Matie 14:3 - BII BILA

³ Kani Herɔde ndóò bii nin Nsaŋ, mí ndóò baa ndu yɔlɔn, mí ndóò mal ndu o kaasoo le sɔɛi Herodiade lanɔɔ Filipe puapilɛ ndu Herɔde-e.

Matie 14:3 Referans Kwoze

Marke 6:17

Kani mí Herɔde ndóò dimi maa a bii Nsaŋ, mà baa ndu yɔlɔn o kaasoo le Herodiade, lanɔɔ Filipe puapilɛ ndɔ ndu Herɔde ndóò yil o nɔ̀u nin-ndo pɛɛn.

Matie 4:12

Yeesu ndóò tueyɔɔ maa a mal Nsaŋ o kaasoo, mó kɔannun o tàndá Kalile-o nin.

Marke 6:22

Mí cua Herodiade-o luɛi, mó ya. Mí ɲɔɔ hɛnan Herɔde nda vanaa ndɔa o veelu-a. Mí masaa dimul cuaambɔɔ aa: «Piɛi ya ɲɛ n yeema-o, mì ke nɔm ndu.»

Marke 6:19

Herodiade va nɛyɔnndo a Nsaŋ, ndóò yeema le ndu diyɔɔ. Kɛ ndóò nɔla le,

Matie 11:2

Nduyɛ, Nsaŋ lo o kaasoo, mó tuɛi a dɛnnda Krista lan o kɔɔ. Mó viam kaandeŋaa ndɔa le kɔlan ɲunaa aa:

Luke 13:1

O telen kon, mí vanaa pum a kɔa o Yeesu lo, má dimul ndu aa: «Mí Pilate ndóò bingulan kooma Kalilea a sálàlá nda va solio lan.»

Matie 14:6

Nduyɛ, o kafo paale vialannde Herɔde len coo, mí cua Herodiade-o ya vanaa va o kafo kon coo-a o hɔl. Mɛɛ ɲɔɔ hɛnan Herɔde tei,

Marke 6:14

Mí masaa Herɔde tuɛi sɔɛi ken, kani Yeesu ndóò kela nin tɔ́ɔ́ taw. Mí vannda va dimio aa: «Nsaŋ Vana-yinaa tendu fulaa vanvílɛ́iya tɛɛn, o fula ciee-piɔ́m mó muungu yoomu, lelan o nɔ kpaayaa le dɛnnda kaamaalan tosaa nuaa ni.»

Marke 8:15

Mí Yeesu dimul nda aa: «La mandan a lɛvɛn Faliisia a á lɛvɛn Herɔde-o.»

Luke 3:1

O vɔsi tɔ́ a o ŋuɛɛnundɔɔ o masale Tibɛr Sesar len bɛngu, telen Pɔnse Pilate va masa-ibungaa o tàndá Yuda-o nin, mí Herɔde va masalen tosaa o tàndá Kalile-o nin, mí Filipe puapilɛ ndɔ ndu va masaa o lɛŋnde Iture len nin a o lɛŋnde Trakonitis len, mí Lisanias ndu va masalen tosaa o lɛŋnde Abilɛn-nden nin-ndo,

Luke 8:3

Yoana lanɔɔ Kusa, Kusa va vana pilɛ o vanáà nɔ hɔlten o ɲɛm Herɔde-on coo-a tɛɛn, Susane a vanlaandua celen sɛ́lɔ́ɔ́ taw. Vanlaandua haa a va Yeesu nda kaandeŋaa ndɔa malaa a ɲɛm ndan sɔlan ni.

Luke 13:31

O telen pilɛ kon, mí Faliisia pum a hun o Yeesu lo, má dimul ndu aa: «Faŋan nanu mà kɔɛ nɛɛ celen, kani Herɔde yeema mò vem vannda le nɔm diyɔɔ.»

Luke 23:7

Ndóò sinaa maa o tàndá Herɔde va masalen tosaa coo-o nin Yeesu fula ni, mó yaa ndu o Herɔde lo, kani ndu bɛɛ va telen kon Yerusalɛm ciee.

Luke 23:11

Mí Herɔde nda vanaa va ndu hɔlten nda sui ndu diɔmnde. Ndáà ciiyo ndu mamɔɔ, má vow ndu doma sɔvɛ-sɔvɛ bɛndoo, má mingi ndu o Pilate lo.

Dɛnnda kiilaa 4:27

I co toɲa, maa mí Herɔde nda Pɔnse-Pilate a cɛlan o kobio ho nin nda vanaa-mangalaa-isɔɔa celen, a Israɛlla, má yii Yeesu dúmbú, Yeesu vana baala diandaa nɔmndo, o n hɛli mo va Krista-o pɛɛn.

Dɛnnda kiilaa 12:1

O telen kon, mí masaa Herɔde kandu vanaa pum yɛlen tollo o vanaa Hala-a tɛɛn.