Matie 14:9 - BII BILA

⁹ Mí mɔnɛi bii masaa, kɛ le tùú ndóò cii nin mɛnan-ndo, a le tùú vanaa o veelu le dioo-a va lon-ndo, mó cɛl le ndu bolle Nsaŋ Vana-yinaa len yɔngoo.

Matie 14:9 Referans Kwoze

Luke 13:32

Mó mulul nda aa: «La kɔ dimul kàà kon maa hau a siɔdii, i co ɲinaa vɔɔnda tovɔɔ vannda kɔɔli mì va nda singio, o paale yàándɔlen i co cii.

Marke 6:26

Mí mɔnɛi bii masaa, kɛ le tùú ndóò cii nin mɛnan-ndo, a le tùú vanaa ndóò veelu-a va icali-o, o kɛɛ ndu diom te.

Marke 6:20

kani Herɔde va Nsaŋ vou, bau o va sinaa maa vana sandaa a vana diandaa Nsaŋ va ni, o va ndu vɛlɛ kandaa. Telen oo telen ndóò yaŋ pɛ Nsaŋ nilan, kɔllo ndóò laasian ndu. Kɛ nduyɛ, ɲɔɔ pila ndóò hɛnan ndu le ndu yaŋnɔnndo ni.

Marke 6:14

Mí masaa Herɔde tuɛi sɔɛi ken, kani Yeesu ndóò kela nin tɔ́ɔ́ taw. Mí vannda va dimio aa: «Nsaŋ Vana-yinaa tendu fulaa vanvílɛ́iya tɛɛn, o fula ciee-piɔ́m mó muungu yoomu, lelan o nɔ kpaayaa le dɛnnda kaamaalan tosaa nuaa ni.»

Matie 14:5

Ndóò yeema le Nsaŋ diyɔɔ, kɛ siòònde va ndu a vannda, kani nda kpow a va cɔu maa vana-tɛɛngaa-diom Hala-o Nsaŋ va ni.

Matie 14:1

A boondii ken, mí Herɔde va masaa Kalile-o tuɛi Yeesu tɔ́ɔ́.

Vana Kɔlkaloo 5:2

Vana hiw pɛ buulanndan, a sɔl lɔma vɔɔnndan. Lende koni, vana hiw pɛ sɔɛi, a dimi sɔɔn idiɔmndon.

1Samiɛl 28:10

Mí Saul mɛnalan ndu o diola Mɛlɛka lan aa: «Te Mɛlɛka co yoomu, a sɔlanin dɛnɛ vɔɔn kɛ́-kɛ̀ o sɔɛi he nin te!»

1Samiɛl 25:22

Kɛ nanu a siɔdii, te i mɛi hali vana pilɛ yoomu o yungu Nabal-lo nin pɛ, mɛɛ Hala tuisi ya dɛnɛ palaa bɛndoo coo!»

1Samiɛl 14:28

Mí vanndo pum dimul ndu aa: «Sei! Fuɲa nɔm cii naa mɛna aa dangaa co le vana dianin hau ɲɛdiaa-o. Lelan vannda kpow co a sangɛiya nuaa yɔkɔɔ ni.»

1Samiɛl 14:24

Ɲinkon, mí Israɛlla sanga taw, kani nuaa Saul ndóò dimul nda ni aa: «Kandɔɔ sisa háá telen ya nɔlanin yaamɔaa nia ha-o, nanu a dɔ́ɔ́ cɔɛllɛn, dangaa co le vana-vana dianin ɲɛdiaa!» Má niinu lende a yiaan kpɛŋ, vana-vana di ɲɛ-ɲɛ le.

Masaa kialaa n'yamaa 21:1

Tuma Israɛlla ndáà bɔɔŋian Mispa-o, mí ndáà cua ciɛ́ɔn maa o nda tɛɛn, vana-vana ndóò kɛsi cua ndɔ laandoo o nɔ̀u nin vana velun o polale Bɛnyamɛn-nden nin-ndo o ba le.

Masaa kialaa n'yamaa 11:39

Ciiyo paangun miuŋun mun, mó muungu o fuɲa ndɔ lo, mí fuɲa ndɔ kɔ tosa a ndu mɛɛ ndóò cua ciɛ́i yɛ. Cuaambɔ kon ndóò sina vɔ dɛnɛ vanapɔnɔ le few. Kandɔɔ o telen kon, mí dɛnɛ kon siŋnun naamoo Israɛlla tɛɛn.

Yeremi 44:25

Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹La cii dimi niaa laandaa niaa maa ɲɛ niaa dimi-o niaa tosanin le hala laandu co o halataala-o ni, maa la lumnin ndu sálàla cuɛima cun kɛndɛlan mì la solul ndu sálàla mamɔilan. Nduyɛ, mí la peelu sɔɔn mun.› Mɛɛ la tosa mɛɛ niaa dimi lende yɛ.

Matie 14:8

Mí kala cuaambɔɔ soaa cuaambɔ kon o lani, mó dimi aa: «Ke ya bolle Nsaŋ Vana-yinaa len o sɛtio nin nanu!»

Matie 14:10

Mó viam vanndo le kɔlan Nsaŋ bollen kiolɔɔ nɛɛ o va o kaasoo-a.