Matie 11:11 - BII BILA

¹¹ Mì dimul niaa toɲaa, o vanaa vanlaandua velu-a tɛɛn, vana-vana yɔŋnun maa ndu Nsaŋ Vana-yinaa le. Kɛ nduyɛ, vana hiow dɔɔnanndo o masale halataala len nin-ndo hiow ndu.

Matie 11:11 Referans Kwoze

Luke 7:28

Mì dimul niaa, o vanaa vanlaandua velu-a tɛɛn, vana-vana tiiya maa Nsaŋ te. Nduyɛ vana hiow dɔɔnanndo o Masale Hala len nin-ndo hiow ndu.

Efɛsea 3:8

I co vana sɔvɛ o vanaa laalannda kpow tɛɛn te, kɛ nduyɛ, kɛndɛi ken i yɔngun ya haliko mi cɔm vanaa co N'Yuifi le-a tɔnɔ bɛndu co o Krista nin-ndo,

Nsaŋ 1:15

Mí Nsaŋ timbi seilen a ndu o kɔɔ, mó yonda aa: «O ya dimi sɔɛi ndɔɛi-yo aa: ‹Vana co hunɔɔ o ya kɔɔli-o, ndu hiow ya laci ni, kani lɔ́ɔ́ pá mi vialun, ndu va nin.› »

Matie 5:19

Vana-vana tɛɛmbuu pɛ tɔŋ hiow dɔɔnanndo o tɔŋndan ndan tɛɛn-ndo o pilɛ, mò pɛɛku vannda tosaa maa ndu, vana kon ndu hiawnin dɔɔnanndo o masale halataala len nin ni. Kɛ vana kela pɛ lecoo, mò pɛɛku vannda lan biyɔɔ, ndu vanin vana bɛndoo o masale halataala len nin.

Matie 3:11

Ya, i co niaa yinɔɔ o mɛnndan nin le cɔmndo maa la mál yɔŋ vɔɔndo mì la mangalan. Kɛ vana co hunɔɔ o ya kɔɔli-o, ndu yinnin niaa a Kɔl-Diandaa a á yinnden ni. Ndu hiow ya kpaayaa, i co bɛɛ o sɔvɛ le ndu samtalan timbio le.

Luke 9:48

mó dimul nda aa: «Vana-vana cɛl pɛ poombɔɔ ho o diola nilan, mɛɛ ya o cɛl lende ni, nduyɛ, vana cɛl-la pɛ, mɛɛ vana vem ya-o o cɛl lende ni. Kani vana hiow dɔɔnanndo o niaa tɛɛn-ndo, ndu hiow niaa ni.»

1Piɛr 1:10

Vanaa-tɛɛngaa-diom Hala-a, a tɛɛnguu sɔɔn Hala-on a kɛndɛi va le niaa-e o kɔɔ-a yaasiaa, má tosa baalaa le cinda kon.

Hebreea 11:40

Ksani Hala ndóò cii nin ɲɛm hiow naŋɔɔ le naa-on toosiaa. O yeema mi n kɔ sɔla mun latulu naa ndaa.

1Korɛntea 15:9

Nduyɛ, o kiila tɛɛn kpow, ya co o sɔvɛ taw le ni, i co bɛɛ o sɔvɛ le ya veeloo aa kiilaa le, kani i tol kunda Hala-o yɛlen.

1Korɛntea 6:4

Nduyɛ, te sɔngɔlan la va pɛ niaa vanaa laalannda tɛɛn, mɛɛ vanaa co ɲɛ-ɲɛ vanaa laalannda o hɔl te-a kialunin niaa iyama ni.

Nsaŋ 10:41

Vanaa bɔɔ-bɔɔ a va hunɔɔ o ndu lo, má va dimio aa: «Nsaŋ tosa dɛnɛ kɔndɔfili kɛ́-kɛ̀ le, kɛ ɲɛ-ɲɛ o va dimio a langbanɔɔ ho o kɔɔ, toɲaa o co ni.»

Nsaŋ 3:30

Fɔ mì tɔ́ɔ́ ndɔɔ hel, mì tɔ́ɔ́ nuu tol.»

Condii lisai 51:5

Kani i sina tɛɛmbuula nilan. Nduyɛ, i co haki nuu cɔnnɔnndo ya o hɔl lɔ́ɔ́-lɔ́ɔ̀.

SƐBƐ YƆB-O 15:14

Yɛɛ vanacieo co yɛ le cɔnnɔnndo o diandaa? Yɛɛ hɔ́ɔ́ fula vanalanɔɔ o ipulu-o co yɛ le cɔnnɔnndo o sandaa?

