Matie 10:3 - BII BILA

³ Filipe a Bartelemi. Tomas a Matie vana biyaa muloo. Nsaki po Alfee-o a Tadee.

Matie 10:3 Referans Kwoze

Dɛnnda kiilaa 1:13

Ndáà muungoo Yerusalɛm, má kɔ luɛi o cɛi-lenin va o cɛi coocoo pum nin-ndo nin, nɛɛ ndáà bɔɔŋian lɔ́ɔ́-lɔ́ɔ̀-a. Nda yɔŋnun haa ni: Piɛr, Nsaŋ, Nsaki, Andre, Filipe, Tomas, Bartelemi, Matie, Nsaki po Alfee-o, Simɔn vana cɔlɔba le lɛŋnde ndɔlen baŋaa-o a Yude po Nsaki-o.

Marke 3:18

Andre, Filipe, Bartelemi, Matie, Tomas, Nsaki po Alfee-o, Tadee, Simɔn langbanɔ yeema lɛŋnde ndɔlen-ndo,

Marke 2:14

O lo hiovɔɔ, mó ca Levii po Alfee-o, o va icali o cɛi biyaa muloo. Mó dimul ndu aa: «Del-la kɔɔli!» Mí Levii can, mó kɔa ndu kɔɔli.

Matie 9:9

Mɛɛ Yeesu faŋan ndon, mó kɔa lándán, mó ca langbanɔɔ pum icali o cɛi biyaa muloo nin, diolan ndu Matie. Mó dimul ndu aa: «Del-la kɔɔli!» Mí Matie can, mó kɔa ndu kɔɔli.

Nsaŋ 21:2

Simɔn Piɛr, Tomas, o ndáà veelu aa Didim-ndo, Natanaɛl fula Kana o tàndá Kalile-o nin-ndo, poaa Sebedee-a, a kaandeŋaa ŋiɔŋaa celen a va nɛɛ pilɛ.

Nsaŋ 11:16

O kon mí Tomas nda veelu aa Didim-ndo dimul kaandeŋaa tɔ̀a aa: «Naa bɛɛ n kɔnnun mì n kɔ vunnun naa Yeesu-aa.»

Yude 1:1

Ya Yude, ya co vana baala Yeesu Krista-o apuapilɛ Nsaki-o-o pɛɛn. Ya co vanaa Hala veelu, mí ndu Pua Hala kaola nda, má va a mandaa le Yeesu Krista-a sɛvallo nuaa ni.

Nsaki 1:1

Ya Nsaki, vana baala Hala-o a vana baala Maalii Yeesu Krista-o co sɛbɔɔ ho sɛvaa ni, le poloma tɔ́ a mamiɔmma co ma sɛŋianndan vanaa-mangalaa-isɔɔa tɛɛn-ndan, i yil niaa!

Kalatea 2:9

Telen Nsaki, Sefas a Nsaŋ, a co sungbuma vanaa laalannda-a sínà maa baala Hala ke ya-o co kon ni-o, má yil naa a laba naa Barnabas, le naa cɔmndo maa n co diom pilɛ naa ndaa, haliko mi naa n va kɔlan o vanaa co N'Yuifi le-a lo, o kon mí nda va kɔlan o Yuifia lo.

Kalatea 1:19

Kɛ o kiilaa tɔ̀a kpow nin, i ci vana-vana celen faŋanndo Nsaki, pɔmbɔɔ Maalii kɔɔli le.

Dɛnnda kiilaa 21:18

Diimandɔɔ, mí Pol kɔa o Nsaki lo naa ndaa, mí kaasoŋaa kɔlkalua kunda vanaa laalannda kpede a cuungian.

Dɛnnda kiilaa 12:17

Mí Piɛr kpaa nda a ba, mó dɔwnun nda kona mɛɛ Mɛlɛka looku ndu soli o kaasoo yɛ. Mó dimul nda vɛlɛ aa: «La dimul Nsaki a puapilɛa tɔ̀a.» O kon kɔɔli, mó bii nɛiyo, mó kɔannun nɛɛ celen.

Luke 5:27

O kon kɔɔli, mí Yeesu fula, mó ca vana biyaa muloo, diolan Levii, o va icali nɛɛ biyaa mulua. Mí Yeesu dimul ndu aa: «Del-la kɔɔli.»

Dɛnnda kiilaa 15:13

Ndáà ciiyo, mí Nsaki cua sɔɛi, mó dimi aa: «Puapilɛa nia, la yaŋ ya nilan.

Nsaŋ 14:22

Mí Yuda (o co Iskariɔt le) ɲuna ndu aa: «Maalii, le yɛɛ n co yɛ mɛi ceendo cɔmnɔnndo mà cɔmnun naa?»

Nsaŋ 14:9

Mí Yeesu dimul ndu aa: «O co lɛhau le naa n co latulu naa niaa le Filipe, yee a kon kpede a sina vɔ ya le? Vana ce ya pɛ, mɛɛ Pua o ce lende ni. Le yɛɛ n co yɛ vɛlɛ dimio aa: ‹Cɔm naa Pua›?

Matie 27:56

Mari fula Makadala-o, Mari kalaa Nsaki nda Yosɛf a kalaa poaa Sebedee-a va nda tɛɛn ndon.

Matie 18:17

Te o kɛɛ pɛ le nda nilan yaŋɔɔ, a cɔm kunda vanaa laalannda sɔɛi kalɛi, te o kɛɛ nin pɛ kunda vanaa laalannda diom, mɛɛ cɔ ndu maa vana-mangalaa-isɔɔ celen, maa vana biyaa mulu.

Marke 15:40

Vanlaandua pum bɛɛ va isisi tofaa kɔɔli-kɔɔli lándán, Mari fula Makdala-o a Mari velu Nsaki pɔmbɔ, Yose a Salome-o.

Luke 18:10

«Langbaa pum va nda ŋiɔn, má kɔa o Cɛi-Hala-o nin le piɛilen. O pilɔɔ Faliisinɔɔ, o pilɔɔ ndu vana biyaa muloo.

Luke 18:11

Mí Faliisinɔɔ sim, mó piɛi Hala o kɔl nin aa: ‹Hala, i mel nɔm balika, kani i co maa vanaa tɔ̀a le, vuiya, vanaa yɔŋ vɔɔnda a vanaa suundaa pɛɛn. I co vɛlɛ maa vana biyaa muloo hoo le.

Luke 18:13

Mí vana biyaa muloo ndu sim levil pɔ́, o tiw bɛɛ ba hɔlla cuaa mo tofa o halataala le, kɛ mo va buŋnde lɔɔnɔnndo a dimio aa: ‹Hala, tuinun ya iɲíí, kani vana lahakio ya co ni.›

Luke 19:2

Langbanɔɔ pum va lon, diolan Saasee. Ndu va bolle vanaa biyaa mulua ni, vana bolofaa o va vɛlɛ ni.

Nsaŋ 1:48

Mí Natanaɛl dimul ndu aa: «Kuɛɛ n sina yɛ ya?» Mí Yeesu mulul ndu aa: «Lɔ́ɔ́ pá mi Filipe veelu nɔm nɛɛ n va o voosu tumndo bɛngu-a, yáà ce nin nɔm.»

Nsaŋ 14:5

Mí Tomas dimul ndu aa: «Maalii, n sinà nɛɛ n co kɔlan-nda le, vɛ̀ɛ̀ naa n sina yɛnin nɛiyo le kɔlan ndon?»