Matie 14:4 - BII BILA

⁴ Kani Nsaŋ va ndu dimullo maa o nɔ dí, mò cua Herodiade kon, mò va laa ndɔ le.

Matie 14:4 Referans Kwoze

Tɔŋ lasálàá 20:21

Te vanndo cua pɛ lanɔɔ pɔmbɔ ndɔ, te kon te lanɔɔ bɛ ndɔ o nɔ̀u nin, mɛɛ a tosa dɛnɛ nɔɔlɛiyo Mɛlɛka o hɔl. A vu o nɔ kon nin lende a sɔlanin hɔ́ɔ́ le, kani langbanɔ kon o ci bɛ ndɔ ɲɛ-ɲɛ le.

Tɔŋ lasálàá 18:16

A bɛnda ma tosa kpelemɔɔsaa a lanɔɔ bɛ nɔm, te kon te lanɔɔ pɔmbɔ nɔm te, yɔŋii n cii bɛ nɔm kon, te kon te pɔmbɔ nɔm kon labɛɛ.

Marke 6:18

Kani Nsaŋ ndóò dimul ndu Herɔde ni aa: «A bɛnda ma cua lanɔɔ puapilɛ nɔmndo o nɔ̀u nin te!»

Talelan 28:1

Vana dɛnɛ vɔɔndo nɔlà mò sungu kiltan hali mì vana ve ndu tovɔɔ le. Kɛ vana sandaa ndu laalan ndu pila maa yàlà téndé.

Esai 8:20

‹o bɛnda mì n mingul tɔŋndo a seilen hɔlla!› Te vana suu lende le, mɛɛ ɲɛ-tengaa paale siaa venin le ndu le.»

1Masaa 21:19

ma kɔ soo o ndu lo, ma dimul ndu aa: ‹Nuaa Mɛlɛka dimi ni aa: Vɛ̀ɛ̀ a cii pɛ vanndo diyɔɔ a hin vɛlɛ ɲɛm ndɔn cuaa?› Mà soo vɛlɛ o ndu lo, mà dimul ndu aa: ‹Nuaa Mɛlɛka dimi ni aa: O fonda tunnda deembuu kooma Nabɔt-an-ndo, lon koni tunnda deembuunin vɛlɛ komaa nɔmndan ni.›»

2Samiɛl 12:7

Mí Natan dimul David aa: «Nɔm kpeekpei co vana tosa dɛnɛ kon-ndo ni. Mɛlɛka Hala Israɛlla dimi aa: ‹Ya pɔla nɔm ni mí siinguu nɔm masaa Israɛlla coo. Ya baŋa nɔm Saul o ba ni.

Talelan 28:4

Vanaa bii tɔŋndo le-a heelu vanaa kɔlvesɛiya ni, kɛ vanaa bii tɔŋndo-a, cɔlɔbaa nda cɔlɔba vanaa kɔlvesɛiya ni.

Yeremi 34:6

Mí Yeremi vana-tɛɛngaa-diom Hala-o dimul Sedekia masaa Yuda sɔɔn mun kpow Yerusalɛm.