Matie 10:36 - BII BILA

³⁶ Yaamɔaa vana-vana vanin vanaa nda co cɛinin-nda ni.

Matie 10:36 Referans Kwoze

Misee 7:6

Kani po vialaa co fuɲaa bɛɛlan tɛɛmbuuo, cuaambɔ laandoo co kala ndɔ simullo, lanɔɔ poo co kala-lɛɛ ndɔ ciŋilanndo. Yaamɔɔ vana-vana fulanin o yungu vana kon pila nin.»

Yeremi 12:6

Kani hali vanayan nɔmndon, hali a niaa co yungu pilɔɔ-a co nɔm huiyo. A co vannda kɛsio kundalan le nɔm cumullo, a co sina le. Lelan a va bɛɛ nɔm sɔɔn kɛndɔn dimullo, laalan nda le.»

Condii lisai 41:9

«Ɲɛ palaa vɔɔndo tol ndu coo nuaa ni. Má cè ndu ihini, o cen ndɛnin te.»

Condii lisai 55:13

Te ndóò va pɛ yaamɔɔ va ya pɛ yeowlan ni, yáà tiwba mì yáà biwnun. Te vana nɔ nɛyɔn nuu-o ndóò simul-la ni, yáà nɔla mì yáà vennun ndu.

2Samiɛl 16:11

Mí David dimul Abisai a vanaa ndɔa baalaa kpow aa: «Po ni ya pila solin o ipulu-o yeema vɔ le ya diyɔɔ, ko caan fulan hoo pɔɔli o polale Bɛnyamɛn-nden nin-ndo. Lelan, la mal ndu lon, o yeow ya, te lende Mɛlɛka dimi ni.

Yeremi 20:10

I co vannda taw tueyɔɔ tuula vɔɔnndan le ya. Nuaa nda co ya veeloo ni aa: ‹Siòònde tiw sɔ́›. A pum a co ya vɛlɛ diolan keo aa: «Cɔɔmuu ndu! N kɔ lɔlun ndu!» Vanaa va caaŋaa nia-a kpow a muungu ya mɛngɛlaa le tɛɛmbuu hali ɲɛ-pɔmbɔ cɔu. A co dimio aa: «Bɔɔle o co pɔɛɛnɔn a ndu pila, o kon mì n tiw ndu ba, mì n mingul ndu màá náà»!

1Samiɛl 17:28

Kɛ Eliab bɛ ndɔ tueyɔɔ David suukanndo nda vanaa cɔwva, mó tambu kɔl a ndu, mó ɲuna ndu aa: «Yɛɛ nɛ n hin yɛ tosa nanu? Nɛ̀ɛ́-nɛ̀ n mel-lɛ saa a cuinnda yondoo nin? I sina kuundian nɔmndo a cɔmnɔn co nɔm o kɔl-lo válán. Le cɔu mɛɛ cɔwvo co tosanndo yɛ n hun tiiya nanu nuaa dí ni.»

O Kandɔɔ 3:15

I lueinin vɔvanndo niaa tɛɛn niaa vanalanɔɔ, vɔvanndo vanin cuavaa ndɔa a cuavaa nɔmnda tɛɛn. Po vanalanɔɔ pialnin nɔm bollen, mì nɔm lɔva ndu bɛngu tííndííyo.»

Nsaŋ 13:8

Mí Piɛr dimul ndu aa: «Kɛì-kɛì bɛɛ, a bɛnda ma pulu ya pelon lɔ́ɔ́-lɔ́ɔ̀ le!» Mí Yeesu mulul ndu aa: «Te i pulu nɔm pelon te, mɛɛ a co o ni le.»

Esai 19:2

I co sɔngɔɔ malɔɔ Esiptea tɛɛn, mà simulan vellaa-velle, vanndo cɔlɔbanin nda puapilɛ ndɔɔ, vanndo cɔlɔbanin nda caan ndɔ, kobio cɔlɔbanin kobio, masalen le cɔlɔbanin masalen.

Matie 10:21

Vanndo lɔalunin puapilɛ ndɔɔ le ndu diyɔɔ, mì fuɲaa lɔlu po ndɔɔ. Cuawva simulnin vanaa velu nda-a mà tosa mì vanaa velu nda kan-nda sɔla piɔ́mndo.