

Lelan, ɲɛ cɔw oo ɲɛ cɔw cɔwnun pɛ le nɔm delɔɔ coo, le nɔm dɛnɛ vɔɔndo tosallo, ɲɛ cɔw kon nɔnin mayoomu le kpeku oo kpeku soli le, vana-vana kɔɔsa pɛ a nɔm o fonda kialaa n'yamaa, a mulinin ndu kɔllo mò sina maa vana kɔlvesɛiyo o co ni. Lende kɛ́ vanaa baalaa Mɛlɛka-a co ni, lende dɛnɛ sandaa fula ya o ba le nda-o co ni, Mɛlɛka soo lende ni.»

Efɛsea 5:32

Toɲa bɛndoo co o vianaa o sɔɛi he nin. Le Krista a le kunda vanaa laalannda ya co ndu dimio ni.

Efɛsea 3:10

Kon yɔŋnun, haliko mi vanaa laalannda tosa, mì vanaa nɔ masalen o ba-a a ɲɛm kpaayan o halataala n sínà kɔlkalu Hala-o o nɛilan kpow coo.

Talelan 24:7

Diɔm sondo vesɛiyo kendu mò bii sɔɔn kɔlkalon bila. Lelan, diɔm vaa lende bɛnda mò kumbi sondoo le sɔɛi nɛɛ nda dimi sɔɔn o dio luɛyaa kobio nin-nda le.

SƐBƐ YƆB-O 38:17

Diola co le luɛyɔɔ ciee-piɔ́m ndan la cɔmnun nin nɔm? Vɛ̀ɛ̀ a ce nin pá diola vunduma piɔ́mndan?

Dɛnnda cɔɔmuanndan 21:14

O powtan tɔ́ a latiɔn coo kpaki kobi kalaa ndóò kilan ni, diola kilaa tɔ́ a à ŋiɔŋaa Saa téndóó la va lasɛvaalan o powta lan coo.

Dɛnnda kiilaa 8:1

Sol, o yiyan pilɛ kon va o kɔl o Etiɛn diyɔɔ-o bɛɛ va lon. Paale len, mí vannda kandu vanaa Krista-aa Yerusalɛm yɛle bɛndulen tollo. Mí vanaa laalannda kpow a sɛŋin, má kɔa nɛɛ-nɛɛ ka o tàndá Yuda-o nin a o lɛŋnde Samari len nin. Fɔ kiilaa daama ndáà lo Yerusalɛm ciee ni.

Condii lisai 9:13

Kani o co màá vanaa nda co diwvo-a mingio, o co yiyanndo a nda o kɔɔ. O pɔɛɛnun cɛɛŋɔnnda vanaa sangaa co coo-a le.

1Timote 3:5

Kani te vanndo cee yungule ndɔlen biyɔɔ le, vɛ̀ɛ̀ o tiw yɛnin ba mo caa vanaa Hala-a biyɔɔ?

Kalatea 2:9

Telen Nsaki, Sefas a Nsaŋ, a co sungbuma vanaa laalannda-a sínà maa baala Hala ke ya-o co kon ni-o, má yil naa a laba naa Barnabas, le naa cɔmndo maa n co diom pilɛ naa ndaa, haliko mi naa n va kɔlan o vanaa co N'Yuifi le-a lo, o kon mí nda va kɔlan o Yuifia lo.

Matie 18:17

Te o kɛɛ pɛ le nda nilan yaŋɔɔ, a cɔm kunda vanaa laalannda sɔɛi kalɛi, te o kɛɛ nin pɛ kunda vanaa laalannda diom, mɛɛ cɔ ndu maa vana-mangalaa-isɔɔ celen, maa vana biyaa mulu.

Matie 11:23

Nɔm Kapɛrnaum yɛ, a helnin pá háá o halataala? Kɛì-kɛì bɛɛ! A sɔlanin tuisio háá ciee-piɔ́m. Kani te dɛnnda kaamaala tosan o nɔm ndo lan láà tosan pɛ lɔ́ɔ́ kon Sodɔm, maa kobi kon ndóò va vɔ hau.

