Matie 14:8 - BII BILA

⁸ Mí kala cuaambɔɔ soaa cuaambɔ kon o lani, mó dimi aa: «Ke ya bolle Nsaŋ Vana-yinaa len o sɛtio nin nanu!»

Matie 14:8 Referans Kwoze

Marke 6:24

Mí cuaambɔɔ fula, mó kɔ ɲuna kala ndɔ aa: «Yɛɛ ya kɔ piɛi yɛ ndu?» Mí kala ndɔ mulul ndu aa: «Bolle Nsaŋ Vana-yinaa len.»

Talelan 29:10

Vanaa diuvaa n'vannda yeema vanaa co kela sandaa-a le. Kɛ vanaa co kan kela toɲaa-a vanaa sandaa holnun ni.

Talelan 1:16

Kani nda nda, dɛnɛ vɔɔndo tuŋ nda co keiyo tosaa a kiltan ni. Keleŋaa pila nda keleŋa le vanndacieea diwvo ni.

2Masaa 11:1

Atali kalaa Ahasia cɔu maa po ndɔ vi, mó can, mó viam vannda le kɔlan poaa yungu lemasaa kpow diwvo.

1Masaa 19:2

O kon, mí Yesabɛl yoo ndu kiilaa le ndu kɔlan dimullo aa: «A telenndo ho siɔdii, te i dii nɔm mɛɛ n diw vanaa-tɛɛngaa diom Baal-la nuaa yɛ le few, mɛɛ halaa tuisí ya sanga hiow sangalan kpow-vo coo!»

1Masaa 18:13

Vɛ̀ɛ̀ kabi bɛɛ a tui ɲɛ ya tosa lɔ́ɔ́ Yesabɛl va vanaa-tɛɛngaa-diom Hala-a diwvo-o le? Yáà ven nda lende o buululan nin kundalan tan tiɔn ni, mí vian nda baa n'van beleŋuɛɛnu, baa pilɔɔ vɛlɛ n'van beleŋuɛɛnu. Mí va nda mɛnndan a baloo keo.

1Masaa 18:4

Telen kon kpeekpei Yesabɛl va vanaa-tɛɛngaa-diom Hala-a diwvo ni. Mí Obadia cua vanaa-tɛɛngaa-diom Hala-a n'van kɛmɛ, mó kɔ vian nda kundalan tan tiɔn o buululan nin, ba pilɛ n'van beleŋuɛɛnu, baa pilɔɔ vɛlɛ n'van beleŋuɛɛnu. Mó va nda mɛnndan a baloo yɔngoo.

Ɛsdras 1:9

Mɛɛ ɲɛm mun va sɛ́lɛ́ yɛ va hoo ni: sɛtila n'sianilan beleyaa (30), sɛtila n'volilan vàá pilɛ (1 000), mɔɔn bidiin a n'ŋɔmahiɔɔlu (29),

Matie 14:7

mó mɛnalan cuaambɔɔ maa ɲɛ-ɲɛ o ɲuna ndu pɛ o kenin ndu.

Matie 14:9

Mí mɔnɛi bii masaa, kɛ le tùú ndóò cii nin mɛnan-ndo, a le tùú vanaa o veelu le dioo-a va lon-ndo, mó cɛl le ndu bolle Nsaŋ Vana-yinaa len yɔngoo.

Matie 14:11

Má hun a bolle ndɔlen o sɛtio nin, má yɔngu cuaambɔɔ, mó yoo kala ndɔ.

Marke 6:25

Mí cuaambɔɔ keleŋa muungu cɔ́-cɔ́ o masaa lo, mó dimul ndu aa: «I yeema ma ke ya bolle Nsaŋ Vana-yinaa len sunsun o siɛtio nin.»

Marke 6:28

Mí vana cɔw kon kɔa, mó kɔ kialu Nsaŋ bollen nɛɛ o va o kaasoo-a, mó hun a len o siɛtio nin. Mó ke cuaambɔɔ len, mí cuaambɔɔ ndu yoo kala ndɔ.