Matie 11:8 - BII BILA

⁸ Kɛ yɛɛ niaa kɔ cɔ yɛ? Mò va maa langbanɔ vownun volɔɔla cuɛinannda sɔvɛlan-ndo ni? Kɛ o cɛila masaa nin vanaa vownun volɔɔla sɔvɛlan-nda co ni.

Matie 11:8 Referans Kwoze

Matie 3:4

Doma bɛndu yiiŋii ɲɔɔmɛɔ va Nsaŋ lekɔɔ, yáwlen le va ndu leyiinannden o caŋ. Sóónɔa a lɛan ma va balo ndɔɔ ni.

Sakari 13:4

Paale len, te vanaa-tɛɛngaa-diom Hala-a tɛɛnguu pɛ diom Hala-o, siɛmbulan la biinin nda le vunduma ndama nda ce-an. A vownun ndɛnin domala bɛndula iyiin-ndan, le sɔɔn lacòòvan dimio le.

Esai 20:2

mí Mɛlɛka soaa o telen pilɛ kon bɛngu, o Esai po Amɔt-o lo, mó dimul ndu aa: «Kɔ ma kɔ soli volɔɔla nɔɔlɛila n yiinun o caŋ-ndan, mà solin samtalan o n'pelu!» Mi Esai vana-tɛɛngaa-diom Hala-o tosa mɛɛ Mɛlɛka dimul ndu yɛ, mó kela kɔɔle fondo a pelun fondo.

2Masaa 1:8

Má mulul ndu aa: «Doma yiiŋii visio va ndu lekɔɔ a yáwle yáw visio lekandannden o caŋ.» O kon mí Ahasia dimi aa: «Elii fula Tisbe-o ni.»

Dɛnnda cɔɔmuanndan 11:3

I viamnin seyaa nia ŋiɔnda, a vanin a volɔɔla dɛnɛ palaalan lekɔɔ, mà tɛɛnguu diom nda sɔla Hala o ba-o o palɛi vàá pilɛ kɛmɛ lediin belaŋɔmpumii (1 260) ken bɛngu.»

2Korɛntea 11:27

I sanga, mí yɔkpa, i va lɔan lahɔl telenndan lapum, yiaan a bolole vesɛilen le va ya palaa. Lɔ́ɔ́ lepum, i va sumndo biyɔɔ, hoeiye va ya biyɔɔ, i va a fɛ́lio.

1Korɛntea 4:11

Háá telenndo ho, yiaan ma co naa nɛiyo, kolɔɔ bii naa, n nɔ volɔɔla cuɛinan te, a co naa lɔɔ, a co kɔlan a naa nɛɛ-nɛɛ ka.

Tɔŋ miingua 28:54

Vana-vana nɔ yiyan kɛndɔɔ a kɔl icanyaa niaa tɛɛn, vana kon tofanin puapilɛ ndɔɔ, laa ndɔ co ndu lɔan kɔɔli-o, a hɔ́aa ndɔa o mɛi yɔnin yoomu-a tofa vɔɔndo ŋɛlɛn,

Matie 11:7

Tuma kaandeŋaa Nsaŋ-nda va kɔnndan-ndo, mí Yeesu mulin sɔɛi o vannda lo a Nsaŋ o kɔɔ aa: «Yɛɛ niáà kɔɛ yɛ tofaa o lɛŋnde vesɛilen nin? Vɛ̀ɛ̀ kpɛ̀ndɛ̀le hoeiye va hiiloo len niáà kɔɛ tofaa ni?

Matie 11:9

Yɛɛ niáà kɔɛ yɛ niko tofaa? Bàà vana-tɛɛngaa-diom Hala-o ni? I co niaa dimul, hiovɔɔ bɛɛ vana-tɛɛngaa-diom Hala-o coo.

Luke 7:25

Kɛ yɛɛ kpeekpei niaa kɔɛ yɛ tofaa? Mò va maa langbanɔ vownun volɔɔla cuɛinannda sɔvɛlan-ndo ni? O cɛila masaa nin vanaa vownun volɔɔla sɔvɛlan, ma va o dɛnɛ kɛndɔɔ nin-nda co ni.