Matie 13:15 - BII BILA

¹⁵ Kani kɔlta vannda ha la laasian, a cii nilan baŋulɔn, má kinda hɔltan, yɔŋii nda cɔ a lahɔl, mà tuei a lani, mà bii bila a kɔlta ndalan, mà mangalan, o kon mì singi nda.›

Matie 13:15 Referans Kwoze

Esai 6:10

Siinguu kɔlta vannda ha kɔlta bii isɔɔ le lan, baŋul nda nilan mà kumbu nda hɔltan kpáŋ, yɔŋii nda cɔ a hɔlta ndalan, yɔŋii nda tuei a nila ndalan, ma bii bila a kɔlta ndalan, haliko a mangalan mà sɔla siongɔɔ le.»

Marke 4:12

haliko a va bɛɛ tofaa, a ca le, a va bɛɛ tueyɔɔ, a bii bila le. Yɔŋii nda mangalan mà sɔla hakio malɔɔ.»

Sakari 7:11

Kɛ, má kɛɛ le sɔɔn mún biyɔɔ, má tosa nila kalulan, má baŋulu nila ndalan yɔŋii ndáà tuei sɔɔn kalan.

Yeremi 17:14

Mɛlɛka, singi ya mì sengu, ciindiaa ya mì cinda, kani biilu nɔmndo co ya o sondo lɔ́ɔ́-lɔ́ɔ̀.

Hebreea 5:11

N nɔ sɔɔn taw le dimio o sɔɛi hee coo, kɛ n kendu tɛɛsiaa, kani la keleŋa sɔɔn bila biyɔɔ le.

2Timote 4:4

Nduyɛ, a mululnin Mɛlɛka kɔɔlan, mà muli hɔlla le bundɔn lacòòvan nilan yaŋɔɔ.

Dɛnnda kiilaa 7:57

O kon mí vannda kinda nilan, má yonda kpélén. Mí nda kpede a toal ndu coo,

Condii lisai 119:70

Sɔɛi luei nda o lakɔl te, a nɔ yiyan te. Kɛ ya ya, i co ɲaaloo dɔwnɔnndo o tɔŋ nɔmndo nin.

Dɛnnda cɔɔmuanndan 22:2

Yɔm yoomaa va o falii kobio tɛɛn a o kɔngɔla tiɔnnda pee kon coo, tɔ́ a lediin yɔm kon koam ni, ipaangu oo ipaangu o kom lepilɛ. A pei yɔm kon vanaa-mangalaa-isɔɔa sɔ̀la siongɔɔ ni.

Dɛnnda kiilaa 3:19

Lelan, la mangalan, mì la mal yɔŋ vɔɔndo, mì la mulul Hala hɔlla, haliko mo ɲumi hakila niaalan.

Osee 14:4

O co Asiri le nɔlanin naa ciindiaa le, n hel-lɛnin o soa cɔw coo le, n veelu lɛnin ɲɛ naa n cɔw a laba-o aa hala naa le. Kani nɔm tuinun vííyo iɲíí ni.›

Yeremi 33:6

Kɛ i dɔawnin nda danda mà muungu maa paandu. Mì singi cɛila ndalan, mà sɔla kɔlɲuloo, mà va nila ɲulu.

Esai 57:18

I ce nɛila nda co kelaa coo lan, kɛ i singinin nda, i simnin nda laci mì ɲɔɔlu nda mà ɲulul kɔltan, nda a vanaa nda co o dɛnɛ palaa pilɛ kon nin-nda.

Esai 44:20

Pultan vanaciee kon kɛsi kɔllo coo ni, kani kɔl ndɔ ba hivaa laasiaa ndu. Nduyɛ o ciindiaanin yoomu ndɔɔ le, o diminin vɛlɛ aa: «Còòlan lekɛ́ndɛi ya nɔ o ba nuaa ni le!»

Yeremi 3:22

La muungu ya o ibuŋ, niaa cuavaa nila kalua ha, mì mal niaa haki le sɔɛi biyɛi lepɛŋii niɛi.› «Nuaa naa, n hin nɔm o ibuŋ, kani nɔm co Mɛlɛka Hala naa ni.

Yeremi 17:9

Ɲɛ-ɲɛ hui vana maa kɔl vanacieo le. Vana nɔla ndu singio le, vana nɔla ndu bɛɛ bila biyɔɔ le.

Luke 19:42

mó dimi aa: «Vannda Yerusalɛm, te niáà bɛɛ sina pɛ hau mɛɛ vana sɔla kɔlɲuloo yɛ! Kɛ o vinnun niaa, la tiwnin ba ndu cɔw le!

Dɛnnda kiilaa 28:27

Kani kɔlta vannda ha la bii isɔɔ le, a cii nilan baŋul mà kinda hɔltan, yɔŋii nda cɔ a hɔlta ndalan, mà tuei a nila ndalan, mà bii bila a kɔlta ndalan, yɔŋii nda hun ya o ibuŋ, mà sɔla siongɔɔ.›

Talelan 16:30

Vanndo kinda pɛ hɔltan mò yii cɔcɔn le dɛnɛ vɔɔndo tuuvo, mɛɛ o cii nin ndu tosa.