Matie 12:44 - BII BILA

⁴⁴ O kon o dimin o kɔl nin aa: ‹I co muungu o ya lo cɛinin, nɛɛ ya fula-a.› O muungu pɛ, mò komal ndu fondo, o basaa, o toosiaa kpede,

Matie 12:44 Referans Kwoze

1Nsaŋ 4:4

Niaa cuavaa nia, a Hala-a niaa co ni, nduyɛ la nɔla vanaa-tɛɛngaa-diom Hala-a lacòòvaa, kani o co niaa nin-ndo hiow vaa o bɔɔ a o co o ceendo nin-ndo.

1Nsaŋ 2:19

Naa n tɛɛn nda fula ni, kɛ a ve vanaa naa le, kani te ndáà va pɛ vanaa naa, a va lo latulu naa ndaa. Kɛ i tósan lende haliko mi n sínà maa vana-vana o nda tɛɛn co o naa le.

1Korɛntea 11:19

Kɛ nduyɛ, mɛɛ mì piɔvanndan la va niaa tɛɛn, haliko mi vana sínà vanaa lo o lediom coo lekɛ́ndɛi-ya.

Efɛsea 2:2

O dɛnnda lan nin niaa va kelaa telen kon ni maa vanaa ceenda, mí la va ɲɛ masa kpaaya ihoyo va dimio-o biyɔɔ, kɔl co kon baalaa tosaa telenndo ho vanaa co Hala diom tueyɔɔ le-a tɛɛn-ndo.

Nsaŋ 13:27

Yuda biyɔɔ dɔ́ɔ́ bulu kon, mí Setana luɛi ndu nin. Mí Yeesu dimul ndu aa: «Tosa ɲɛ n nɔ le tosa-o cɔ́-cɔ́!»

Nsaŋ 13:2

Telen Yeesu nda kaandeŋaa ndɔa va ɲɛdiaa icɔl-lo dioo-o, mí ɲina vɔɔndo yɔngu Yuda po Simɔn Iskariɔt-o yiyanndo le Yeesu malɔɔ vannda o ba.

Nsaŋ 12:6

Yiyan o sɔla kon-ndo, o co iɲíí le ndóò nɔ a vanaa bala fondoa le, kɛ le tùú o va vuiyo-o. O va ɲɛm nda va mandaa-on ciimbuuo, kani ndu óò manda bɔlɔ nda n'volio o ba ni.

Matie 12:29

Te kon te, vɛ̀ɛ̀ vanndo nɔla yɛ mò kɔ luɛi o vana kpaayaa pum ndo cɛinin, mò cua ɲɛm ndɔn kpow, te o yii fɔlɔn vana kpaaya kon, malan o mulin niko mo cua ɲɛm ndɔn te?

Osee 7:6

À va pɛ sɔɔnguuo ndu ikɛi, à tosa kɔlkalu vɔɔndo a kɔltan nda latuw maa cɛi loamaa bulu. Icɔl pii kɔl nda tuwvo connun o malɔ, kɛ idii, o tuulu vundé-vundé maa yinnde bɛndu.

Matie 12:43

«Ɲina vɔɔndo fula pɛ vanndo nin, o kɔ balu o lɛŋnde veselɛilen nin, le fonda pɛngiaa nuwviaa, kɛ ò sɔla fonda le.

Matie 12:45

o kɔ cua ɲinaa vɔɔŋaa celen, a hiow ndu vɔwlen-nda a ŋɔmmɛw, o luɛi a nda, a kɔ cal cɛinin ndon. Ceen vana kon cɔɔlú levɔw hiovɔɔ ceen ndɔ paandoo coo. Lende koni i yɔŋnunnin a vanndacieea vɔɔnda ha paalen nden hau ni.»

Luke 11:25

Te o muungu pɛ mò kɔ komal cɛi kalaa o basaa, mò va o toosiaa ɲɛkɛndɛi,