Matie 10:41 - BII BILA

⁴¹ Vana cɛl pɛ vana-tɛɛngaa-diom Hala-o le tùú o co vana-tɛɛngaa-diom Hala-o-o, ndu sɔlanin vɔ̀ngɔ̀ vana-tɛɛngaa-diom Hala-o. Vana cɛl pɛ vana sandaa le mɛɛ o co vana sandaa yɛ, ndu sɔlanin vɔ̀ngɔ̀ vana sandaa.

Matie 10:41 Referans Kwoze

Hebreea 6:10

Hala co vana kɛɛ isandu le. O pɔɛɛnun ɲɛ niaa co tosaa-o a kaola niaa cɔm le ndu le, o pɔɛɛnun kpekula niaa co vanaa Hala-a solio lan te.

2Nsaŋ 1:8

La pɔɛɛnun a niaa pila le, yɔŋii baala niaa yɔŋnun fúú, kɛ mì la sɔla vɔ̀ngɔ̀ niaa mɛɛ o bɛnda yɛ.

O Kandɔɔ 20:7

Lelan, mingi ndu pɔnɔ ndɔ o ba, kani vana-tɛɛngaa-diom Hala-o pɔnɔ ndɔ kon co ni. O co ya Mɛlɛka piɛi le nɔm ma lo yoomu. Kɛ taa mingul ndu laa ndɔ le, mɛɛ sina niko maa a co piɔ́mndo sɔla niaa vanaa nɔmnda kpow.»

1Korɛntea 9:17

Te i tiiyal pɛ vannda Yoongu kɛndɔɔ a kɔl nuu, i sɔla vɔ̀ngɔ̀ɔ́. Kɛ te i tosa pɛ kon mò ve a kɔl ni le, mɛɛ baala yɔngun ya-o daama ya co tosa kon lende ni.

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

Matie 6:18

haliko vannda sina maa o sumndo nin te n co le, fɔ Fuɲa nɔm vana co o vionnɔnndo nin-ndo. O kon, Fuɲa nɔm ca kon sɔɔn viannanndon-ndo dɔawnin nɔm vɔ̀ngɔ̀.»

Rɔmnda 16:23

Kais yil niaa. O ndu lo cɛinin ya co ni, o ndu lo cɛinin koni vannda cuungian le kaannden ni. Eraste, o co vana mandaa bolofaa le kobio-o yil niaa, Kartis puapilɛ naa bɛɛ yil niaa. [

Matie 6:6

Kɛ nɔm, a va pɛ Hala piɛiyo, luɛi o nɔmndo cɛinin di-di, mà kindan dioo kɔɔli, mà piɛi Fuɲa nɔm o vionɔnndo nin-ndo. Fuɲa nɔm ca o vionnɔnndo nin-ndo yɔngunin nɔm ɲɛ n piɛi-yo.

Dɛnnda kiilaa 16:15

Mɛɛ o sɔla yinɔɔ nda yungu ndɔɔ kpede, mó veelu naa aa: «Te la laalan pɛ maa vana laalan Mɛlɛka-o ya co ni, mɛɛ la hun mì la va o yiya o ya lo cɛinin.» Mó baŋ naa, mí n cɛl kangalan.

Matie 6:4

haliko ma ke vana bala fondoo ɲɛ n co ndu keo-vo o vionnɔnndo nin, mì Fuɲa nɔm co cɔu o vionnɔnndo nin-ndo mingul nɔm.»

Matie 6:1

«La caa dɛ, la tosà dɛnɛ kɛndɔɔ vannda o hɔl haliko ma candu niaa le, yɔŋii niaa fola vɔ̀ngɔ̀ niaa bɛnda le sɔlaa-o Fuɲa niaa co o halataala-o o ba.

Esai 3:10

La yonda mì la dimul vana sandaa maa o sɔlanin dɛnɛ kɛndɔɔ, bau o dianin kɔmnde dɛnnda ndɔlan tɔnɔ.

Matie 7:8

Kani vana-vana piɛi pɛ, ndu sɔla. Vana nuwviaa pɛ, ndu saalun. Nduyɛ vana lɔaa dioo-o nda kumbil ni.

Matie 25:44

O kon nda bɛɛ a ɲunanin aa: ‹Maalii, lɔ́ɔ́ kuɛɛ naa n ce yɛ nɔm a yiaan te kon te mí kolɔɔ bii nɔm, ma va miallo te kon te a fɛ́lio te kon te a nàá, te kon te o kaasoo, mí n kɛɛ nɔm malaa?›

Matie 25:45

Masaa mululnin nda aa: ‹Mì dimul niaa toɲaa, telen oo telen niaa va kɛɔ o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va lan kɛɔ tosal kon lende ni.›