Matie 12:34 - BII BILA

³⁴ Niaa cuavaa hɔ̀ɔ̀lɔ́a ha, vɛ̀ɛ̀ niaa tiw yɛnin ba sɔɔn kɛndɔn dimio, te niaa pila co pɛ a vɔɔn-vɔɔn? Kani ɲɛ pia o kɔllo nin-ndo, ndu sondoo dimi ni.

Matie 12:34 Referans Kwoze

Luke 6:45

Sɔɔn kɛndɛn co vanaciee kɛndɔɔ o kɔl-lon, mun o soli ceen ni. Sɔɔn vɔɔŋun co vana vɔɔndo o kɔl-lon, mun koni ndu bɛɛ soli ceen ni. Kani ɲɛ pia vana o kɔl-lo, ndu sondoo dimi ni.»

Matie 15:18

Kɛ o kɔllo nin ɲɛ fula o sondo-o can ni, nduyɛ, ndu nɔɔliaa vanacieo ni.

Efɛsea 4:29

Sɔɔn vɔɔnndon bɛnda mì n va niaa fulaa o lasondo le. Sɔɔn kɛndɔn kínɛí n fula niaa o lasondo ni, n nɛŋi mako-on, n luei caanda yoomuan-ndon, haliko mi vanaa co niaa nilan yaŋɔɔa sɔla dɛnɛ kɛndɔɔ lenin.

1Samiɛl 24:13

Lelan, màá Mɛlɛka kiolu yamɛi naa tɛɛn naa ŋiɔn! Màá Mɛlɛka pila sala nɔm le dɛnɛ vɔɔn n co ya tosallo-o! Kɛ ya pila co nɔm ɲɛ-ɲɛ vɔɔn yɔŋ te.

1Nsaŋ 3:10

Mɛɛ vana sínà cuavaa Hala-a a cuavaa masa ɲinaa vɔɔnda yɛ co hoo ni: vana-vana tosa dɛnɛ sandaa le, vana-vana kaola vɛlɛ puapilɛ ndɔɔ le, mɛɛ ndu co o Hala le.

Matie 12:35

Sɔɔn kɛndɛn co vanaciee kɛndɔɔ o kɔl-lon, mun o soli ceen ni, sɔɔn vɔɔŋun co vanaciee vɔɔndo o kɔl-lon, mun koni ndu bɛɛ soli ceen ni.

Nsaŋ 8:44

Masa ɲinaa vɔɔnda co fuɲa nia ni, nduyɛ hɛnan fuɲa niaa-o niaa yeema tosaa ni. Kabi o tasendɔ, vana diuvaa n'vanndo o yɔŋnun ni, o sim lɔ́ɔ́-lɔ́ɔ̀ o toɲaa coo le, kani toɲa co ndu nin te. O va pɛ keiyo còòlan dimio, ken vil vana celen te, kani vana lacòòvaa a fuɲaa còòlan o co ni.

Esai 32:6

Kani diɔmndo diɔmnde o dimi ni, dɛnɛ vɔɔndo kposon o tuunun o kɔl ndɔɔ nin le dɛnnda siòòŋii Hala co nin te lan tosaa ni, le sɔɔn vɔɔnndon dimio a diola Mɛlɛka lan, le vana co a yiaan ndo malɔɔ dembe fondo, le vana kolɔɔ bii-o mɛnndan tuŋɔɔ.

Matie 23:33

Niaa kɛwva ha, niaa hɔ̀ɔ̀lɔ́a! Vɛ̀ɛ̀ niaa ɲaanun yɛnin yamɛi co niaa hunɔɔ kilulɔn le kɔlan o ɲánndávàà-e?

Esai 59:14

Le ken naa n ɲindu yamɛi sandɛi kɔɔli ni, mí dɛnɛ sandaa va naa levil lándán. Kani toɲaa co boŋiboŋio o falle nin, dɛnɛ sandaa nɔla fondaa sɔlaa lon te few.

Condii lisai 64:3

Vion ya mì faŋan vanaa yɔŋ vɔɔnda ha ikɛi, a vɔkɔ-vɔkɔ vanaa co haa dɛnnda vɔɔnndan tosaa-a-o.

Matie 3:7

Nsaŋ ndóò cɔu maa Faliisia a Sadusea co hunɔɔ taw le yinɔɔ sɔlaa, mó dimul nda aa: «Niaa cuavaa hɔ̀ɔ̀lɔ́a ha! Nɛ̀ɛ́-nɛ̀ dimul-lɛ niaa le kɔltuw Hala co nin hoo kpɛɛlun-ndo ɲaanɔnndo?

Luke 3:7

O kon mí Nsaŋ ɲuna vanaa sɛ́lɛ́ bɛndua va hunɔɔ le yinɔɔ sɔlaa ndu o ba-a aa: «Niaa hɔ̀ɔ̀lɔ́a ha! Nɛ̀ɛ́ cɔm yɛ niaa nɛiyo le kɔltuw Hala co hunɔɔ tosan-ndo kpakpalaa?

Esai 59:4

Vana-vana co sei biyɔɔ o isandu coo le, vana-vana co kɔsa o toɲa coo le, nda kpow sɔɔn fondon nda tiindan ni, ma va sɔɔn lacòòvan nɔ kɔlɔ loon solinndo o lasondo, a co foli dɛnɛ vɔɔndo cuaa, ma va dɛnɛ sandaa lepɛŋndo violɔɔ.

Condii lisai 53:1

Condii David-e, í fula o condun simlacinɔ vanaa n'condua nin-nde. A sɛ̀ŋnden o soli condei he ni aa:

Condii lisai 64:5

A co vana tɛɛmbuu isɔɔ loo vuuo nɛɛ nda co a viannannda-a, a voolu ndu ma vuu ndu, buulan co nda bɛɛ le.

Talelan 4:23

Manda kɔl nɔmndo hiovɔɔ ɲɛm tɔ̀un kpow coo, kani lon yoomu nɔmndo cɛn tum ni.

Talelan 16:23

Kɔl vana taasio cɛɛŋa sondo ndɔɔ ni, lelan sinapɛngoo cucun o sɔɔn ndɔn nin ni.

Esai 9:17

Kani kɔlvesɛiyo, lomɔɔ o loam ni maa leyin, lomɔɔ o loam ni maa yinnde loam siɛmbulle a hɛɛnndon-nden, maa yinnde loam bundɛla bɛndulan, mí kumii tiŋitiŋiei hel coocoo maa masungbu len.

Efɛsea 5:4

O bɛnda vɛlɛ mi sɔɔn vɔɔnndon, sɔɔn diɔmndon, te kon te sɔɔn nɔɔlɛiyon n fula niaa o lasondo le. Kɛ la sínà kɛndɛi Hala-e mì la va ndu balikaa mello.

Nsaki 3:2

Kani naa vanaa bɔɔ-bɔɔ n co boŋilan o nɛilan taw coo. Te vanndo boŋ o sɔɛi sondoei nin te, mɛɛ vana peelun o dɛnndan nin-ndo co kon ni, o nɔla vɛlɛ mò manda dialun ndɔn kpow.