Matie 10:4 - BII BILA

⁴ Simɔn vana fulà diallon le lɛŋnde ndɔlen-ndo a Yuda Iskariɔt, o mal Yeesu vannda o ba-o.

Matie 10:4 Referans Kwoze

Matie 26:14

Mí kaandennɔ pilɛ o kaandeŋaa tɔ́ a à ŋiɔnda tɛɛn, o ndáà veelu aa Yuda Iskariɔt-o kɔ komal bolii vanaa-solia-lasálàá,

Nsaŋ 13:2

Telen Yeesu nda kaandeŋaa ndɔa va ɲɛdiaa icɔl-lo dioo-o, mí ɲina vɔɔndo yɔngu Yuda po Simɔn Iskariɔt-o yiyanndo le Yeesu malɔɔ vannda o ba.

Nsaŋ 6:71

Sɔɛi Yuda, po Simɔn Iskariɔt-o-e o va dimi kon lende ni, kani Yuda kon va hunɔɔ Yeesu malɔɔ vannda o ba ni. O va vana pilɛ o n'van tɔ́ a vanaa ŋiɔnda tɛɛn.

Marke 14:43

Yeesu lo sɔɛi, mí Yuda, vana pilɛ o kaandeŋaa tɔ́ a à ŋiɔnda tɛɛn hun a vannda sɛ́lɛ́ bɛndoo kɔɔli. Mɔɔn cɔwvon a yɔmii bingiei va nda o laba. Bolii vanaa-solia-lasálàá a simlacia ndáà vem nda ni.

Matie 26:47

Yeesu lo sɔɛi, mí Yuda, vana pilɛ o kaandeŋaa tɔ́ a à ŋiɔnda tɛɛn hun a vannda sɛ́lɛ́ bɛndoo kɔɔli. Mɔɔn cɔwvon a yɔmii bingiei va nda o laba. Bolii vanaa-solia-lasálàá a simlacia lelɛŋnda ndáà vem nda ni.

Luke 22:47

Yeesu lo sɔɛi, mí vannda hun sɛ́lɛ́ bɛndoo. Yuda, vana pilɛ o kaandeŋaa tɔ́ a à ŋiɔnda tɛɛn va nda laci, mó sɔɔnguu Yeesu ikɛi le ndu yilɔɔ, mó kɔman ndu.

Luke 22:3

O kon, mí Setana luɛi Yuda nin, o ndáà veelu vɛlɛ aa Iskariɔt-o pɛɛn, ó va vana pilɛ o kaandeŋaa tɔ́ a à ŋiɔnda tɛɛn-ndo.

Marke 14:10

O kon mí Yuda Iskariɔt, ó va kaandennɔɔ pilɛ o kaandeŋaa tɔ́ a à ŋiɔnda tɛɛn-ndo, kɔ komal bolii vanaa-solia-lasálàá le Yeesu malɔɔ nda o ba.

Matie 27:3

Yuda mal ndu vannda o ba-o tueyɔɔ maa yamɛi Yeesu-e kiolu maa o co piɔ́mndo sɔla, mí siòònde bii ndu taw, mó mingul vanaa-solia-lasálàá a simlacia lelɛŋnda volin latámán beleyaa-on.

Dɛnnda kiilaa 1:25

le baala lekiilaa ho tosaa-o, baala Yuda mal ho, mó kɔa o fonda ndóò bɛnda le kɔlan-ndo pɛɛn.»

Dɛnnda kiilaa 1:13

Ndáà muungoo Yerusalɛm, má kɔ luɛi o cɛi-lenin va o cɛi coocoo pum nin-ndo nin, nɛɛ ndáà bɔɔŋian lɔ́ɔ́-lɔ́ɔ̀-a. Nda yɔŋnun haa ni: Piɛr, Nsaŋ, Nsaki, Andre, Filipe, Tomas, Bartelemi, Matie, Nsaki po Alfee-o, Simɔn vana cɔlɔba le lɛŋnde ndɔlen baŋaa-o a Yude po Nsaki-o.

Matie 26:2

«La sinà maa o lo palɛi ndii ŋiin le kafo-hiavaa-coo tiiyaa. À malnin Po vanacieo vannda o ba le ndu baŋɔɔ o yɔm singafilaa coo.»

Matie 26:15

mó dimul nda aa: «Te i mal pɛ ndu niaa o ba, yɛɛ nɛ niaa ke yɛnin ya?» Má cua volin latámán beleyaa, má yɔngu ndu.

Nsaŋ 6:64

Kɛ vanaa pum a co niaa tɛɛn, a laalan te.» Kani o kandɔɔ pɔ́, Yeesu ndóò sina vanaa laalan te-a a vana óò malnin ndu vannda o ba-o.