Matie 11:25 - BII BILA

²⁵ O telen kon, mí Yeesu soaa, mó dimi aa: «Pua, nɔm co Vana bɛndoo o halataala a o lɛŋnden coo-o, i mel nɔm balika, le tùú n vin vanaa dɛnɛ sinaa a vanaa kɔlkalua sɔɔn mun, má cɔm cuaambɔa mun-ndo.

Matie 11:25 Referans Kwoze

Matie 21:16

Má dimul ndu aa: «Vɛ̀ɛ̀ a co pá ɲɛ nda co dimio-o tueyɔɔ?» Mí Yeesu dimul nda aa: «Oi. Vɛ̀ɛ̀ kabi bɛɛ la dimi vɔ o co o sɛvaa-o le aa: ‹A toosiaa lisa nɔmndo cuaambɔa pɔmbɔa a á sondola cɛlɛkpɛa co vɔɛiyo-a o lasondo?›»

Condii lisai 8:2

Éé Mɛlɛka! Maalii naa! Diola nɔmndan la co labɔɔ o lɛŋnden kpow coo! Bɔɔbɔɔyɛi nɔmnde hiow halataalaa helɔɔ.

Matie 16:17

O kon mí Yeesu dimul ndu aa: «Dɛnɛ kɛndɔɔ co le nɔm Simɔn po Yonas-o, kani o co vanaciee le cɔm nɔm dɛnɔɔ ho le, kɛ Fuɲa ni co o halataala-o.

2Korɛntea 3:14

Kɛ mí dɛnɛ sinaa ndaa laasian. Kani háá paalen nden hau, a va pɛ kpema paandoo dimio, kola vaan-vaan pilɛ kon co lon. O feŋan te, kani o Yeesu Krista nin kínɛí kola kon nɔla mò faŋan ni.

Dɛnnda kiilaa 17:24

Hala cɔw lɛŋnden a ɲɛm co lenin-ndon kpow-vo, ndu co Vana bɛndoo o halataalaa a o lɛŋnden coo ni, o cel o cɛila-halala vanndacieea cɔw lan nin te.

Nsaŋ 11:41

O kon má faŋa powvo. Mí Yeesu heelu hɔlla coocoo, mó dimi aa: «Pua, i mel nɔm balika le tùú n mulul-la-o.

Daniɛl 2:23

Nɔm Hala fuɲaa nia mamaa, i co nɔm sangalaa a nɔm balikaa mello le yɔngu n yɔngu ya kɔlkaloo a kpaayaa-o. Tofa vɔ! A cɔm naa ɲɛ naa n ɲuna nɔm-ndo, a cɔm naa sɔɔn dɔw masaa kɔndɔfili-on.»

Esai 66:1

Nuaa Mɛlɛka dimi ni aa: «Halataalaa co kpɛŋɛ ni lemasaa ni, lɛŋnden le co ɲɛ ni kɛsiaa n'peloo ni. Cɛi súú yɛɛ nɛ niaa nɔla yɛnin ya tengullo? Fonda nɛ va yɛnin fonda ni pɛngiaa kpeekpei?

Luke 22:42

«Pua, taa cɛl pɛ, i kòl o taala kólaa sangaa ho nin te. Kɛ o va bɛɛ lende, hɛnan ni tosan te, kɛ o nɔm ndo tosan.»

Esai 5:21

Dɛnɛ palaa co vɛlɛ le vanaa cennun nda pila vanaa kɔlkalua a vanaa sinaa dɛnɛ-a!

1Dɛnnda lemasalan 29:13

Sisa Hala naa, n mel nɔm balika mí n lisa diola nɔmnda sɔvɛlan.

2Masaa 19:15

Mó piɛi Mɛlɛka aa: «Mɛlɛka, Hala Israɛlla, nɔm co icali mɛlɛkaa kanda ɲɛm Hala-on-nda tɛɛn-ndo, nɔm pilɛ kpé co Hala le masɛi kpow o lɛŋnden coo ni, nɔm soli halataala a lɛŋnden ni.

1Samiɛl 2:18

Kɛ Samiɛl ndu, o lo o pɔmbɔ, mó va baala ndɔɔ tosaa Mɛlɛka o hɔl, doma ifalen solia lasálà nda toosiaa a kola keesoo-o va ndu lekɔɔ.

O Kandɔɔ 14:22

Mí Abram mulul ndu aa: «I heelu baa mí mɛnan o Mɛlɛka lo, Hala-Hiow-Ɲɔɔn-Kpow-vo, o cɔw halataalaa a lɛŋnden-ndo,

O Kandɔɔ 14:19

Mó dɔaw Abram duaa, mó dimi aa: «Màá Hala-Hiow-Ɲɔɔn-Kpow-vo, o cɔw halataala a lɛŋnden-ndo dɔw nɔm Abram duaa!

SƐBƐ YƆB-O 37:24

Lelan, vanndacieea bɛnda mà nɔ siòòŋii ndɔɛi. Kɛ o nɔ vanaa cennun nda pila vanaa kɔlkalua-a lehɔl coo le.»

Luke 23:34

Mí Yeesu dimi aa: «Pua, mal nda haki, kani a sina ɲɛ nda co tosaa-o le.» O kon kɔɔli, má mal siondei le volɔɔla ndɔla cuɛinanndan piɔvanndo.

Nsaŋ 12:27

«Sisa, kɔllo laasian ya niŋ kpede, i sina bɛɛ ɲɛ ya dimi le! Vɛ̀ɛ̀ mì dimi aa Pua baŋa ya o telenndo ho? Ɛ-ɛ, kani le sangaa ho sɔlaa ya hin ni.

Nsaŋ 12:28

Pua, cɔm vannda biilu diola nɔmndan.» O kon, mí diomndo pum soaa o halataala aa: «I cii nihau biilu ndɔɔ cɔm, la sɔlanin vɛlɛ biiloo.»

1Korɛntea 2:10

Kɛ naa naa, mí Hala cɔm naa kon a Kɔl-Diandaa, kani Kɔl-Diandaa kon yaasiaa isɔɔ oo isɔɔ ɲɛkɛndɛi ni, hali tuula Hala toosiaa mó vian kpíŋ-ndan.