Matie 13:19 - BII BILA

¹⁹ Kulun deli o nɛiyo demullo-on, mun co vanaa tuɛi sɔɛi masale Hala len, a bii ndi bila le-a ni. Vana vɔɔndo hin pɛ, o soli nda sɔɛi saŋnun ken nda o lakɔl-le o lakɔl.

Matie 13:19 Referans Kwoze

Matie 13:38

Ciɛi, ndi co ceendo ni. Malun kɛndɔn, mun co vanaa co masale halataala len cɛlɔɔ-a ni. Bil vɔɔndo yɛ, ndu co buɛyaa Vana vɔɔndo ni.

Hebreea 2:1

Lelan, o bɛnda mì n handun kɔllo o sɔɔn naa n tuei-yon coo, yɔŋii naa n luɛi o sangaa nin.

1Nsaŋ 5:18

N sina maa vana-vana velun pɛ o Hala nin, ndu hiw lɛ laci a hakio tosaa le. Kani Po Hala-o co ndu kandaa, Vana Vɔɔndo nɔ lɛ kpaaya ndu coo le.

Matie 4:23

Yeesu va kelaa o tàndá Kalile-o kpow nin, o va keiyo vannda pɛɛkoo o cɛila lekaannda Yuifia nin, o va yondaa a masale Hala len o kɔɔ, o va vannda singio a nààla ndalan kpow a á namtale kɛ́-kɛ̀ ndáà nɔ.

1Nsaŋ 3:12

N tosan maa Kaɛn te, le vana Vɔɔndo ndu va ni, mó dii pɔmbɔ ndɔ. Le yɛɛ kpeekpei o dii yɛ ndu? Le mɛɛ dɛnnda ndɔlan láà vɔw, mí la pɔmbɔ ndɔlan láà sandu yɛ.

Rɔmnda 1:28

Le tùú nda kɛɛ le Hala sinaa-o, mó mal nda a kɔlkalu nda laasi-laasio, má luɛi dɛnnda vana bɛnda le tosa le lan tosaa.

2Tesalonikea 2:12

Vanaa kɛ́-kɛ̀ kɛɛ sɔɛi toɲɛi laalan, mà va ɲaaloo dɔwnɔnndo a dɛnɛ vɔɔndo sɔlanin yaalaa.

Rɔmnda 14:17

Kani masale Hala len le co dɛnɛ ɲɛdiaa te kon te dɛnɛ kolaa le, kɛ dɛnɛ sandaa, kɔlɲuloo a ɲaaloo dɔwnɔnndo, o Kɔl-Diandaa yɔngu vana-o.

Rɔmnda 2:8

Kɛ o tuisinin kɔltuw ndɔɔ a hiilɛi ndɔɛi vanaa sɛɛngiaa ndu, má kɛɛ toɲaa, má muungu bollen vowvo o dɛnɛ vɔɔndo nin-nda coo.

Dɛnnda kiilaa 28:23

O kon mí simlacia Yuifia hɛli paale celen le bɔɔŋian-ndo. Paale len tiiyaa, mí nda kpow a muungu Pol tofa nɛɛ o va o yiya-a. Cɔn idiiyo háá icɔllo, Pol va nda sɔɔn tɛɛsiallo a Masale Hala len o kɔɔ. O va nda kɔltan pilanndo a tɔŋ Moise-o a á sɔɔn vanaa-tɛɛngaa-diom Hala-a le nda sɔɛi Yeesu-e tiiyallo.

Dɛnnda kiilaa 20:25

I kei niaa kpow tɛɛn, mí pɛɛku niaa a Masale Hala len o kɔɔ, kɛ i sinà nihau maa vana ci lenin ya niaa tɛɛn te.

Dɛnnda kiilaa 18:15

Kɛ le mɛɛ o co dɛnɛ lasɛɛngianndo o diomndan lapum coo, o diolan coo a o tɔŋ niaa pilaa coo yɛ, la toosiaa sɔɔn mun niaa pilaa tɛɛn, i kilu sɔɔn vaa nuaa iyama le.»

Dɛnnda kiilaa 17:32

Ndáà tueyɔɔ Pol sɔɛi a tendul vanvílɛ́iya o kɔɔ, mí vanaa pum can ndu mamɔɔ, mí a pum nda dimi aa: «Lɔ́ɔ́ celen a dimul naa.»

Nsaŋ 18:38

Mí Pilate ɲuna ndu aa: «Yɛɛ co yɛ toɲaa?» Pilate ciiyo dimio lende, mó fula vɛlɛ o dio, mó komal Yuifia hin a Yeesu-a, mó dimul nda aa: «Ya i ci tɛɛmbuu oo tɛɛmbuu vana yaala langbanɔɔ ho le.

Nsaŋ 8:43

Le yɛɛ niaa co yɛ kɛɔ sɔɛi nii bila biyɔɔ? Kani la yeema mì la tuei sɔɔn nun te.

Luke 10:9

La singi vanaa lanàá co lon-nda, mì la dimul nda aa: ‹Masale Hala len le sɔɔnguu niaa ikɛi.›

Luke 9:2

Mó viam nda vannda pɛɛkoo a masale Hala len o kɔɔ a le vanaa lanàá singio.

Marke 4:15

Kulun deli o nɛiyo demullo-on, mun co vanaa tuɛi sɔɛi Hala-e, mì Setana hun soli nda sɔɛi nda saŋ nda ken o kɔl-le ni.

Matie 5:37

Sɔɛi niaa cɛl pɛ aa ‹Oi› ndi lo lende, i niaa dimi pɛ aa ‹Ɛ-ɛ› ndi lo vɛlɛ lende. I kɛ́-kɛ̀ vana handu nin pɛ o kon kɔɔli, Vana vɔɔndo o ba ken fula ni.»

Talelan 17:16

Volion va bɛɛ diɔm sondo vesɛiyo o ba, kpeku yɛɛ o soli yɛ a mun? Mò va maa kɔlkaloo o piandunin a mun ni? Kani o pe lebol te.

Talelan 1:7

Siòòŋii Mɛlɛka-e nɔu, kon co kandɔn kɔlkaloo ni. Diɔmnda co kɔlkaloo a pɛɛkoo pɛɛsaa.

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

Efɛsea 3:8

I co vana sɔvɛ o vanaa laalannda kpow tɛɛn te, kɛ nduyɛ, kɛndɛi ken i yɔngun ya haliko mi cɔm vanaa co N'Yuifi le-a tɔnɔ bɛndu co o Krista nin-ndo,

Esekiɛl 31:18

O yɔmnde Edɛn tɛɛn faw, a nɛ̀ɛ́-nɛ̀ n velan yɛ o biiloo a o bɔɔbɔɔyɛi nin? Nɔm yɛ, a co nɔm tuisi o puuloo bɛngu di-di niaa yɔmii ken Edɛn latulu. A yambunin nɔm vanaa dii tooma le-a tɛɛn niaa vanaa vi o mɔɛi cɔwve bɛngu-a! Lende dɛnɛ masaa Esipte a dɛnɛ vanaa ndɔa sɛ́lɛ́a vanin ni. Ya Maalii, ya co Mɛlɛka-o soo nuaa ni.»

Matie 12:26

Te Setana tow pɛ Setana, mɛɛ ndu pila piɔvan ni, vɛ̀ɛ̀ masale ndɔlen le nɔla yɛ mì le lo lemasa?

Matie 13:20

Kulun deli o powtan nin-ndon, mun co tɔɔmasele vana tuei sɔɛi Hala-e, mó cɛl ndi fɔ́ɔ́fɔ̀, a ɲaaloo-o ni,