Matie 10:26 - BII BILA

²⁶ Lelan, siòòŋii bii niaa a nda le. Kani ɲɛ-ɲɛ co o kumbaa hun fulanin ceen, ɲɛ-ɲɛ co vɛlɛ o vianaa hun sinannin.

Matie 10:26 Referans Kwoze

Luke 8:17

Kani ɲɛ-ɲɛ co o vianan, o fulanin ceen vakpa, dɛnɛ oo dɛnɛ co le, o kɛɛnin cɔmnɔn vannda o hɔl-lo.

Yeremi 1:8

Siòòŋii bii nɔm a nda le, kani i vanin nɔm ikɛi le nɔm baŋaa.» Mɛlɛka soo nuaa ni.

Marke 4:22

Kani ɲɛ-ɲɛ co o viannan, o fulanin ceen, ɲɛ-ɲɛ co o kumbaa, ndu baayannin ipala déŋ.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Matie 10:28

La vò vanaa dii diallon kɛ a nɔla kɔllo diyɔɔ le-a le. Kɛ o niaa vo-o co Vana tosà mì kɔllo a diallon kɔɛ o ɲánndávàà-o ni.

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

Esai 41:14

Lelan, la yɔŋ isiòòn te, niaa londopoloa pɔmbɔa Yakɔb-a ha. I co niaa Israɛlla sɔɔnguu ikɛi mì mala niaa.» Mɛlɛka dimi lende ni, O-Diandaa Israɛlla, vana niaa baŋaa pɛɛn.

Talelan 28:1

Vana dɛnɛ vɔɔndo nɔlà mò sungu kiltan hali mì vana ve ndu tovɔɔ le. Kɛ vana sandaa ndu laalan ndu pila maa yàlà téndé.

1Piɛr 3:14

La sɔla pɛ sangaa le dɛnɛ kɛndɛ niaa co tosaa-o, mɛɛ dɛnɛ kɛndɔɔ vanin le niaa. La nɔ siòònde a ɲɛ vanndacieea nɔ siòònde-o le, la va yoloma-yoloma le.

Esekiɛl 2:6

Nɔm Po vanacieo yɛ, yɔŋ isiòòn a nda le, siòòŋii bii nɔm le tombola nda bɛndoo le. Nɔm a vanin o yɔɔn a o siɛmbullon tɛɛn, a calnin o ngeemaa coo, kɛ siòòŋii biinin nɔm le tombola ndaa le. A ɲiiyanin le hɔlta ndalan te, kani vanaa nila kalua nda co ni.

Talelan 29:25

Vana yɔŋ pɛ siòònde a vanndacieea mɛɛ yaŋɔɔlen le co ndu laci. Kɛ vana tiindan pɛ Mɛlɛka, ndu sɔla kandaa.

Dɛnnda kiilaa 4:19

Kɛ mí Piɛr nda Nsaŋ mulul nda aa: «Niaa pila kiolu vɔ yamɛi he, sɔɛi niɛi biyɔɔ a sɔɛi Hala-e biyɔɔ, o kuɛɛ bɛnda yɛ Hala o hɔl?

Dɛnnda kiilaa 1:8

Kɛ la sɔlanin kpaayaa lɔ́ɔ́ Kɔl-Diandaa toalnin niaa coo-o. O kon, la siŋnunnin seyaa nia Yerusalɛm ciee, o tàndá Yuda-o nin a o lɛŋnde Samari len nin kpow, kɔlan tiiyaa háá o lɛŋnden mɛɛlulan.»

Dɛnnda kiilaa 4:13

Mɛɛ vanaa kialaa n'yamaa lelɛŋnda ce Piɛr nda Nsaŋ sɔɛi válán a kɔlkɛsiaa, má sina vɛlɛ maa vanndacieea daama, aa sɔla lapɛɛku le-a nda va ni, mí kɔndɔfillo bii nda taw. O kon má bii bila maa vanaa va nda Yeesu-a latulu-a nda va ni.

Luke 24:47

mì vannda balu vanaa-mangalaa-isɔɔ kpow dimullo, kandɔɔ Yerusalɛm maa a mal yɔŋ vɔɔndo, mà mangalan, mà sɔla hakilan malɔɔ.

Talelan 10:9

Vana kela pɛ o sandei nin, o vannun yili, kɛ vana kela pɛ kela tuunduɛiyo, niinu ndɔɔ fulanin ceen.

Vana Kɔlkaloo 12:14

Kani Hala co hunɔɔ yamɛi dɛnndan kpow kiolɔɔ. Hali dɛnnda viannanndan o, la va lakɛndɛ, la va lavɔɔn.»