Matie 11:14 - BII BILA

¹⁴ Te la yeema pɛ le sɔɛi ken bilaa biyɔɔ, mɛɛ ndu Nsaŋ co Elii niaa tuei kon tɔ́ɔ́ le hunɔɔ-o ni.

Matie 11:14 Referans Kwoze

Luke 1:17

O hunnin maa kiilanɔ Hala vem-ndo a yiyanndo a á kpaayaa maa Elii vana-tɛɛngaa-diom Hala-o. O lueinin kɔlɲuloo fuɲaa a cuawva tɛɛn. O mangalanin vanaa bii sɔɛi Hala-e le-a kɔltan, mà sɔla yiyanndo maa vanaa sandaa, haliko mo bɛɛndiaa vannda ɲɛkɛndɛi le Mɛlɛka.»

1Korɛntea 3:2

A nɔnɔan ya dɔw niaa balo ni, o co a ɲɛdiaa kàlà-kálà le, kani niáà tiwnin ba kon dioo le. Nduyɛ, sunsun bɛɛ la nɔla vɔ le, kani la co vɔ kelaa maa vanaa ceenda.

Nsaŋ 16:12

I nɔ vɔ sɔɔn taw le niaa dimullo, kɛ la nɔla vɔ mun bila biyɔɔ sunsun te.

Esekiɛl 2:5

I sinà maa vanaa nila kalua kposon nda co ni. Lelan, a yaŋ lani, a yaŋ lani le, a sinanin maa vana-tɛɛngaa-diom Hala-o co nda tɛɛn.

Dɛnnda cɔɔmuanndan 20:4

Mí ca kpɛŋɛla lemasalan, mí vannda cal lecoo. Mí dio kennun nda le yamɛi kiolɔɔ. Mí ca kɔlta vanaa nda kili bolle le seile Yeesu len a le sɔɛi Hala-e-a, a vanaa ndáà beŋ vulan visio a tuula ndɔɔ o labɛngunin te-a, a ndáà sui pondalen o itendu a o baa le-a pɛɛn. Má muungu yoomu, má tosa masalen nda Krista-a latulu le vɔsilan vàá pilɛ.

Malasi 3:1

«Má cè ya kiila nuu vomɔɔ! Ndu co ya pemalen bulio laci ni. Maalii niaa co nuwviaa-o co cɔnɔn o lepilɔɔ, mò kɔ luɛi o cɛi ndɔ biilaa nin, kiila niaa co cumndo-o co hunɔɔ kpema nuu yii a niaa. La nua vɔ ndu hunɔɔ! Mɛlɛka-Nɔ-Kpaayaa-Kpow-vo co sɔɛi nuaa ni.

Matie 11:13

Kani vanaa-tɛɛngaa-diom Hala-a kpow a tɔŋndo tɛɛnguu diom Hala-o a ndi o kɔɔ háá o telen Nsaŋ-ndo.