Matie 16:13 - BII BILA

¹³ Yeesu tiiyaa o tàndá Sesaree Filipe-o nin, mó ɲuna kaandeŋaa ndɔa aa: «Vɛ̀ɛ̀ vannda co yɛ dimio le vana ya co-o, ya Po vanacieo?»

Matie 16:13 Referans Kwoze

Daniɛl 7:13

I va vundule len cɔu tuŋ icɔl kon, mí ca vɛlɛ ɲɔɔ pum hunɔɔ o yumbuyumboo nin, velanndo a Po vanacieo. Mó sɔɔnguu háá nɛɛ Bɛndu Yuu Masindɛ-Sindɔɔ va icali-a. Má kɔa a ndu Bɛndu Yuu kon o hɔl.

Nsaŋ 5:27

Mó ke ndu dio le yamɛi kiolɔɔ, kani Po vanacieo o co ni.

Matie 9:6

Nduyɛ mɛɛ mì la sina maa Po vanacieo nɔ kpaayaa le hakilan malɔɔ o lɛŋnden coo.» Mí Yeesu dimul langbanɔ falun vílɛ́i kon aa: «Cɔn, cua yala nɔmndo mà muungun o nɔm ndo.»

Matie 13:37

Mó mulul nda aa: «Vana saŋ malun kɛndɔn-ndo, ndu co Po vanacieo ni.

Matie 12:8

Kani Po vanacieo co masa paale pɛngiaa ni.»

Matie 8:20

Mí Yeesu mulul ndu aa: «Kàá nɔ buulula nda lɔl nin-ndan, yovaa co kelaa coocoo-a bɛɛ a nɔ vɛɛnde, kɛ Po vanacieo ndu nɔ bɛɛ nɛɛ yambaa lebol te.»

Dɛnnda kiilaa 10:38

La sinà mɛɛ Hala pɔla Yeesu fula Nasarɛt-o a kpaaya Kɔl-Diandaa yɛ, a mɛɛ ndu Yeesu kei vannda dɛnɛ kɛndɔɔ tosal nɛɛ-nɛɛ ka yɛ. O va vanaa va o biyɔɔ nin ɲina vɔɔndo o ba-a kpow singio, kani Hala va ndu ikɛi.

Dɛnnda kiilaa 7:56

Mó yonda aa: «La tofa vɔ, i co halataalaa cɔu o kumbiaa, Po vanacieo co isisi Hala o ba kɛndɔɔ coo.»

Nsaŋ 12:34

Mí sɛ́lɔ́ɔ́ mulul ndu aa: «O naa n saalun o sɛbɛ latɔŋndo nin-ndo co ni maa Krista vanin yoomu le fɛɛn a fɛɛn. Le yɛɛ n co yɛ niko naa dimullo aa: ‹Mɛɛ mì Po vanacieo sɔla heeloo? Nɛ̀ɛ́ co yɛ nin Po vanaciee kon?› »

Marke 10:45

Kani Po vanacieo hín mì vana tosal ndu baala le, kɛ le vannda baalaa tosallo, a le yoomu ndɔɔ yɔngoo le vanaa bɔɔ-bɔɔ baŋaa.»

Marke 8:38

Kani vana tosa pɛ siɛmbulan le ya a le sɔɔn nun dimio vanndacieea co haa vaalio ho tɛɛn, a sina haa Hala le-a, a co haa hakilan tosaa-a, Po vanacieo bɛɛ tosanin siɛmbulan a vana kon telen o hunnin o biilu Fuɲa ndɔ-o nin a mɛlɛkaa ndɔa diandaa-o.»

Matie 25:31

Mí Yeesu dimi aa: «Lɔ́ɔ́ Po vanacieo hunnin o biilu ndɔɔ nin a mɛlɛkaa kpow-vo, o calnin o kpɛŋɛ ndɔ lemasaa nin.

Matie 15:21

Mí Yeesu faŋan ndon, mó kɔa o lɛŋnde Tir a Sidɔn nden nin.

Matie 13:41

Po vanacieo viamnin mɛlɛkaa ndɔa, mà hun suingi vanaa co caanda lueiyo o pɔwlan nin-nda a vanaa tosaa dɛnnda vɔɔnda,

Matie 12:32

Te vanndo dimi pɛ diomnde vɔɔnnden a Po vanacieo, o malnun haki le ken, kɛ vana-vana solin pɛ diomnde vɔɔnnden o sondo a Hala Kɔl-Diandaa, ò sɔla hakio malɔɔ o lɛŋnden coo nanu le, ò sɔlanin vɛlɛ hakio malɔɔ o ceen co laci-o nin te.»

Nsaŋ 3:14

Mɛɛ Moise heelu kɛw idaɲaa o lɛŋnde veselɛilen nin yɛ, fɔ mì Po vanacieo sɔla heeloo lende,

Nsaŋ 1:51

I co niaa toɲaa dimul válán, la canin halataalaa o kumbia, mì la ce mɛlɛkaa Hala-a helɔɔ a tolɔɔ Po vanacieo coo.

Matie 12:40

Kani mí Yonas tosa palɛi ndii yáá a lɔma leyàá suw bɛndoo o dembe, lende koni Po vanacieo bɛɛ tosanin palɛi ndii yáá a lɔma leyàá o puuloo bɛngu ni.

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

Matie 16:28

Mì dimul niaa toɲaa, vanaa pum niaa tɛɛn nanu a vi vɔnin te, mà ce Po vanacieo hunɔɔ o masale ndɔlen nin.»