SƐBƐ YƆB-O 14:4

Nɛ̀ɛ́ nɔla yɛ mò soli ɲɛ diandaa o ɲɛ nɔɔlɛiyo nin? Vana-vana nɔla ken tosa le.

SƐBƐ YƆB-O 14:1

Vanacieo, o vanalanɔɔ velu-o, palɛi ndɔɛi bendu le, palɛi kɔl tambɛiye i co vɛlɛ ni.

Nsaŋ 5:35

Fitinaa va biyɔɔ mì ɲɔɔ va tengaa-o Nsaŋ yɔŋnun ni. Niáà yeema le ɲaaloo dɔwnɔnndo o ɲɛ-tengaa ndɔɔ le telen bingi.

Nsaŋ 1:27

I bɛnda bɛɛ le yoei ndɔɛi lasamtai timbio le.»

Sakari 12:8

O palɛi ken nin, Mɛlɛka kandanin vanaa nɔ mayoomu le-a vanaa vanin icali Yerusalɛm-nda tɛɛn. Nda vanin ɲinkon maa David. Polale David len le vanin ɲinkon nda o hɔl maa Hala pila, maa mɛlɛkanɔ Hala-o.»

Nsaŋ 7:39

A Kɔl-Diandaa vanaa laalan ndu-a ndáà sɔlanin-ndo o kɔɔ o va sɔɛi ni, kani Kɔl-Diandaa ndóò yɔngun ndɔ nda le, bau Yeesu ndóò hel-lɔ o biilu ndɔɔ nin te.

Esai 30:26

Ɲɛ-tengaa ipaangoo vanin diondɔɔ maa ɲɛ-tengaa lepala. Kɛ ɲɛ-tengaa lepalaa ndu cɔɔlunin diondɔɔ bɛmbɛ leŋɔmmɛw hiovɔɔ o paandoo coo. O diandunin mɛɛ vana cuungiaa ɲɛ-tengaa lepala diandu palɛi ndii ŋɔmmɛw-vo nɛɛ pilɛ nuaa yɛ. Kon tosannin telen Mɛlɛka holnin paw vanaa ndɔa mò singi pavii o soli nda o n'dial a lɔɔ-e o.

SƐBƐ YƆB-O 25:4

Vɛ̀ɛ̀ vanacieo tiw yɛ ba mò sɔla dí a Hala? Vɛɛ nɛ hɔ́ɔ́ vanalanɔɔ velu-o nɔla yɛ mò va o diandaa?

1Samiɛl 2:30

Lelan, Mɛlɛka Hala Israɛlla dimi aa: ‹A toɲa, mí yáà tuu le yungu fuɲa nɔm-ndo a polale nɔmnden siinguuo vanaa-solia-lasálàá le lɔ́ɔ́-lɔ́ɔ̀. Kɛ sisa, a cii dimi kpendekele maa o ve lɛnin lende le. Kani vanaa ke ya bɛɛlen-nda ya bɛɛ ke bɛɛlen ni, kɛ i tuisinin vanaa co ya yii luɛyɔɔ le-a siɛmbulan.

Efɛsea 2:3

Naa kpow, maa nda naa n va kelaa telen pum ni, n va yeemɛi naa n'dial-le a ɲɛ va naa hunɔɔ o lebollo tosaa. Mɛɛ mì kɔl tambɛi Mɛlɛka-o ndóò tol naa coo maa vanaa celen le vanacieeyɛi nɛi paandui ken.

2Timote 1:10

Kɛndɛi ken i cuu nihau cɔmnɔn a fula Yeesu Krista Vana Ciindiaa naa fula, mó cɔmnun-ndo. Yeesu sɔla kpaayaa piɔ́mndo coo, mó soli yoomu fɛɛn-fɛɛndo ceen kpendekele a Yoongu Kɛndɔɔ o kɔɔ-o.

Luke 1:15

Kani vana tɔ́ɔ́ bɛndoo o vanin Mɛlɛka o hɔl ni. O kolnin mamɔi te kon te ɲɛ-ɲɛ hiŋ vana lahɔl te. O lonin kala ndɔ o dembe mò pɛ a Hala Kɔl-Diandaa.

Matie 3:1

O telen kon, mí Nsaŋ Vana-yinaa can, mó va kaannden tosaa o lɛŋnde veselɛilen nin o tàndá Yuda-o nin,

Matie 11:10

Kani a ndu Nsaŋ o kɔɔ o co o sɛvaa ni aa: ‹I co kiila nuu vomɔɔ nɔm laci, mò toosial pɔɔ nɔm nɛiyo.›

Matie 11:12

Cɔn o paale Nsaŋ Vana-yinaa len háá hau, vannda co masale halataala len cɔlɔbaa, nduyɛ vanaa kɔlvesɛiya co len hiɔlɔ̀ɔ́ ni.