Biblia Todo Logo
Bib sou entènèt

- Piblisite -




Matie 12:42 - BII BILA

42 Paale kialaa iyamalen, masa laandu fula a ba too-o cannin mò yaala vanndacieea paalen nden hau. Kani caan kon, mó mal nɛɛ lɛŋnden le mɛɛlu-a dí, mó hun le nilan yaŋɔɔ o kɔlkalu Salomɔn-ndo. Nduyɛ vana hiow Salomɔn-ndo co nanu.»

Gade chapit la Kopi




Matie 12:42
22 Referans Kwoze  

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.


O lo sɔɛi, mí yumbuyumbu ɲɛ-tengaa pum kumbu nda. Mí diomndo pum soaa o yumbuyumbu kon nin aa: «Po ni ya kaola taw-vo co hoo ni, o ya hɛli a kɔlkɛndɔɔ-o. La bíí ndu diom.»


Vana-vana ci vɔ Hala le, Hala Po pilɔɔ, o co o Fuɲaa nin-ndo, ndu cɔm vana ndu ni.


Mí diomndo fula o halataala aa: «Po ni ya kaola taw-vo co hoo ni, o ya hɛli a kɔl nuu kpow-vo.»


Lelan, Maalii pila co niaa tɔɔmaseloo yɔngu: la tuei-yɔ, cuaambɔ laandoo cuanin folio, mò velu hɔ́ɔ́ piaandoo, ma ke ndu diolan aa Emmanuɛl.


Lelan vannda o lɛŋnden kpow coo ndáà yeema le ndu cɔu a le nilan yaŋɔɔ o kɔlkalu ndɔɔ, kani Hala ndóò vow ndu kɔlkalu kon o kɔl ni.


Talelan vàálan tan yáá o dimi ni. Condun o soli-on va vàá pilɛ a ŋuɛɛnu.


Mí Israɛlla kpow a tuɛi a yamɛi Salomɔn ndóò kelu ken-nde o kɔɔ. Mí vannda kpow a vo ndu taw, kani má sina maa kɔlkalu Hala-o va ndu nin le yaman kiolɔɔ o sandei nin.


i co nɔm ɲɛ n piɛi ya-o ke, i co nɔm kɔlkaloo a sinapɛngoo ke, ò vana-vana sɔla vɔ paandu nɔm laci loo, o vana-vana sɔla lɛnin vɛlɛ o nɔm kɔɔli loo.


Lelan, i tɛɛlun nɔm, yandi, ke ya vana baala nɔmndo kɔl taasio le masalen caa tosaa vanaa nɔmnda coo, mì handu pɛɛngulan dɛnɛ kɛndɔɔ a dɛnɛ vɔɔndo tɛɛn. Kani te o co lende le, nɛ̀ɛ́-nɛ̀ nɔlà yɛ masalen tosaa vanaa nɔmaa co haa sɛ́lɛ́ bɛndoo-a coo?»


Paale kialaa iyamalen, Ninivea cannin mà yaala vanndacieea paalen nden hau. Kani caaŋaa kan, telen Yonas dimul nda sɔɛi Hala-e-o, má mal yɔŋ vɔɔn ndaa, má mangalan. Nduyɛ, vana hiow Yonas-o co nanu.


Nduyɛ i co niaa dimul, o hiow Cɛi-Hala-o co nanu.


Ó co o mɛmma ihɛllan leeloo le, yɔŋii vana dimi aa: ‹Nɛ̀ɛ́ taŋ yɛnin o mɛmma ihɛllan leeloo mò kɔ cuu naa ndu, haliko mi n tuei ndu, mì n kela lecoo?›


Swiv nou:

Piblisite


Piblisite