Matie 10:23 - BII BILA

²³ Te vannda tol pɛ niaa yɛlen o kobio pum nin, la ɲaanun mì la kɔɛnnun o kobi celen nin. Mì dimul niaa toɲaa, la ciinin kobila co o lɛŋnde Israɛl-ten nin-ndan balɔɔ le, mì Po vanacieo hin.»

Matie 10:23 Referans Kwoze

Matie 16:28

Mì dimul niaa toɲaa, vanaa pum niaa tɛɛn nanu a vi vɔnin te, mà ce Po vanacieo hunɔɔ o masale ndɔlen nin.»

Dɛnnda kiilaa 17:10

Ɲumndan tolɔɔ dɔ́ɔ́, mí vanaa laalannda liila Pol nda Silas Beeree. Mɛɛ nda tiiyaa lon, má kɔ luɛi o cɛi lekaan Yuifia nin.

Dɛnnda kiilaa 8:1

Sol, o yiyan pilɛ kon va o kɔl o Etiɛn diyɔɔ-o bɛɛ va lon. Paale len, mí vannda kandu vanaa Krista-aa Yerusalɛm yɛle bɛndulen tollo. Mí vanaa laalannda kpow a sɛŋin, má kɔa nɛɛ-nɛɛ ka o tàndá Yuda-o nin a o lɛŋnde Samari len nin. Fɔ kiilaa daama ndáà lo Yerusalɛm ciee ni.

Marke 13:26

O kon vannda canin Po vanacieo hunɔɔ o yumbuyumboo nin a kpaaya bɛndoo a á biiloo.

Luke 21:27

O kon, vannda canin Po vanacieo hunɔɔ o yumbuyumboo nin a kpaaya bɛndoo a á biilu bɛndoo.

Luke 18:8

Mì dimul niaa, o kenin nda dí ndaa cɔ́-cɔ́. Kɛ te Po vanacieo hin pɛ, o komalnin pá vanaa laalannda o lɛŋnden coo?»

Nsaŋ 7:1

O kon kɔɔli, mí Yeesu va balɔɔ o tàndá Kalile-o nin, kani ndóò yeema mi ndóò balu tàndá Yuda-o le, bau Yuifia va nɛilan nuwviaa le ndu diyɔɔ.

Matie 26:64

Mí Yeesu mulul ndu aa: «Nɔm pila cii dimi. I co niaa vɛlɛ dimul, la canin Po vanacieo icali Hala vana kpaayaa kpow o ba kɛndɔɔ coo, mo va hunɔɔ o yumbuyumbu halataala-o nin.»

Matie 24:30

O kon tɔɔmasele Po vanacieo fulanin o halataala. Vannda súúlan kpow o lɛŋnden coo a somisominnin, mà ce Po vanacieo hunɔɔ o yumbuyumboo nin cɔnɔnndo o halataalaa a kpaaya bɛndoo a á biilu bɛndoo.

Dɛnnda kiilaa 17:14

Fɔ́ɔ́fɔ̀, mí vanaa laalannda liila Pol a kpengii mɛmma ihɛl-le. Kɛ mí Silas nda Timote lonnun Beeree.

Matie 25:13

Lelan, la va o lapɔɛyɔn nin te, kani la sina paale len te, la sina telen kon te.»

Matie 24:48

Kɛ te o va pɛ vana baala vɔɔndo, o co dimi aa: ‹Vana ni bɛndoo yalanin hunɔɔ le›.

Matie 24:27

Kani mɛɛ piɔɔ-volia kandun a ba paalen le can-ndo, mò kɔɛ háá a ba paalen le del-lo nuaa yɛ, lende hunɔɔ Po vanacieo vanin ni.

Matie 23:34

Lelan i co niaa vanaa-tɛɛngaa-diom Hala-a, vanaa kɔlkalua a vanaa pɛɛkaa latɔŋnda vim. La diwnin a pum, mì la baŋ a pilla o yɔmii singafilɛi coo, mì la koŋ a tɔ̀a o cɛila lekaannda niaalan nin, mì la tol nda yɛlen o kobi oo kobi nin,

Matie 4:12

Yeesu ndóò tueyɔɔ maa a mal Nsaŋ o kaasoo, mó kɔannun o tàndá Kalile-o nin.

Matie 2:13

Vanaa kɔlkalua kɔnndan, mí mɛlɛkanɔ Hala-o cɔmnun Yosɛf o lɔma sɔlaan nin, mó dimul ndu aa: «Cɔn ma cua cɛlɛkpɔɔ nda kala ndɔ, mì la ɲaanun o lɛŋnde Esipte len nin. La kɔ lo lon háá telen ya dimulnin nɔm le muungoo-o, kani Herɔde nuwviaanin cɛlɛkpɔɔ ho le ndu diyɔɔ.»

Dɛnnda kiilaa 20:1

Vɔkɔvɔkɔɔ cuvɔɔ, mí Pol bɔɔŋiaa vanaa laalannda, mó luei nda yoomuan. O kon kɔɔli, mó congun nda, mó kɔa Maseduan.

Yeremi 26:21

Mí masaa Yehoyakim, vanaa ndɔa cumulaa a simlacua ndɔa kpow a tuɛi sɔɔn mun, mí masaa va nɛilan nuwviaa le ndu diyɔɔ. Uria tueyɔɔ sɔɛi ken, mí siòònde bii ndu, mó ɲaanun, mó kɔannun Esipte.

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

Matie 23:36

I co niaa toɲaa dimul, sɔɔn mun kpow n toalnin vanndacieea vaalio coo.»

Matie 24:34

I co niaa toɲaa dimul, lambio ho hiwnin te, mì dɛnnda lan kpede la peelun.