Matie 10:7 - BII BILA

⁷ La va pɛ kɔlan, la kei vannda diomndo ho tɛɛngul nɛi-tɛɛn maa masale halataala len le co nin le tiiyaa.

Matie 10:7 Referans Kwoze

Dɛnnda kiilaa 28:31

O va vannda pɛɛkoo a masale Hala len o kɔɔ, mo va nda sɔɛi Maalii Yeesu Krista-e tiiyallo a tiindanndo kpede, ɲɛ-ɲɛ kuuna ndu le.

Matie 3:2

mó va dimio aa: «La mal yɔŋ vɔɔndo mì la mangalan, kani masale halataala len le co le tiiyaa.»

Luke 9:60

Mí Yeesu mulul ndu aa: «Mal vanvílɛ́iya vanvílɛ́yaa ndaa kumbɔɔ. Nɔm yɛ, kɔ mà kɔ cɔm vannda a Masale Hala len o kɔɔ.»

Matie 4:17

Cɔn nin a telen kon, mí Yeesu kandu yondaa, mó va dimio aa: «La mal yɔŋ vɔɔndo mì la mangalan, kani masale halataala len le tiiyaa.»

Luke 16:16

Kandɔɔ o telen Moise-o, keiyo a telen vanaa-tɛɛngaa-diom Hala-a, kɔlan tiiyaa háá o telen Nsaŋ Vana yinaa-o, sɔɔn tɔŋndon va diminndo ni. Cɔn nin a telen kon, vannda co Yoongu Kɛndɛ Masale Hala len dimio. Nduyɛ, vana-vana co kindinndo le luɛyɔɔ o Masale len nin.

Luke 9:2

Mó viam nda vannda pɛɛkoo a masale Hala len o kɔɔ a le vanaa lanàá singio.

Esai 61:1

«Kɔl Maalii Hala-o co ya coo, kani (Mɛlɛka) pɔla ya, o vem ya le kɔlan vanaa co o sangaa nin-nda yoongu kɛndɔɔ tɛɛngullo, le vanaa nɔ mɔnɛi o lakɔl-la cɛwvo, le vanaa co o biyɔɔ nin-nda yoongu baŋan ndaa dimullo, le vanaa kaasoa yoongu sɔlaa ihɔɔyaa dimullo.

Marke 6:12

Má kɔa, má kɔ yonda Sɔɛi Hala-e maa vannda mal yɔŋ vɔɔndo mà mangalan.

Dɛnnda kiilaa 10:25

Telen Piɛr va luɛyɔɔ-o, mí Kɔrnɛil bɔŋa ndu, mó tundun, mó baŋ vulan ndu o labɛngunin.

Dɛnnda kiilaa 4:2

Má tambu kɔltan taw, kani kiilaa va vannda pɛɛkoo, má va nda dimullo maa Yeesu tendul, kon co ni maa vanvílɛ́iya bɛɛ a tendulnin fulaa ciee-piɔ́m.

Nsaŋ 3:2

Mó hun o Yeesu lo icɔllo, mó dimul ndu aa: «N sina maa vana pɛɛkaa Hala vem-ndo n co ni, kani vana-vana nɔla kaamaala n co lan tosaa lan tosa le, te o co mì Hala va ndu ikɛi le.»

Luke 9:6

Má kɔa, má va keiyo o cieon le vannda Yoongu Kɛndɔɔ tiiyallo, má va vɛlɛ vanaa lanàá singio nɛɛ-nɛɛ ka.

Matie 23:13

«Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co vannda dio masale halataalaa kindallo. Niaa pila co luɛyɔɔ le, la co vɛlɛ cɛlɔɔ mì vanaa yeema le luɛyɔɔ-a luɛi le. [

Matie 21:43

Lelan, i co niaa dimul, à hialunin masale Hala len niaa o ba, mà sɔɔ len vanaa-mangalaa-isɔaa celen o ba, mì nda tosa mì le kom mì le nɛŋi makoo.

Matie 21:31

O vanaa ŋiɔŋaa kan nin, ɔ́ɔ̀ o tosa hɛnan fuɲa ndɔ-o-o» Má muli aa: «O tasoo!» Mí Yeesu dimul nda aa: «Mì dimul niaa toɲaa, vanaa biyaa mulua a vanaa suundaa hiawnin niaa laci o masale Hala len nin.

Matie 11:1

Yeesu ciiyo kaandeŋaa ndɔa sɔɔn mun dimullo, mó faŋan le kɔlan vannda pɛɛkoo a sɔɛi Hala-e dimio o kobila va o tàndá kon nin-ndan nin.

Matie 10:8

La singí vanaa lanàá, la mingí vanvílɛ́iya yoomu, la singí vanaa nàà siaŋaa mi la tow ɲinaa vɔɔnda vannda kɔɔli. La sɔla a vɔngu le, niaa bɛɛ la yɔ́ngu a vɔngu le.