Matie 12:15 - BII BILA

¹⁵ Kɛ Yeesu tueyɔɔ lende, mó faŋan ndon. Mí sɛ́lɛ́ bɛndoo del ndu kɔɔli, mó singi vanaa lanàá kpow,

Matie 12:15 Referans Kwoze

Matie 10:23

Te vannda tol pɛ niaa yɛlen o kobio pum nin, la ɲaanun mì la kɔɛnnun o kobi celen nin. Mì dimul niaa toɲaa, la ciinin kobila co o lɛŋnde Israɛl-ten nin-ndan balɔɔ le, mì Po vanacieo hin.»

Nsaŋ 11:54

Lelan, Yeesu ve lɛ kela Yuifia o hɔl kpendekele le, kɛ mó faŋan ndon, mó kɔannun o tàndá va o lɛŋnde veselɛilen ikɛi-yo nin, o kobi nɔ diolan aa Efraim-ndo nin. Mó kɔ va lon nda kaandeŋaa ndɔa.

Nsaŋ 7:1

O kon kɔɔli, mí Yeesu va balɔɔ o tàndá Kalile-o nin, kani ndóò yeema mi ndóò balu tàndá Yuda-o le, bau Yuifia va nɛilan nuwviaa le ndu diyɔɔ.

Matie 19:2

Mí sɛ́lɛ́ bɛndoo kɔa ndu kɔɔli lon, mó singi vanaa lanàá ndaa.

Marke 6:56

O va o kobi nin, o va o cieon a o sɔndɔkɔltan, nɛɛ-nɛɛ Yeesu ndóò luɛi pɛ, a sooluu vanaa lanàá o ifal, vannda kɔ tɛɛlun maa o cɛl mì vanaa lanàá pilan bɔɔle doma ndɔɔ daama. Nduyɛ vanaa-vanaa va ndu pilanndo, a va siongɔɔ sɔlaa.

1Piɛr 2:21

Le ken kpeekpei niaa sɔla veeloo ni, kani Krista bɛɛ sanga le niaa mó mel niaa tɔɔmaseloo haliko mi la dem foofola ndɔlan.

Kalatea 6:9

N sangan le dɛnɛ kɛndɔɔ tosaa le, kani n koawnin a telen bɛnda-o, te n mel te.

Nsaŋ 9:4

Mɛɛ mì n tosa baala vana vem ya-o telen paalen le co vɔ-o. Ɲumndan ma tol pɛ, vana nɔla baalaa le.

Luke 6:12

O telen kon, mí Yeesu kɔa o pembei coo le piɛilen, mó lɔl Hala piɛiyo pii.

Luke 5:22

Yeesu sinaa yiyannda ndalan, mó cua sɔɛi, mó ɲuna nda aa: «Le yɛɛ niaa co yɛ yiyanndo o kɔlta niaalan nin lende?

Luke 9:11

Kɛ vannda tueyɔɔ maa a faŋan, má kɔa ndu kɔɔli. Mí Yeesu bii nda, mó va nda sɔɔn dimullo a Masale Hala len o kɔɔ, mó va vɛlɛ vanáà yeema siongɔɔ sɔlaa ndu o ba-a singio.