Matie 10:2

Diola kaandeŋaa tɔ́ a à ŋiɔŋaa kan la co lan ni: Vana tasoo Simɔn, o nda veelu vɛlɛ aa Piɛr-o, a Andre puapilɛ ndɔ. Nsaki po Sebedee-o a Nsaŋ puapilɛ ndɔ.

Condii lisai 69:12

I vownun volɔɔla biisilan, mí nda va ya cuunduuo o condon nin.

O Kandɔɔ 22:17

i co nɔm duaa dɔvɔɔ taw-taw. I kuinin cuavaa nɔmaa imamaa, mà va kunda maa loeon o halataala a sióónndon o mɛmma ihɛllan kɔngɔ. Cuavaa nɔmaa imamaa kɛsinnin yaamɔaa ndaa o labɛngunin.

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

1Korɛntea 15:55

«Òó piɔ́mndo, ɔ́ɔ̀ kpaaya nɔmndo? Òó piɔ́mndo, ɔ́ɔ̀ kefii nɔmnde?»

Esai 38:10

I va dimio aa: Kpòkóó mɔnɛi! Telen yáà bɛnda le ceen nuu tɔnɔɔ dioo-o kínɛí ndóò tiiya nuaa ni, kɛ i cɛn kɔlan fɔ́! Má cè ya kɔlan o dio ciee-piɔ́mndo sondoo! Vɔsila nila tɔ̀lan la hɛlun ya.

Esai 28:6

Ndu vanin kɔl dɛnɛ sandaa le vana co yamɛi kiolɔɔ o fonda kialaa n'yamaa-o ni, ndu vanin yoomuan le vanaa co yaamɔɔa tovɔɔ háá o diola luɛyaala kobio-a ni.

Condii lisai 107:18

Mí ɲɛm dian kpede n kusulan nda, má sɔɔnguu ciee-piɔ́m macɛlu.

2Samiɛl 18:4

Mí masaa mulul nda aa: «O kɛ́-kɛ̀ niaa dimi pɛ i co niaa kɔɔli.» O kon, mí masaa David sim o dio kobio sondoo vanaa cɔwva tofaa o fulaa, a va sɛ́lɛ́ taw, kundaa pum n'van kɛmɛ, o pum n'van vàá pilɛ.

Condii lisai 127:5

Duaa co le vanaa pei bɔlɔla ndala n kɔɔ lan-nda! Siɛmbula biinin nda telen nda vanin yaamɔaa ndaa simullo o dio luɛyaa kobio-o le.

Condii lisai 129:2

«Kabi o felengiyɛi nii nin, a co ya dɛnnda vɔɔnndan tosallo taw,» kɛɛ a co ya tiwba le.

Yonas 2:6

Mɛnndan máà tiiya nin ya o labolo dí, mɛmma ihɛllan máà simbu nin ya, cɔ́ɔ́cɔ́ɔ̀an máà muungu nin ya o lebol.

Matie 4:18

Yeesu va kɔlan o mɛmma ihɛllan Kalile demullo, mó ca puapilɛa pum nda ŋiɔn, Simɔn, o ndáà veelu aa Piɛr-o a Andre pɔmbɔ ndɔ. A va yala yɔɔyaa vuuo o mɛmma ihɛllan nin, kani vanaa yɔɔyaa nda va ni.

Matie 7:24

«Lelan, vana-vana tuei pɛ sɔɔn nun mun, mò kela lecoo, ndu vanin maa vana taasi tangul cɛi ndɔɔ o pow bandíláà coo-o.

Dɛnnda kiilaa 20:28

Niaa pila mandan, mì la nɔ hɔlten kunda saa Hala Kɔl-Diandaa yɔngu niaa le mandaa-o coo, mì la manda kunda vanaa laalaŋaa Hala kila a piɔ́m po ndɔ ndu pila-o o kɔɔ-o.