Matie 13:12 - BII BILA

¹² Kani vana nɔnin o ba-o sɔlanin cɔɔloo mo kui ndu o ba taw. Kɛ vana nɔ o ba loo ndu, hali o pɔmbɔ co ndu o ba-o hialunnin ndu.

Matie 13:12 Referans Kwoze

Matie 25:29

Kani vana nɔ ɲɛ o ba-o, a cɔɔlunnin ndu yɔngu, mì ɲɔɔn kui ndu o ba. Kɛ vana nɔ ɲɛ o ba loo, hali o pɔmbɔ co ndu o ba-o, a hialunin kon ndu o ba.

Luke 8:18

Lelan, la caa taw, le mɛɛ niaa yaŋnun vannda yɛ. Kani a yɔngunin vana nɔ-o, kɛ vana nɔ loo, hali ɲɛ-pɔmbɔ o co yiyanndo maa o nɔ-o, ndu hialunnin ndu.»

Dɛnnda cɔɔmuanndan 2:5

Lelan loonun a nɛɛ n va lɔ́ɔ́ pá ma del-la, mangalan mà tosa dɛnnda n va tosaa o tasendɔ lan. Te o co kon te, i hunnin o nɔm ndo, mì faŋa ɲɛ kɛsiaa lafitina nɔmndo o fonda ndɔɔ. Fɔ dɔ́ɔ́ ma mangalan dɛ!

Luke 16:25

Mí Abraham dimul ndu aa: ‹Po nuu, loonun maa telen n va yoomu-o, má sɔla dɛnɛ kɛndɔɔ, mí Lasar ndu sɔla dɛnɛ palaa. Sunsun yɛ, ndu co o kɔlɲuloo nin nanu, mì nɔm co o mɔnɛi nin.

Matie 21:43

Lelan, i co niaa dimul, à hialunin masale Hala len niaa o ba, mà sɔɔ len vanaa-mangalaa-isɔaa celen o ba, mì nda tosa mì le kom mì le nɛŋi makoo.

Luke 16:2

Mí vana bolofaa kon veelu ndu, mó ɲuna ndu aa: ‹Vɛ̀ɛ̀ ya co yɛ tueyɔɔ a nɔm o kɔɔ? Downun ya kona, kani a manda lɛnin bolofaa nuu le.›

Luke 10:42

kɛ nduyɛ, dɛnɔɔ ndu pilɛ kpé naŋ ni. Dɛnɛ hiow kon naŋɔɔ-o Mari hɛli nuaa ni, nduyɛ, vana-vana heelunin ndu dɛnɛ kon o ba le.»

Luke 9:26

Kani vana-vana siɛmbulan la bii pɛ le ya a le sɔɔn nun, siɛmbulan la biinin Po vanacieo le vana kon telen o hunnin o biilu ndɔɔ nin, o biilu Fuɲa ndɔ-o nin a o biilu mɛlɛkaa nin-ndo.

Marke 12:9

Yɛ̀ɛ̀ vana nakɔɔ tosa yɛnin? O hunnin, mò diw vanaa tósà kan baalaa o nakɔ n'rɛsɛnndo nin-nda, mò sɔɔ nakɔɔ vanaa celen o ba.

Luke 12:48

Kɛ te buɛiyo sina hɛnan vana ndɔ bɛndoo le, mò tɛɛmbuu, ndu sɔlanin lɔɔ bɔɔ le. Vana nda ke pɛ taw, a ɲuna ndu taw. Vana nda yɔngu yɛ pɛ ɲɔɔn taw mandaa, a ɲuna ndu vɛlɛ taw-taw.»

Nsaki 4:6

Kɛ nduyɛ, kɛndɛi Hala co naa tosallo-e co i bɔɔ, kani o dimin vɛlɛ aa: «Hala co vanaa kuundiannda cɔlɔbaa, kɛ o co vanaa tuisin tootoo-a kɛndɛi tosallo.»