Matie 16:16 - BII BILA

¹⁶ Mí Simɔn Piɛr muli aa: «Nɔm co Krista ni, Po Hala kiyɛiyo.»

Matie 16:16 Referans Kwoze

Matie 14:33

Mí vanaa va o dɛ̀ndɔ̀ɔ́ nin-nda baŋ vulan Yeesu o labɛngunin, má dimi aa: «Po Hala-o lekɛ́ndɛi n co ni.»

Nsaŋ 11:27

Mí Marte muli aa: «Oi Maalii, i laalan maa nɔm co Krista ni, Po Hala-o pɛɛn, óò bɛnda le hunɔɔ o ceendo nin-ndo.»

1Nsaŋ 4:15

Vana sɔlɔlan pɛ maa Yeesu co Po Hala-o ni, mɛɛ Hala co vana kon o kɔl, mì ndu va o Hala nin.

Matie 27:54

Simlacinɔ vanaa cɔwva a vanaa va ndu ikɛi le Yeesu cumullo-a cɔu lɛŋnden ɲiiyaa, má ca vɛlɛ dɛnnda yɔŋnun-ndan kpow, mí siòònde bii nda taw. Má dimi aa: «Po Hala-o lekɛ́ndɛi o va ni.»

1Timote 4:10

Lelan, te n co pɛ baalaa mì n va sangaa taw, le tùú naa n tiindan Hala nɔ yoomoo o ba-o ni, o co vana ciindiaa le vannda kpow-vo, kɛ taama-taama vanaa laalannda.

Dɛnnda kiilaa 9:20

Fɔ́ɔ́fɔ̀, mó kandu vannda pɛɛkoo o cɛila lekaanndan nin maa Yeesu co Po Hala-o ni.

1Tesalonikea 1:9

Kani vannda kpow a co cɔmndo mɛɛ niaa bii naa o niaa lo lon yɛ. A co vɛlɛ cɔmndo mɛɛ niaa mulul piɔmnda kɔɔlan, mì la mulul Hala hɔlla le ndu baalaa tosallo yɛ, ndu Hala kiyɛiyo, Hala kpeekpeiyo.

Matie 26:63

Kɛ Yeesu kuŋ te, o soli le. O kon, mí bolle vanaa-solia-lasálàá dimul ndu aa: «Mɛnan le Hala co yoomu-o, mà dimul naa, te nɔm co Krista Po Hala-o ni.»

1Nsaŋ 5:5

Ɔ́ɔ̀ vana nɔla ceendo-o, te o faŋan pɛ o vana laalan maa Yeesu co Po Hala-o ni-o kɔɔli?

Hebreea 10:31

Dɛnɛ dɔaw vana siòònnde tawvo o co ni, le vanacieo delɔɔ Hala nɔ yoomoo o ba-o o ba.

Rɔmnda 1:4

Mó cɔmnun vanndacieea a kpaaya bɛndoo o Kɔl-Diandaa nin maa Po Hala-o o co ni, le tùú o tendul fulaa vanvílɛ́iya tɛɛn-ndo.

Condii lisai 2:7

I yondanin sɔɛi Mɛlɛka kelu-e kpélén. O dimul-la aa: «Nɔm co po nuu ni. Kandɔɔ hau, ya co fuɲa nɔm ni.

Marke 14:61

Kɛ mí Yeesu meinun, o muli ɲɛ-ɲɛ le. O kon mí bolle vanaa-solia-lasálàá ɲuna ndu vɛlɛ aa: «Vɛ̀ɛ̀ nɔm co Krista, Po Hala naa n co biiloo-o ni?»

Daniɛl 6:26

O kon kɔɔli, mí masaa Darius sɛval vannda súúlan kpow a vanaa-mangalaa-isɔaa yɛ́-yɛ́a va icali o lɛŋnden kpow coo-a aa: «Màá kɔlɲulu bɛndoo yɔngun niaa!

Tɔŋ miingua 5:26

Kani o ceendo coo, vana-vana co, o tuɛi diom Hala yoomaa sɔɛi o yinnden tɛɛn, mò lo yoomu maa naa Israɛlla-o le.

Nsaŋ 20:31

Kɛ mun sɛvan haliko mi la laalan maa Yeesu co Krista ni, Po Hala-o pɛɛn. O kon la laalan pɛ, la sɔla yoomoo o diola ndɔlan.

Nsaŋ 1:49

O kon mí Natanaɛl dimi aa: «Kɔɔfa, nɔm, Po Hala-o n co ni, nɔm co masaa Israɛl ni.»

Hebreea 12:22

Kɛ mí la sɔɔnguu o pembei Siɔn a o kobi Hala nɔ yoomoo o ba-o ikɛi, Yerusalɛm co o halataala-o, nɛɛ mɛlɛkaa co sɛ́lɛ́ a cuu cɔm te-a co-a.

1Timote 3:15

kɛ te i yala lakɔ le, sɛbɔɔ ho malanin nɔm pɔɔ le sinaa mɛɛ vannda bɛnda mà va kelaa o Cɛi-Hala-o nin yɛ, vanaa laalaŋaa Hala nɔ yoomoo o ba-o-a pɛɛn, nduyɛ nda co sungbulen a tiindan toɲaa ni.

