Matie 11:5 - BII BILA

⁵ vanaa sumɛiya co cɔu, vanaa bɛvɛiya co cɔnɔnndo mà va kelaa, vanaa nàà siaŋaa co siongɔɔ, vanaa nila baŋulɛiya co tueyɔɔ, vanvílɛ́iya co muungoo yoomu, Yoongu Kɛndɔɔ co vanaa bala fondoa tiiyalanndo.

Matie 11:5 Referans Kwoze

Luke 4:18

«Kɔl Hala-o co ya coo, kani o hɛli ya le vanaa bala fondoa Yoongu Kɛndɔɔ tiiyallo. Le vanaa co o kaasolan-nda baŋaa, le vanaa sumɛiya hɔltan kumbio, le vanaa co o sangaa nin-nda pɛngio keo,

Esai 29:18

O palɛi ken nin, vanaa nila baŋulɛiya tuɛinin sɔɔn co o sɛbɔɔ nin-ndon, hɔlta vanaa sumɛiya la fulanin o ɲumndan nin a o ɲumma n'kpungban nin, mì la ce válán.

Nsaki 2:5

Puapilɛa nia hɛnan ya-a, la yaŋ-ndɔ nilan. Vɛ̀ɛ̀ o co hɛlio le Hala hɛli vanaa bala fondoa o ceendo nin le nda siinguuo vanaa bolofaa o laalanndo nin te? O hɛli nda haliko ma sɔla Masale o yiilu vanaa kaola ndu-a kpemaa len.

Matie 21:14

Mí vanaa sumɛiya a namtaa a sɔɔnguu ndu ikɛi o Cɛi-Hala-o nin, mó singi nda.

Nsaŋ 10:38

Kɛ te i va pɛ dɛnnda lan tosaa, hali mì la laalan ya le, la laalan dɛnnda lan, haliko mi la sina maa Pua co ya nin, mì ya i va Pua nin.»

Nsaŋ 10:25

Mí Yeesu mulul nda aa: «I dimúl nin niaa ndi, la co laalan te. Dɛnnda ya co tosaa o diola Fuɲa nuu lan la co seilen tɛndaa a ya o kɔɔ.

Nsaŋ 5:36

Nduyɛ ya, seile nilen le hiow polon a le Nsaŋ-nden, kani hali dɛnnda Pua cɛl-la le tosaa mì va lan tosaa lan bɛɛ la cɔm maa Pua vem ya ni.

Nsaŋ 3:2

Mó hun o Yeesu lo icɔllo, mó dimul ndu aa: «N sina maa vana pɛɛkaa Hala vem-ndo n co ni, kani vana-vana nɔla kaamaala n co lan tosaa lan tosa le, te o co mì Hala va ndu ikɛi le.»

Nsaŋ 2:23

Telen Yeesu va Yerusalɛm o kafo-hiavaa-coo-o, mí vanaa bɔɔ-bɔɔ laalan o diola ndɔlan, lɔ́ɔ́ nda ce dɛnnda kaamaala o va tosaa lan-ndo pɛɛn.

Marke 9:25

Yeesu cɔu sɛ́lɛ́ bɛndoo dengelanndo, mó soaa a ɲina vɔɔn kon, mó dimul ndu aa: «Ɲina vɔɔn kuuna vana tueyɔɔ a sɔɛi-yo, i co nɔm dimul, fula poombɔɔ ho nin, muungu lɛ ndu nin te dɛ!»

Marke 7:37

Mí kɔndɔfili bɛndu-bɛndoo bii nda, má va dimio aa: «Dɛnnda kaamaalan tuŋ o tosa ni, hali boboa, mò tosa mà tuei, mà soo.»

Matie 10:8

La singí vanaa lanàá, la mingí vanvílɛ́iya yoomu, la singí vanaa nàà siaŋaa mi la tow ɲinaa vɔɔnda vannda kɔɔli. La sɔla a vɔngu le, niaa bɛɛ la yɔ́ngu a vɔngu le.

Matie 9:30

Mí hɔlta ndalan la kumbin. Mí Yeesu dimul nda kpéŋ-kpéŋ aa: «La caa dɛ! Vana-vana tuɛi ndi lei!»

