Matie 13:57 - BII BILA

⁵⁷ Ken kpeekpei yɔŋ ni a laalan ndu le. Kɛ mí Yeesu dimul nda aa: «Vana-tɛɛngaa-diom Hala-o fola biiloo nɛɛ-nɛɛ celen te, fɔ o lɛŋnde ndɔlen nin a o ndu lo cɛinin.»

Matie 13:57 Referans Kwoze

Nsaŋ 4:44

Kani mí ndu pila ndóò timbi seilen aa: «Vana-tɛɛngaa-diom Hala-o sɔla biiloo o ndu lo le.»

Matie 11:6

Dɛnɛ kɛndɔɔ co le vana kon, o delnin o lapɔw nin le dɛnɛ nuu loo.»

Luke 4:24

Mó dimul nda vɛlɛ aa: «I co niaa toɲaa dimul, vana-tɛɛngaa-diom Hala kɛ́-kɛ̀ sɔla biiloo o lɛŋnde ndɔlen nin te.

Nsaŋ 6:61

Le tùú Yeesu ndóò sina maa kaandeŋaa ndɔa co sɔɔn pɔmbɔn a pɛɛku ndɔ kon o kɔɔ-o, mó ɲuna nda aa: «Vɛ̀ɛ̀ mì sɔɔn ya dimi mun-ndon pala niaa?

Esai 53:3

Vana vannda ndáà pɛɛsa ma kɛɛ-o o va ni, vana ɲɛ kindilaa o va ni, vana dema sangaa sɔla-o o va ni. Maa vana vannda feŋal hɔlla-o o va ni, ndáà tɛɛndan ndu bɔɔ, ndáà ci ndu ɲɛ-ɲɛ le.

Nsaŋ 6:42

Má va dimio aa: «O co macoaa ndu le co Yeesu po Yosɛf-o le? N sina masinaa fuɲa ndɔ a kala ndɔ le? Kɛ le yɛɛ o co yɛɛ naa niko dimullo maa o halataala o fula ni?»

Luke 7:23

Dɛnɛ kɛndɔɔ co le vana melnin laalan ndɔɔ le ya loo.»

Esai 49:7

Mɛlɛka, vana baŋaa a O-Diandaa Israɛlla soo o vanaa nda pɛɛsa má ca nda ɲɛ fondoo-a lo, vanaa co cɛa vanaa kpaayaa-a pɛɛn, mó dimul nda aa: «Masaa canin niaa ma cɛn isisi, cuavaa lemasaa canin niaa ma baŋ vulan, le Mɛlɛka biiloo, o lo o lediom coo-o, le O-Diandaa Israɛlla, o hɛli niaa-o biiloo.

Esai 8:14

Nduyɛ, o vanin cɛi-kola-toandaa diandaa le yungu ndɔɔ, kɛ o vanin vɛlɛ pow boŋaa, pow kpova nɛinun vannda-o le masɛi ŋiiŋii Israɛlla. O vanin vɛlɛ yalaa a yaŋɔɔlen le vanaa co icali Yerusalɛm ciee-a.

Marke 6:14

Mí masaa Herɔde tuɛi sɔɛi ken, kani Yeesu ndóò kela nin tɔ́ɔ́ taw. Mí vannda va dimio aa: «Nsaŋ Vana-yinaa tendu fulaa vanvílɛ́iya tɛɛn, o fula ciee-piɔ́m mó muungu yoomu, lelan o nɔ kpaayaa le dɛnnda kaamaalan tosaa nuaa ni.»

Marke 6:3

O co langbanɔɔ cua hoo yindɔlan-ndo le? O co po Mari-o le, bɛndoo Nsaki, Yosɛf, Yude a Simɔn pɛɛn? O co yemaa ndɔa le co naa haa tɛɛn nanu le?» Mí ken yɔŋnun pow boŋaa le nda.

Matie 13:58

Le laalan nda lepɛŋndo, Yeesu tosa dɛnnda kaamaala bɔɔ lon te.

Marke 6:1

Mí Yeesu faŋan ndon, mó kɔa o lɛŋnde ndɔlen nin. Mí kaandeŋaa ndɔa kɔa ndu kɔɔli.

Marke 6:4

Kɛ mí Yeesu dimul nda aa: «Vana-tɛɛngaa-diom Hala-o sɔla biiloo o lɛŋnde ndɔlen nin te, vanayan ndɔn tɛɛn a o ndu lo cɛinin pɛɛn.»