Matie 10:22 - BII BILA

²² Vannda kpow nɔnin nɛyɔn niaa le diola nilan. Kɛ vana lonin lecoo háá o mɛɛlulan-ndo, ndu sɔlanin cindaa.

Matie 10:22 Referans Kwoze

Matie 24:13

Kɛ vana lonin biuvɔnndo háá o mɛɛlulan-ndo, ndu sɔlanin cindaa.

Nsaki 1:12

Dɛnɛ kɛndɔɔ co le vana bìwnùn o tɔɔndanndo nin-ndo, kani o cii pɛ tɔɔndanndo sɔla, o sɔla mɔsil lemasa cindaa, o Mɛlɛka yiilu vanaa kaola ndu-a kpemaa-o.

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.

Marke 13:13

Vannda kpow a kɛɛnin niaa le diola nilan, kɛ vana lonin biuvɔnndo háá o mɛɛlulan-ndo, ndu sɔlanin cindaa.

Matie 10:39

Vana-vana kindin pɛ le yoomu ndɔɔ mandaa, o hɛlun ndu. Kɛ vana-vana yoomu ndɔɔ hɛlun pɛ le ya, ndu sɔlanin yoomu kpeekpeiyo.»

1Nsaŋ 3:13

Puapilɛa nia, te ceendo nɔ pɛ nɛyɔn niaa, la dɔawnun kɔndɔfili le.

Matie 24:9

A tuisinin dɛnɛ palaa súú-súù ka niaa coo, mà diw niaa, mì vanaa-mangalaa-isɔɔa kpow a pɛɛsa niaa le diola nilan.

Rɔmnda 2:7

O kenin vanaa co biuvɔnndo le dɛnɛ kɛndɔɔ tosaa-a yoomu fɛɛn-fɛɛndo, a co kindinndo le biiloo, bɛɛlen a si lɔ́ɔ́-lɔ́ɔ̀-o sɔlaa-a pɛɛn.

Hebreea 6:11

Kɛ nduyɛ, o naa n yeema-o co ho ni, mì vana-vana o niaa tɛɛn lo lecoo háá o mɛɛlulan. O kon mí ɲɛ niaa kɛsi kɔllo coo-o tosan.

Nsaŋ 17:14

I ke nda sɔɛi nɔmnde, mí ceendo kɛɛ nda, kani a co le ceendo le, maa mɛɛ ya pila i co le ceendo yɛ.

Kalatea 6:9

N sangan le dɛnɛ kɛndɔɔ tosaa le, kani n koawnin a telen bɛnda-o, te n mel te.

Luke 6:22

Dɛnɛ kɛndɔɔ co le niaa, telen vannda nɔnin nɛyɔn niaa, mà kɛɛ niaa, mà va niaa yeowlan, mà kela a niaa o lasonndo le tùú niaa laalan Po vanacieo-vo.

2Korɛntea 4:11

A co naa n co hoo yoomu-o kpede, n co o piɔ́mndo hɔl-ndɔ le Yeesu, haliko mi yoomu ndɔɔ cɔmnun o dialun naan n co hunɔɔ vu-on nin.

Matie 5:11

Dɛnɛ kɛndɔɔ vanin le niaa, telen nda yeownin niaa, mà tol niaa yɛlen, mà hɛɛnduu niaa sɔɔn vɔɔŋun súú-súù ka coo le ya-o.

Dɛnnda cɔɔmuanndan 2:17

Vana nɔ pɛ nilan, mɛɛ ndú tuéi ɲɛ Kɔl-Diandaa co vanaa laalannda dimullo-o. Vana nɔlanin-nda, i kenin ndu manne vianaa a pow humboo, pow diola sɛnɛila lasɛvaa coo-o, vana-vana sina diola lan te fɔ vana sɔla lan-ndo.›»

Nsaŋ 7:7

Ceendo nɔla niaa kɛɔ le, a ya koni o nɔ nɛyɔnndo ni, kani i co cɔmndo maa dɛnnda ndɔlan la niŋ te.

Luke 8:15

Yɛi del o lɛŋnde kɛndɛlen-ndo, ndu co vanaa tuɛi sɔɛi Hala-e, má bii ndi a kɔlkɛndɔɔ a á kɔlta ndalan kpow-va ni, má lo lecoo háá má koam komɔɔ kɛndɔɔ.»

Dɛnnda cɔɔmuanndan 3:21

Vana nɔlanin-ndo, i kɛsinnin ndu ikɛi o kpɛŋɛ ni lemasaa coo maa mɛɛ ya nɔla, mí n kɔ cal naa Fuɲa nuu o kpɛŋɛ ndɔ lemasaa coo yɛ.

Dɛnnda cɔɔmuanndan 2:7

Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o. Vana nɔlanin-ndo, i kenin ndu kɔmnde yɔm ciindaa le dioo, yɔm cindaa co o nakɔ Hala-o nin-ndo pɛɛn.›»

Hebreea 3:14

Lelan te n hiow pɛ laci a simndan yili o tiindan naa tasoo nin, háá mi n tiiya o mɛɛlulan, mɛɛ n co va a yiinannda a Krista.

Dɛnnda cɔɔmuanndan 2:26

Vana nɔlanin-ndo, vana mandanin dɛnnda nilan háá mi hin-ndo, i kenin ndu kpaaya ya pila sɔla Fuɲa nuu o ba-o. I yɔngunin vana kon kpaayaa vanaa-mangalaa-isɔɔa coo, mò tosa masalen nda coo a kpaayaa, mò pesipesi nda maa kpɛɛnɛi puulu. I kenin ndu vɛlɛ loei idii-ye.

Dɛnnda kiilaa 9:16

Ya pila cɔmnin ndu sanga kɛ́-kɛ̀ o co hunɔɔ sɔla o diola nilan.»

Dɛnnda cɔɔmuanndan 2:3

Vana biwnanndo n co ni, a yulu sangaa le diola nilan, a vi n'dial te.

Talelan 29:27

Vanaa sendu le-a nɛinun vanaa sandaa, mì kela vanaa sandaa bɛɛ nɛinun kela vanaa sendu le-a.

Luke 21:17

Vannda kpow a kɛɛnin niaa le diola nilan.

Luke 21:19

Lelan la ló biuvɔnndo, mì la sɔla cindaa.»