Esai 66:2

Ɲɛm mun kpow, ba nuu cɔw mun ni, o kon n mun kpow n va mɛɛ n co yɛ, ya Mɛlɛka co sɔɛi nuaa ni. Tofa vɔ, vana ya landunin hɔlla coo-o, ndu co vana ikɔɔ co o mɔnɛi nin-ndo ni, o co ɲiiyaa a siòònde a sɔɛi nii-o.

Esai 43:8

La soli vanaa sumɛyaa nɔ kan hɔltan-nda, mì la soli vanaa nɔ vɛlɛ kan nilan kɛ a tui a lan te-a.

Condii lisai 146:8

Mɛlɛka co vanaa sumɛiya hɔltan kumbio, o co vanaa co a tundan-nda mingio isisi, o kaola vanaa sandaa.

Condii lisai 22:26

Nɔm co tosaa ni mì va diola nɔmndan lisaa vannda taw tɛɛn, i peelunin ciɛ́ɔn ya cua-on vanaa nɔ siòòŋii nɔmnde-a kpow o hɔl.

2Masaa 5:14

O kon mí Naaman del bɛmbɛ leŋɔmmɛw Yurdɛn o peelo, maa mɛɛ vana-tɛɛngaa-diom Hala-o ndóò dimi yɛ. Mó siangu, mí yáw ndɔɔ muungu maa yáw poombɔ pɔmbɔ.

2Masaa 5:7

Masaa Israɛl ciiyo dɔ́ɔ́ sɛbɔɔ tofaa, mó sɛɛsian volɔɔlan lekɔɔ, mó deŋi aa: «Mò va maa ya co Hala le vannda diyɔɔ a le nda mingio yoomu ni? Vɛ mó vim ya vanndo le ndu singio a nàà siaŋaa? Vannda la ce isɔɔ nɛ? Kela tandaa daama hoo cɛn ya kɔɔli nuaa ni!»

Matie 5:3

«Dɛnɛ kɛndɔɔ co le vanaa tuisin tootoo o kɔlta ndalan nin-nda, kani masale halataala len le co le nda.

Dɛnnda kiilaa 2:22

Niaa Israɛlla, puapilɛa nia, la yaŋ nilan o sɔɔn mun! Yeesu fula Nasarɛt-o, langbanɔ kon Hala cɛl ndu niaa tɛɛn o dɛnnda kaamaalan nin, o dɛnnda kɔndɔfiltan nin a o tɔɔmaselela o va tosaa niaa tɛɛn-ndan nin, maa mɛɛ niaa sina kon válán yɛ.

Sakari 11:7

«O kon, mí va saa va le diyɔɔ-a yɔɔ diólan, saa yulaa n'saa ndáà nɔle diyɔɔ-a. Mí cua tindala mandaa n'saa lan tan tiɔn, mí ke o pilɛ diolan aa «Canyɛi», o pilɔɔ aa «Diom pilɔɔ.» Mí va saa yɔɔ diólan.

Fulaa 4:11

Mí Mɛlɛka ɲuna ndu aa: «Nɛ̀ɛ́-nɛ̀ yɔngù yɛ vanacieo sondoo le sɔɛi? Nɛ̀ɛ́-nɛ̀ nɔlà yɛ mò siinguu ndu bobonɔɔ, te kon te vana nila baŋulɛiyo? Nɛ̀ɛ́-nɛ̀ nɔlà yɛ mò kumbi ndu hɔltan le cɔu, te kon te mò suumiaa ndu? O co ya Mɛlɛka le?

Esai 29:19

Vanaa ikɔɔa dɔawnunnin ɲaale taw o Mɛlɛka nin, vanaa bala fondoa siinguunin O-Diandaa Israɛlla kɔlkɛndɛ ndaa.

Matie 11:4

Mí Yeesu mulul nda aa: «La kɔ dimul Nsaŋ dɛnnda niaa co tueyɔɔ lan a la niaa co cɔu lan:

Matie 12:13

O kon, mó dimul langbanɔɔ aa: «Siɛndi ba nɔmndo!» Mí langbanɔɔ siɛndi baa, mí ba kon muungu kɛndia maa o pilɔɔ.

Nsaŋ 9:7

mó dimul ndu aa: «Kɔ pulun o fonda mamɛnndo Siloe». Siloe kon co dimio ni aa: «Viomɔɔ». Mí vana sumɛi kon kɔa lon, mó kɔ pulun, telen o va muungoo-o, mó ca.