Kɛ vɛ̀ɛ̀ Hala tiw yɛnin ba le calle lekɛ́ndɛi nda vanndacieea o lɛŋnden coo? Tofa vɔ mɛɛ halataala co o bɔɔ yɛ, kɛ hali a kon kpede nɔm Hala, a nɔla sulɔɔ lon te. Vɛɛ n tiw yɛnin ba sulɔɔ o cɛile pɔmbɔle ya tangul len-nden nin?
«Má cè ya kiila nuu vomɔɔ! Ndu co ya pemalen bulio laci ni. Maalii niaa co nuwviaa-o co cɔnɔn o lepilɔɔ, mò kɔ luɛi o cɛi ndɔ biilaa nin, kiila niaa co cumndo-o co hunɔɔ kpema nuu yii a niaa. La nua vɔ ndu hunɔɔ! Mɛlɛka-Nɔ-Kpaayaa-Kpow-vo co sɔɛi nuaa ni.
Nuaa Mɛlɛka dimi ni aa: «Halataalaa co kpɛŋɛ ni lemasaa ni, lɛŋnden le co ɲɛ ni kɛsiaa n'peloo ni. Cɛi súú yɛɛ nɛ niaa nɔla yɛnin ya tengullo? Fonda nɛ va yɛnin fonda ni pɛngiaa kpeekpei?
Ɲɛm mun kpow, ba nuu cɔw mun ni, o kon n mun kpow n va mɛɛ n co yɛ, ya Mɛlɛka co sɔɛi nuaa ni. Tofa vɔ, vana ya landunin hɔlla coo-o, ndu co vana ikɔɔ co o mɔnɛi nin-ndo ni, o co ɲiiyaa a siòònde a sɔɛi nii-o.
