Matie 11:1 - BII BILA

¹ Yeesu ciiyo kaandeŋaa ndɔa sɔɔn mun dimullo, mó faŋan le kɔlan vannda pɛɛkoo a sɔɛi Hala-e dimio o kobila va o tàndá kon nin-ndan nin.

Matie 11:1 Referans Kwoze

Dɛnnda kiilaa 10:38

La sinà mɛɛ Hala pɔla Yeesu fula Nasarɛt-o a kpaaya Kɔl-Diandaa yɛ, a mɛɛ ndu Yeesu kei vannda dɛnɛ kɛndɔɔ tosal nɛɛ-nɛɛ ka yɛ. O va vanaa va o biyɔɔ nin ɲina vɔɔndo o ba-a kpow singio, kani Hala va ndu ikɛi.

Luke 8:1

O kon kɔɔli, mí Yeesu va kɔlan o cieon a o kobilan nin. O va keiyo Yoongu Kɛndɛ masale Hala len dimio nɛɛ-nɛɛ ka. Kaandeŋaa tɔ́ a à ŋiɔŋaa ndɔa a va ndu kɔɔli,

Matie 9:35

Yeesu va keiyo o kobilan kpow nin a o cieon pɔmbɔn, mó va vannda pɛɛkoo o cɛila lekaannda ndalan nin, mó va keiyo Yoongu kɛndɔɔ dimio a masale Hala len o kɔɔ, mó va nààla súú-súù ka a namtale súú-súù ka singio.

2Tesalonikea 3:10

Nduyɛ, telen naa n va o niaa lo-o, mí n dimul niaa aa: «Vana yeema baala le, mɛɛ ndu dia le.»

2Tesalonikea 3:6

Puapilɛa naa, n co niaa sɔɛi he dimul o diola Maalii Yeesu Krista lan, la faŋán vanaa siɛlɛiya kɔɔli, a co ceen ndaa vilio mɛ̀ɛ́-mɛ̀ɛ́ ka-a pɛɛn, a co ndu vili mɛɛ naa n pɛɛku nda yɛ le.

1Tesalonikea 4:2

Kani la sínà pɛɛkula naa n yɔngu niaa fulaa Maalii Yeesu o ba lan.

Dɛnnda kiilaa 10:42

Yeesu dimul naa le vannda Yoongu Kɛndɔɔ ho tiiyallo, mì n tɛndal nda vɛlɛ seilen maa: ndu Yeesu Hala hɛli le yamɛi kiolɔɔ vanaa co yoomu-a a vanvílɛ́iya tɛɛn ni.

Dɛnnda kiilaa 1:2

kɔlan háá paale o hel o halataala len. Lɔ́ɔ́ o hun hel o halataala, mó yɔngu kiilaa ndɔa o hɛli-a silalan o kpaaya Hala Kɔl-Diandaa bɛngu.

Nsaŋ 15:14

Te la tosa pɛ o ya co niaa dimul-lo, mɛɛ caaŋaa nia niaa co ni.

Nsaŋ 15:10

Te la bii pɛ tɔŋnda nilan, mɛɛ la lonin o kaola nuu nin, mɛɛ ya bii tɔŋnda Fuɲa nuu mì lo o kaola ndɔɔ nin yɛ.

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Matie 7:28

Yeesu ciiyo sɔɔn mun dimio, mí sɛ́lɛ́ bɛndu o dimi mun o hɔl-lo dɔawnun kɔndɔfili a pɛɛku ndɔɔ.

Matie 4:23

Yeesu va kelaa o tàndá Kalile-o kpow nin, o va keiyo vannda pɛɛkoo o cɛila lekaannda Yuifia nin, o va yondaa a masale Hala len o kɔɔ, o va vannda singio a nààla ndalan kpow a á namtale kɛ́-kɛ̀ ndáà nɔ.

1Timote 6:14

mà mandan a sila n sɔla hoo-o, o va a isɔw le, te kon te mì vana dimi káà nɔm vɔɔndo le, háá paale Maalii naa Yeesu Krista cɔmnunnin-nden.

Marke 6:12

Má kɔa, má kɔ yonda Sɔɛi Hala-e maa vannda mal yɔŋ vɔɔndo mà mangalan.

Luke 23:5

Kɛ má baŋ kangalan aa: «O co keiyo vannda luɛyɔɔ nin a pɛɛkula ndɔlan. Kalile pɔ́ o kandu ni, mó kei o tàndá Yuda-o nin kpede, háá mó tiiya nanu.»