Matie 12:25 - BII BILA

²⁵ Kɛ Yeesu ndóò sina yiyannda ndalan, mó dimul nda aa: «Lemasa oo lemasa le piɔvan pɛ, le tambu. Kobi oo kobi, te kon te cɛi oo cɛi piɔvan pɛ, ndu nɔ lɛ mayoomu le.

Matie 12:25 Referans Kwoze

Kalatea 5:15

Kɛ te la co pɛ kisikisianndo mì la va misimisianndo vellaa-velle, mɛɛ la caa dɛ, yɔŋii niaa tɛɛmbuan vellaa-velle.

Yeremi 17:10

Mí ya Mɛlɛka dimi aa: Ya co vana ca o kɔllo nin di-o ni, i sina yiyannda viannannda co o kɔltan nin-ndan. Le hee, i tiwba mi bii vana-vana mɛɛ kela ndɔɔ co yɛ, mɛɛ dɛnnda vana-vana la co yɛ.

1Korɛntea 2:11

Kani o niaa tɛɛn, ɔ́ɔ̀ vana sínà yiyannda vanacieo-vo, te o co Kɔl-Diandaa co ndu nin-ndo le? Lende vɛlɛ koni, vana-vana sínà yiyannda Hala lan te, fɔ Kɔl Hala-o.

Matie 9:4

Yeesu ndóò sina nin yiyan ndaa, mó ɲuna nda aa: «Le yɛɛ niaa nɔ yɛ yiyannda vɔɔnndan o lakɔl?

Dɛnnda cɔɔmuanndan 16:19

Mí kobi bɛndoo piɔwnun bungan mún yáá. Mí kobila vanaa-mangalaa-isɔɔa kpow la koombiaa, o kon mí Hala yiyan a Babilɔn bɛndoo, le ndu taala kólaa mɔima kɔl ndɔ tuw bɛndoo koesio.

Hebreea 4:13

Ɲɛ-ɲɛ co o viannan Hala o hɔl te. Ɲɛm o toosiaa-on kpow n co ndu o hɔl vakpa. O kei dɔ́ɔ́ pɛ hɔlten, o ce kpede. Nduyɛ, o ndu lo naa n dɔawnun kona ni.

Marke 2:8

Fɔ́ɔ́fɔ̀, mí Yeesu sina dɔ́ɔ́ yiyan ndaa. Mó dimul nda aa: «Le yɛɛ niaa co yɛ yiyanndo o kɔlta niaalan nin lende?

Condii lisai 139:2

A sinà telen ya cal-lo, a sinà vɛlɛ telen ya can-ndo, a lo levil pɔɔli, mà sinà yiyan nuu.

Dɛnnda cɔɔmuanndan 2:23

I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.

Nsaŋ 21:17

Mó ɲuna ndu o yàándɔɔ aa: «Simɔn po Yonas-o, vɛ̀ɛ̀ a kaola ya pá?» Mí kɔllo tambu Piɛr le peelu Yeesu peelu ndu sɔɛi ken ɲunaa bɛmbɛ leyáá-o. O kon mó mulul ndu aa: «Maalii, a sínà dɛnndan kpow, a sínà maa i kaola nɔm.» Mí Yeesu dimul ndu aa: «Landu hɔlla saa niaa coo.

Amɔs 4:13

Kani la tofa vɔ! Vana cɔw pembon a hoeiye-o, vana cɔm vanacieo yiyannda ndɔlan-ndo, vana mangala ɲɛ-tengaa paale siaa ɲumndan-ndo, ó co kelaa o pembun co o lɛŋnden coo-on coo-o, diola ndɔlan aa Mɛlɛka, Hala-Nɔ-Kpaayaa-Kpow-vo.»

1Masaa 16:21

Simri vuo, mí Israɛlla koma piɔvan kundalan tan tiɔn: vanaa tasea ndáà yeema mí Tibni, po Kinat-o ndóò siŋnun masa ndaa, kɛ mí a pilla nda sim Ɔmri kɔɔli.