Matie 15:8 - BII BILA

⁸ ‹A n'cɔcɔ vannda ha co ya biiloo ni, kɛ kɔlta ndalan la co bɔɔ ya levil.

Matie 15:8 Referans Kwoze

Esai 29:13

Maalii dimi aa: «A sɔɛi sondoei daama vannda ha co sɔɔnguuo ya o ibuŋ ni, a n'cɔcɔ daama nda co ya biiloo ni, kɛ kɔlta ndalan la co bɔɔ levil a ya, siòòŋii nda nɔ a ya-e, tɔŋ dɛnɛ ivanacieeyaa daama i co ni.

Esekiɛl 33:31

A co hunɔɔ sɛ́lɛ́ bɛndoo fili-fili o nɔm ndo, vanaa niaa kan pɛɛn, a co hunɔɔ calle nɔm o hɔl. A co nilan yaŋɔɔ o sɔɔn nɔmndon, kɛ a co kela lecoo le, kani a sondo yeelaa koni nda co sɔɛi ni, kɛ o kɔlta ndalan nin, tɔnɔ nda pila-o daama nda co nuwviaa ni.

Dɛnnda kiilaa 8:21

A sɔlanin ɲɛ-ɲɛ, te kon te tɔnɔ oo tɔnɔ o sɔɛi he nin te, kani kɔl nɔmndo sendu Hala o hɔl te.

1Piɛr 3:10

Kani o co o sɛvaa-o co hoo ni aa: «Vana yeema pɛ le yoomoo kaolaa, mò yeema le palɛi dɛnɛ kɛndɛi cɔu, ndu bɛnda mò manda diɛɛmule ndɔlen le dɛnɛ vɔɔndo, mò manda cɔcɔn ndɔn le còòlan.»

Talelan 23:26

Po nuu sei! Yɔngu ya kɔl nɔmndo, mì ɲɔɔ hɛnan nɔm le kelala nilan mɛɛndanndo.

Hebreea 3:12

Puapilɛa nia, la mandan, vana-vana nɔ kɔl dɛnɛ vɔɔndo a nila kalulan, mò mulul Hala nɔ yoomoo o ba-o kɔɔ le.

Yeremi 12:2

A tɔl nda, má luei puundon, má sul, má va kullon komɔɔ. Diola nɔmndan la fula nda o sondo le, kɛ kɔlta ndalan la co levil a nɔm.

Nsaŋ 1:47

Yeesu cɔu Natanaɛl hunɔɔ ndu o ibuŋ, mó dimi aa: «Israɛlnɔɔ kpeekpei co hoo ni, o nɔ lacòòva o kɔl too.»

Matie 15:7

Niaa vanaa muuluannda ha, a niaa o kɔɔ kpeekpei Esai soo ni aa:

Marke 7:6

Mí Yeesu mulul nda aa: «Esai dimi lɔ́ɔ́ kon sɔɛi niɛi, niaa vanaa muuluannda ha, kani o co o sɛvaa aa: ‹Hala dimi aa o cɔcɔn coo kínɛí vannda ha nɔ bɛɛle nilen ni, kɛ kɔlta ndalan la co levil a ya.

Nsaŋ 5:23

haliko mi vannda kpow a biilu Poo mɛɛ nda co Fuɲaa biiloo yɛ. Vana biilu Poo le, mɛɛ o biilu Fuɲa vem ndu-o le.»