Matie 11:6 - BII BILA

⁶ Dɛnɛ kɛndɔɔ co le vana kon, o delnin o lapɔw nin le dɛnɛ nuu loo.»

Matie 11:6 Referans Kwoze

1Korɛntea 2:14

Vanaciee nɔ Hala Kɔl-Diandaa loo nɔla mò cɛl sɔɔn Hala Kɔl-Diandaa le, kani sɔɔn ndiɔmndon n co ndu o hɔl ni. Mɛɛ mì Hala Kɔl-Diandaa va vanndo nin malan o sínà mun kɔlɔlan.

Matie 26:31

O kon mí Yeesu dimul nda aa: «Cɔɛllɛn, niaa kpow la kɛɛnin ya, kani o co o sɛvaa aa: ‹I lɔaanin vana mandaa n'saa, mì kunda saa puusian.›

Nsaŋ 6:66

Cɔn a telen kon, mí vanaa bɔɔ-bɔɔ o kaandeŋaa ndɔa tɛɛn a muungun kɔɔli, a cɛl lɛ le kɔlan ndu kɔɔli le.

Matie 24:10

Ken tosanin mì vanaa bɔɔ-bɔɔ a del, mà huinan, mà nɛɛnɛan vellaa-velle.

1Piɛr 2:8

O kon kɔɔli, mó dimi vɛlɛ aa: «Pow tosa mà boŋ, mà del-lo co kon ni.» Vanaa kan a del kani a kɛɛ le diom Hala-o biyɔɔ, nduyɛ ken ndíì kelun le nda ni.

Matie 18:7

Dɛnɛ palaa co le ceendo, le tùú o co vannda pelon lueiyo o pɔwlan nin-ndo. I co toɲa maa fɔ mí pɔwlan la yɔŋnun, kɛ dɛnɛ palaa co le vana co yɔŋnɔn sabu le pɔwla lan yɔŋnɔnndo-o.

Kalatea 5:11

Ya le ya puapilɛa nia, te ndóò va pɛ maa sɔɛi toomaa diyɔɔ ya co keiyo vannda yondallo ni, mɛɛ le yɛɛ nda co yɛ niko hiovɔɔ laci a ya yɛlen tollo? Te lende ni, mɛɛ piɔ́m Yeesu sɔla o yɔm singafilaa coo-o co lɛ pow boŋaa le vana-vana le.

Condii lisai 119:1

Duaa co le vanaa co kelaa o nɛila sandaalan coo a o tɔŋ Mɛlɛka-o coo-a!

Luke 2:34

Mí Simeɔn dɔaw nda duaa, mó dimul kala ndɔ Mari aa: «Poo ho tosanin mì vanaa bɔɔ-bɔɔ del, te kon te mì a bɔɔ-bɔɔ cɛn o lɛŋnde Israɛl-ten nin. Kɛ vannda kɛɛnin ndu,

Matie 5:29

Te hɔlte nɔmnde ba kɛndɛlen le co tosa ni ma del o pɔwlan nin, mɛɛ kala len, ma viow len polon. Kani o co fisa mi dialii nɔmnde ndii pilɛ i tambu a nɔm pila kpow viownɔnndo o ɲánndávàà.

Matie 13:21

kɛ ndu pila nɔ n'puundu le. Vana cɛl sɔɛi le telen bingi-o o co ni. Kɛ te dɛnɛ palaa, te kon te yɛle tolaalen le komal ndu dɔ́ɔ́ pɛ le sɔɛi Hala-i ken, o mal nɛiyo.

Marke 6:3

O co langbanɔɔ cua hoo yindɔlan-ndo le? O co po Mari-o le, bɛndoo Nsaki, Yosɛf, Yude a Simɔn pɛɛn? O co yemaa ndɔa le co naa haa tɛɛn nanu le?» Mí ken yɔŋnun pow boŋaa le nda.

Luke 7:23

Dɛnɛ kɛndɔɔ co le vana melnin laalan ndɔɔ le ya loo.»

Nsaŋ 16:1

Mí Yeesu hiaw laci a nda dimullo aa: «Mun kpow niaa dimullo, haliko la mal nɛiyo le.