Matie 11:12 - BII BILA

¹² Cɔn o paale Nsaŋ Vana-yinaa len háá hau, vannda co masale halataala len cɔlɔbaa, nduyɛ vanaa kɔlvesɛiya co len hiɔlɔ̀ɔ́ ni.

Matie 11:12 Referans Kwoze

Luke 16:16

Kandɔɔ o telen Moise-o, keiyo a telen vanaa-tɛɛngaa-diom Hala-a, kɔlan tiiyaa háá o telen Nsaŋ Vana yinaa-o, sɔɔn tɔŋndon va diminndo ni. Cɔn nin a telen kon, vannda co Yoongu Kɛndɛ Masale Hala len dimio. Nduyɛ, vana-vana co kindinndo le luɛyɔɔ o Masale len nin.

Luke 13:24

«La kindin le luɛyɔɔ o dio sɔɔkɛɲɛɛo, kani mì dimul niaa, vanaa bɔɔ-bɔɔ a kindikindinnin le luɛyɔɔ, kɛ a tiwnin ba le.

Filipea 2:12

Lelan, caaŋaa nia ya kaola taw-va, maa mɛɛ niaa co lɔ́ɔ́-lɔ́ɔ̀ vanaa biyaa isɔɔ-a o dɛnɛ Hala-o nin yɛ, la hiow laci a tosaa lende telen ya co niaa ikɛi-yo, kɛ mì la hiow bɛɛ sɔɛi ndɔɛi biyɔɔ telen ya co niaa tɛɛn too.

Nsaŋ 6:27

La fafala le ɲɛdiaa nɔla mò tambu-o le, kɛ la fafala le ɲɛdiaa tembu loo, o tosa mi vana va yoomu le fɛɛn a fɛɛn-ndo, o Po vanacieo kenin niaa-o, kani ndu Hala Fuɲaa sui pondale ndɔlen ni.»

Matie 3:15

Mí Yeesu mulul ndu aa: «Cɛl pɔɔ mì i tosan lende, kani lende naa n bɛnda le dɛnɛ sandaa kpow peeloo ni.» O kon mí Nsaŋ cɛl.

Matie 11:11

Mì dimul niaa toɲaa, o vanaa vanlaandua velu-a tɛɛn, vana-vana yɔŋnun maa ndu Nsaŋ Vana-yinaa le. Kɛ nduyɛ, vana hiow dɔɔnanndo o masale halataala len nin-ndo hiow ndu.

Matie 11:13

Kani vanaa-tɛɛngaa-diom Hala-a kpow a tɔŋndo tɛɛnguu diom Hala-o a ndi o kɔɔ háá o telen Nsaŋ-ndo.

Nsaŋ 5:4

kani mɛlɛkanɔɔ pum va tolɔɔ a telenndan lapum o mɛmma man nin le man biiŋoo. Vana-vana óò tol pɛ tase o mɛmma biiŋuamma man nin, ndóò sengu, mɛ̀ɛ́-mɛ̀ɛ́ naa kon ndóò va].