Matie 13:54 - BII BILA

⁵⁴ Mó kɔa o lɛŋnde ndɔlen nin, mó kandu vannda pɛɛkoo o cɛila lekaanndan nin, mí kɔndɔfillo bii nda. Má va dimio aa: «Kuɛɛ o fula yɛ a kɔlkaloo ho a á kaamaala o co lan tosaa lan?

Matie 13:54 Referans Kwoze

Matie 7:28

Yeesu ciiyo sɔɔn mun dimio, mí sɛ́lɛ́ bɛndu o dimi mun o hɔl-lo dɔawnun kɔndɔfili a pɛɛku ndɔɔ.

Matie 4:23

Yeesu va kelaa o tàndá Kalile-o kpow nin, o va keiyo vannda pɛɛkoo o cɛila lekaannda Yuifia nin, o va yondaa a masale Hala len o kɔɔ, o va vannda singio a nààla ndalan kpow a á namtale kɛ́-kɛ̀ ndáà nɔ.

Matie 2:23

mó kɔ cal o kobi nda veelu aa Nasarɛt-o nin, haliko mi sɔɛi vana-tɛɛngaa-diom Hala-o dimi-e ndíì peelun aa: «A veelunin ndu aa Nasarɛtenɔɔ.»

Condii lisai 22:22

Soli ya yàlàá o lasondo, mà baŋa ya o leela cìíya ha tɛɛn! Se kɛ a cii ya nihau bɛɛ mulul!

Dɛnnda kiilaa 13:46

O kon, mí Pol nda Barnabas dimul nda a tiindanndo kpendekele aa: «Ndóò bɛnda mì naa n dimul niaa fɔlɔn sɔɛi Hala-e. Kɛ le mɛɛ niaa co ndi kɛɔ, mì niaa pila va cɔnɔnndo maa la co vanaa bɛnda mì la sɔla yoomu fɛɛn-fɛɛn te yɛ, n co mulin o vanaa co N'Yuifi le-a lo.

Dɛnnda kiilaa 4:13

Mɛɛ vanaa kialaa n'yamaa lelɛŋnda ce Piɛr nda Nsaŋ sɔɛi válán a kɔlkɛsiaa, má sina vɛlɛ maa vanndacieea daama, aa sɔla lapɛɛku le-a nda va ni, mí kɔndɔfillo bii nda taw. O kon má bii bila maa vanaa va nda Yeesu-a latulu-a nda va ni.

Nsaŋ 1:11

Mó hun o vanaa ndɔa lo, kɛ vanaa ndɔa cɛl ndu le.

1Samiɛl 10:11

Lɔ́ɔ́ Saul va o piaa a kɔl Hala-o mó va diom Hala-o tɛɛnguuo vanaa-tɛɛngaa-diom Hala-a tɛɛn-ndo, mí vanaa sina ndu paandu-a dimulan vellaa-velle aa: «Ko yɛɛ nɛ yɔŋnun yɛ po Kis-o o laan? Mò va maa vana-tɛɛngaa-diom Hala-o Saul bɛɛ siŋnun nin ni?»

Luke 2:47

Mí vanaa va ndu diomndo tueyɔɔ-a kpow a dɔawnun kɔndɔfili a kɔlkalu ndɔɔ a á mulila o va yɔngoo lan.