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

2Korɛntea 6:16

Ɔ́ɔ̀ bɛnda co Cɛi-Hala-o nda piɔmnda tɛɛn-ndo? Kani naa co Cɛi-Hala kiyɛiyo ni, maa mɛɛ Hala pila dimi yɛ aa: «I vanin niaa tɛɛn, mì kela niaa tɛɛn, i vanin Hala niaa mì niaa va cuavaa nia.»

2Korɛntea 3:3

La co cɔmndo maa sɛbɛ fula Krista o ba-o niaa co ni, o fula o baala naa nin-ndo pɛɛn. O sɛvan a malankili le, kɛ a Kɔl-Diandaa Hala nɔ yoomoo o ba-o. O sɛvan o powta yɛ́ndɛ́lan coo le, kɛ vanndacieea o lakɔl.

Dɛnnda kiilaa 14:15

«Le yɛɛ nɛ niaa co yɛ ho tosaa? Naa bɛɛ, vanndacieea daama naa n co maa niaa ni. Yoongu Kɛndɔɔ naa hin niaa tiiyallo ni, haliko mi la mal piɔmaa fondoa sooloo, mì la mulul Hala nɔ yoomoo o ba-o hɔlla, o cɔw halataalaa, lɛŋnden, mɛmma ihɛllan a ɲɛm co lenin-ndon kpow-vo.

Matie 4:3

Mí masa ɲinaa vɔɔnda, o tɔɔndàn vannda-o sɔɔnguu ndu ikɛi, mó dimul ndu aa: «Te po Hala-o n co ni, dimi vɔ mì powtan ndan la siŋnun ɲɛdiaa.»

Condii lisai 42:2

Òó Hala! Mɛɛ kial kolɔɔ bii-o yeema mɛmma pee pɔmbɔan nuaa yɛ, lende koni ya co nɔm yeemaa ni.

Dɛnnda kiilaa 8:36

A lo kɔlan, má komal mɛnndan. Mí langbanɔ kon dimi aa: «Má cè mɛnndan! Yɛɛ kuuna yɛnin ya yinɔɔ sɔlaa?»

Nsaŋ 6:69

Naa n laalan ken, n sina maa nɔm co Krista ni, O-Diandaa Hala-o.»

Matie 1:16

Yakɔb yɔŋnun fuɲaa Yosɛf ni, pɔnɔɔ Mari, o velu Yeesu-o, Krista pɛɛn.

Matie 16:15

Kɛ mí Yeesu ɲuna nda aa: «Kɛ niaa yɛ, vɛ̀ɛ̀ niaa co yɛ dimio le vana ya co-o?»

Luke 2:11

Vana Ciindiaa vilun niaa hau o Kobi David-o nin, ndu co Krista ni, Maalii pɛɛn.

Nsaŋ 6:57

Maa mɛɛ Pua co yoomu-o vem ya, mì va yoomu le ndu Pua yɛ, lende koni, vana de ya pɛ, ndu vanin yoomu le ya.

Nsaŋ 6:68

Mí Simɔn Piɛr mulul ndu aa: «Maalii, o nɛ̀ɛ̀ lo naa n kɔa yɛnin? Nɔm nɔ sɔɔn yoomu fɛɛn-fɛɛnndon ni.

2Korɛntea 1:19

Kani sɔɛi Yeesu Krista Po Hala-o, o Silas, Timote a ya pila dimul niaa sɔɛi ndɔɛi-yo, o co sɔɛi vana cɛl mà kɛɛ le. Kɛ o ndu nin, oi koni co oi ni.

Hebreea 3:12

Puapilɛa nia, la mandan, vana-vana nɔ kɔl dɛnɛ vɔɔndo a nila kalulan, mò mulul Hala nɔ yoomoo o ba-o kɔɔ le.

Hebreea 9:14

Nɛɛ ken tosan-ndɔ lende, vɛ̀ɛ̀ kooma Yeesu-an man ma hiw kpaayaa lende le? Kani a kpaaya Hala Kɔl-Diandaa ndu pila yɔngun Hala ni, maa cɔlu sálà nɔ lenamta loo. Lelan, o dindinin kɔlta naalan le dɛnnda naala vɔɔnndan haliko mi n tosal Hala yoomaa vallo.

Dɛnnda cɔɔmuanndan 7:2

Mí ca vɛlɛ mɛlɛkanɔ celen helɔɔ a ba paalen le can-ndo, pondale Hala nɔ yoomoo o ba len le va ndu o ba. Mó yonda coocoo, mó dimul mɛlɛkaa hiɔɔlua ndáà dimul le lɛŋnden a mɛmma ihɛllan dɛnɛ palaa tuisio coo-a aa:

Dɛnnda kiilaa 8:37

Mí Filipe dimul ndu aa: «Taa laalan pɛ a kɔl nɔmndo kpow, mɛɛ a nɔla mà sɔla yinɔɔ.» Mí langbanɔɔ muli aa: «I laalan maa Yeesu Krista co Po Hala-o ni.»