Matie 13:44 - BII BILA

⁴⁴ «Masale halataala len le co vɛlɛ ko kpen maa bolofaa co o vianaa yondoo pum nin-ndo. Vanndo saalɔnndo ndu, mó cɔɔlu ndu vionɔɔ. O lo ɲaale kon dɔwnɔnndo tei, mó pisi ɲɛm ndɔn kpow, mó kɔ piandu yondo kon.

Matie 13:44 Referans Kwoze

Kolɔsea 2:3

O ndu nin kɔlkaloo a dɛnɛ sinaa kpow vennun ni.

Luke 14:33

Lelan, vana-vana faŋá kɔl ndɔɔ o ɲɛm o nɔ-on coo le, o tiwba mò va kaandennɔ nuu le.»

Matie 6:21

Kani nɛɛ bolofaa nɔmndo co-a, lon koni kɔl nɔmndo vanin ni.»

Matie 19:29

Nduyɛ vana-vana mɛi pɛ cɛila ndɔlan, puapilɛa ndɔa, yemaa ndɔa, fuɲa ndɔ, kala ndɔ, laa ndɔ, cuavaa ndɔa, te kon te yondola ndɔlan le diola nilan, ndu sɔlanin o hiow kon polon-ndo. O kon kɔɔli, o sɔlanin yoomu fɛɛn-fɛɛndo.

Talelan 16:16

Kɔlkaloo sɔlaa co fisa a sianion cuungiaa, dɛnɔɔ sinaa hiow va ɲɛ sɔvɛ polon a volion nɔu.

Talelan 23:23

Kindin ma va vana toɲaa, ma nɔ kɔlkaloo, sinapɛngoo a dɛnɛ sinaa. Ɲɛla lan vɔngul o kɛ́-kɛ̀ le.

Dɛnnda cɔɔmuanndan 3:18

Lelan i co nɔm sila mà pendu ya sianin nda dindi o yin-ndon o ba, haliko ma sɔla bolofaa a volɔɔla humbulan, haliko ma cuɛinun, o kon a ve lɛnin a fɛ́lio mì siɛmbula bii nɔm te. Piondu koovan le malnɔnndo o lahɔl, haliko ma ce.

Matie 19:27

O kon mí Piɛr dimul ndu aa: «Naa naa, ɲɔɔn kpow naa n mɛi ni mí n del nɔm kɔɔli. Vɛɛ la va yɛnin le naa?»

Matie 19:21

Mí Yeesu mulul ndu aa: «Taa yeema pɛ ma peelun, mɛɛ kɔ pisi ɲɛm n nɔ-on, ma piɔw vanaa bala fondoa, o kon ma sɔla bolofaa o halataala. O kon kɔɔli, a hin, a del-la kɔɔli.»

Esai 55:1

Sei, niaa vanaa kolɔɔ bii-a kpow, la hun nɛɛ mɛnndan ma co-a, hali mi vana nɔ ivoli o ba le! La hun, la piɔndi mì la de! La hun, la piondu mɔiyan a nɔnɔan, o co a n'voli le niaa co piondɔɔ le, la co hunɔɔ bɔnɔ luɛyɔɔ le!

Rɔmnda 15:4

Nduyɛ, sɔɔn kɛ́-kɛ̀ n sɛvan lɔ́ɔ́ kon, le naa pɛɛkoo n sɛvan ni, haliko mi biuvɔnndo a yoomuma Sɔɛi Hala-e ke vana-an ma mala naa le kɔllo kɛsio.

Matie 13:24

Mí Yeesu dimul nda vɛlɛ tale celen aa: «Masale halataala len le co maa langbanɔ saŋ malun kɛndɔn o ciɛi ndɔɛi nin-ndo.

Hebreea 10:34

Mí mɔnɛi bii niaa niaa vanaa kaasoa latulu, mí la cɛl a ɲaaloo le niaa ɲɛm nian poondiaa o laba, kani la sínà maa la nɔ ɲɛm hiow naŋɔɔ-on, n co le fɛɛn a fɛɛn-ndon.

Nsaŋ 6:35

Mí Yeesu dimul nda aa: «Ya, ɲɛdiaa cindaa ya co ni. Vana hin pɛ o ya lo, yima nɛi ndu lɔ́ɔ́-lɔ́ɔ̀ le, vana laalan ya pɛ, kolɔɔ bii ndu lɔ́ɔ́-lɔ́ɔ̀ le.

Talelan 17:16

Volion va bɛɛ diɔm sondo vesɛiyo o ba, kpeku yɛɛ o soli yɛ a mun? Mò va maa kɔlkaloo o piandunin a mun ni? Kani o pe lebol te.

Kolɔsea 3:16

Màá sɔɛi Krista-e va niaa nin taw-taw! La pɛɛkuan mì la siilian vellaa-velle a taasi. La solul Hala condon a kɔlta niaalan kpow le ndu balikaa mello. La solul ndu condun lisan, condun kɔllon a condun sangalan fula Kɔl-Diandaa o ba-on.

Talelan 18:1

Vana yeema tɔnɔ ndɔ ndu pilaa daama-o holnun caanda le, vana tuu pɛ le ndu malaa o tuulu kɔl.

SƐBƐ YƆB-O 28:13

Vanacieo sina lɔ́ɔ́-lɔ́ɔ̀ vɔngu kɔlkaloo le, kɔlkaloo nɔ calta ndɔ o lɛŋnden coo vanndacieea tɛɛn te.

Matie 13:46

Mɛɛ o komal o pilɛ, mó kɔ piisuu ɲɛm ndɔn kpow, mó piandu yɔɔva kon.»

Matie 13:47

«Masale halataala len le co ko vɛlɛ kpen a yala yɔɔyaa nda vuu o dalaa nin, mó kɔandu suvaa súú-súù ka-o.