Matie 11:22 - BII BILA

²² Lelan mì dimul niaa, paale kialaa iyamalen, sɔɛi niɛi hiawnin ikalu a sɔɛi vannda Tir a haa Sidɔn.

Matie 11:22 Referans Kwoze

Matie 11:24

Lelan mì dimul niaa, paale kialaa iyamalen, sɔɛi niɛi hiawnin ikalu a sɔɛi Sodɔm-nde.»

Matie 10:15

Mì dimul niaa toɲaa, paale kialaa iyamalen, lɛŋnde Sodɔm-nden a lɛŋnde Komɔr len le tiiyanin sangaa sɔlaa maa kobi kon te.»

1Nsaŋ 4:17

Lende kaolaa va o tiwnan naa o lakɔl ni, haliko mi n nɔ tiindanndo o paale kialaa iyamalen, kani mɛɛ Yeesu Krista co yɛ naa n co o ceendo ho coo ni.

Matie 12:36

I co niaa dimul, paale kialaa iyamalen, vanndacieea dɔawnunnin kona a sɔɔn fondon nda va keiyo tombolaa-on o kɔɔ.

Luke 10:14

Lelan, paale yamɛi vanin kiolɔn-ndo len, dɛnɛ niaa hiawnin ikalu a dɛnɛ Tir a Sidɔn-ndo.

Esekiɛl 29:18

«Po vanacieo sei, Nebukanɛsar masaa Babilɔn vem vanaa ndɔa cɔwva, má kɔ sanga taw-taw le kobio Tir cɔlɔbaa, mí tembeltan la del nda kpow, mí congúla ndalan kpow la peengun, kɛ Nebukanɛsar sɔla tɔnɔ le baala o tosa kon le Tir cɔlɔbaa-o le.

Yeremi 27:3

O kon kɔɔli, mà yoo ndi masaa Edɔm, masaa Moab, masa Amɔnnda, masaa Tir a masaa Sidɔn. Vanaa co hɔlte lɛŋii ken ma va calle Yerusalɛm o ba Sedekia masaa Yuda-o bɛngu-a pɛɛn.

Yeremi 25:22

masaa kɛ́-kɛ̀ co Tir, Sidɔn, a masaa co o mɛmma ihɛllan leeloo-a.

2Piɛr 3:7

Halataalaa a lɛŋnden nden sisa, sɔɛi Hala-e pilɛi ken co lan mandaa le lan hunɔɔ tɛɛmbuuo o yin, le paale kialaa iyamalen a le tambii vanaa vo Hala le-a.

2Piɛr 2:9

Kon co cɔmndo ni maa Mɛlɛka sínà mɛɛ o báŋà vanaa sandaa o tɔɔndanndo nin, mò màndà vanaa tosaa dɛnnda vɔɔnda le nda dɛnɛ palaa tuisio coo o paale yamɛi kiolunin-nden yɛ,

Hebreea 2:3

Nduyɛ, vɛ̀ɛ̀ naa naa n fula yɛnin o ken nin, te n luei sɔɛi cinda bɛndoo ho yii le? Maalii pila kandu sɔɛi ndɔɛi dimio ni, o kon kɔɔli, mí vanaa tuei sɔɛi cinda kon-nda peelul naa diomnde len.

Yɔɛl 3:4

Paalen le mangalanin ɲumndan, mì paangei siŋnun koovan telen pá mì paale Mɛlɛka len le tiiya, paale kpúlúnkùmalen a paale kpundɛ bɛndule len.

Matie 11:21

«Dɛnɛ palaa co le nɔm, nɔm Korasin! Dɛnɛ palaa co le nɔm, nɔm Bɛtsaida! Kani te dɛnnda kaamaala tosan o niaa lo lan láà tosan pɛ Tir a Sidɔn, maa o co lɛhau le ndáà vownun nin volɔɔla biisilan, mì ndáà deli o loolio nin, mì ndáà mangalan te.

Dɛnnda cɔɔmuanndan 20:11

O kon mí ca kpɛŋɛ lemasa bɛndu humboo pum a vana va icali lenin-ndo. Mí lɛŋnden a halataalaa ɲaanun ndu, má kɔannun polon, vanaa ci lɛ foofo ndaa le.

Dɛnnda cɔɔmuanndan 20:12

Mí ca vanvílɛ́iya, kaasonnda a cuaambɔa, a va isisi o kpɛŋɛ lemasaa hɔl-ndɔ. Mí sɛbɛlan la kumbin, mí sɛbɛ celen kumbin, sɛbɛ cindaa va kon ni. Mí yamɛi vanvílɛ́iya kiolu, maa mɛɛ sɔɔn va n sɛvaa o sɛbɛla lan nin-ndon va yɛ, maa mɛɛ dɛnnda vana-vana la va yɛ.