Matie 12:10 - BII BILA

¹⁰ Langbanɔ ba vílɛ́iyo pum va lon. Má ɲuna Yeesu aa: «Vɛ̀ɛ̀ o co pá o cɛlnan le vannda singio o paale pɛngiaalen coo?» Nɛila ndáà handu ndu sɔɛi coo lan nda va nuwviaa kon lende ni.

Matie 12:10 Referans Kwoze

Luke 13:14

Kɛ mí vana lebol va o cɛi lekaando nin-ndo tambu kɔllo le singi Yeesu singi vuɛɛn kon o paale pɛngiaalen coo-o. Mí vana lebol kon dimul vannda aa: «Palɛi ndii ŋɔmpun i co le vallo ni, la hun mì la sɔla siongɔɔ o palɛi ken bɛngu, kɛ o co o paale pɛngiaalen coo le.»

Nsaŋ 9:16

Mí vannda pum a va dimio Faliisia tɛɛn aa: «Langbanɔɔ ho co vana Hala le, kani o ke paale pɛngiaalen lebɛɛ le.» Mí a pum nda va dimio aa: «Vɛ̀ɛ̀ vana lahakio ndu looku yɛnin dɛnnda kaamaala vaa nuaa tosa?»

Nsaŋ 8:6

Le ndu kɔlɔɔ solio nda va dimi kon ni, le mɛɛ ndáà kɔɔsa a ndu o lasondo yɛ. Kɛ mí Yeesu tundun, mó va sɛvaa lɛŋ a isu.

Nsaŋ 5:10

Nduyɛ paale pɛngiaalen le va ɲinkon ni, o kon mí Yuifia dimul vana Yeesu singi kon-ndo aa: «Paale pɛngiaalen le co hau ni, a bɛnda ma siilun ɲɛ hinia nɔmndo le.»

Luke 11:54

A va nɛilan nuwviaa, haliko mi ndóò biinun o sɔɛi ndɔɛi nin.

Matie 12:2

Faliisia cɔu ken, má dimul ndu aa: «Tofa vɔ kaandeŋaa nɔmnda, a co ɲɛ bɛnda le tosa o paale pɛngiaalen coo loo tosaa.»

Sakari 11:17

Dɛnɛ palaa co le diɔm sondo vesɛi mandaa n'saa, o mal saa ndɔa-o! Màá mɔɛi cɔwve sɛɛsiaa ndu congoo, mì i pɛl ndu hɔlte ba kɛndɛlen! Màá congú ndɔɔ vu lekɛ́ndɛi! Màá hɔlte ndɔle ba kɛndɛlen le muungu tɔ́liɔ̀!»

Esai 32:6

Kani diɔmndo diɔmnde o dimi ni, dɛnɛ vɔɔndo kposon o tuunun o kɔl ndɔɔ nin le dɛnnda siòòŋii Hala co nin te lan tosaa ni, le sɔɔn vɔɔnndon dimio a diola Mɛlɛka lan, le vana co a yiaan ndo malɔɔ dembe fondo, le vana kolɔɔ bii-o mɛnndan tuŋɔɔ.

Nsaŋ 5:3

Vanaa lanaa sɛ́lɔ́ɔ́ taw a va ihini o tongola lan nin: vanaa sumɛiya, namtaa, vanaa falun vílɛ́iya. [A va cumndo le mɛnndan biiŋɔnndo,

Luke 23:2

Má kɔ hɛɛnduu ndu sɔɔn coo aa: «Langbanɔɔ ho naa n komal vannda lueyo o pɔwlan nin ni, o va nda dimullo maa a mel Sesar muloo le, ndu pila va vɛlɛ dimio maa ndu co Krista ni, masaa pɛɛn.»

Luke 23:14

mó dimul nda aa: «La cùú ya langbanɔɔ ho mí la dimul-la maa vannda o co luɛyɔɔ nin ni. I ɲuna ndu niaa kpow o hɔl. I ci tɛɛmbuu kɛ́-kɛ̀ o sɔɔn vɔɔn niaa hɛɛnduu ndu coo-on nin te.

Luke 20:22

Lelan dimul naa, vɛ̀ɛ̀ o bɛnda pá mì n mal muloo Sesar muloo o ba?»

Matie 19:3

Mí Faliisia pum sɔɔnguu le ndu kɔlɔɔ solio, má ɲuna ndu aa: «Vɛ̀ɛ̀ o bɛnda pá mì vanapɔnɔɔ kɛɛ laa ndɔ le sɔɛi súú-súù ka?»

Esai 59:13

N co Mɛlɛka dúmbóó yiiyo, n co ndu dɛnnda lacòòvalan tosallo, n co faŋanndo Hala naa kɔɔli, n co kɔnndan polon. N co sɔɔn kɔlvesɛiyon dimio mì n va nila kalulan tosaa, n co sɔɔn lacòòvan yiyanndo mì n va mun dimio o kɔltan nin.

Esai 59:4

Vana-vana co sei biyɔɔ o isandu coo le, vana-vana co kɔsa o toɲa coo le, nda kpow sɔɔn fondon nda tiindan ni, ma va sɔɔn lacòòvan nɔ kɔlɔ loon solinndo o lasondo, a co foli dɛnɛ vɔɔndo cuaa, ma va dɛnɛ sandaa lepɛŋndo violɔɔ.

Marke 3:2

Mí vannda va Yeesu tofaa, te ndóò singinin ndu o paale pɛngiaalen coo. O kon mì ndáà sɔla talen le ndu kɔɔsallo.

Nsaŋ 7:23

Te la dii pɛ vanndo tooma o paale pɛngiaalen coo, haliko la del kasi a tɔŋ Moise-o le, le yɛɛ niaa tambu yɛ niko kɔl a ya le vanaciee ya singi o paale pɛngiaalen coo-o?