Matie 10:19 - BII BILA

¹⁹ Kɛ telen nda kɔanin kon a niaa o fondala kialaa n'yamalan-ndo, la buulan le mɛɛ niaa soaanin yɛ le, la buulan vɛlɛ le ɲɛ niaa diminin-ndo le. O niaa bɛnda le dimio-o kennunnin niaa o telen kon.

Matie 10:19 Referans Kwoze

Fulaa 4:12

Nɔm kɔ ma kɔaa tuŋ. I vanin nɔm ikɛi telen n vanin sɔɛi-yo, mì cɔm nɔm ɲɛ n bɛnda le dimio-o.»

2Timote 4:17

Mɛlɛka mala ya ni, mó luei ya yoomuan, o kon mó tosa mí tiiyal vannda Yoongu Kɛndɔɔ mɛɛ o co faw yɛ, mí vanaa sina Hala le-a kpow a tuɛi. O kon mí Mɛlɛka baŋa ya, a dii ya le.

Luke 12:11

Lɔ́ɔ́ nda kɔanin a niaa o cɛila lakaanndan nin, te kon te simlacia o hɔl, te kon te vɛlɛ vanaa bɛndua o hɔl le niaa yamɛi kiolɔɔ-o, la buulan le kɔɔsɔɔ, te kon te le ɲɛ niaa diminin-ndo le,

Fulaa 4:15

O kon, a soo o ndu lo, a cɔm ndu sɔɛi-sɔɛi o bɛnda le dimio. Telen niaa vanin kon sɔɛi-yo, ya pila vanin niaa ikɛi, mì cɔm niaa ɲɛ niaa bɛnda le tosaa-o.

Nsaki 1:5

Te vana pum nɔ kɔlkalu niaa tɛɛn te, mɛɛ o ɲuna Hala yɔngù vannda kpow ɲɔɔn a kɛndɛi-yo, o co a isɔw le, o kon mò yɔngun ndu.

Matie 6:31

Lelan, la buulan mì la ɲunan te aa: ‹Yɛɛ naa n dia yɛnin?›, ‹Yɛɛ naa n kol-lɛnin?›, te kon te aa: ‹Yɛɛ kpeekpei naa n cuɛinun yɛnin?›.

Matie 6:25

«Lelan ya co niaa dimullo ni maa la buulan le yoomu niaa a le ɲɛ niaa dianin-ndo le. La buulan vɛlɛ le dialun niaan a le ɲɛ niaa cuɛinunnin-ndo le. Vɛ̀ɛ̀ yoomoo hiw baloo le? Vɛ̀ɛ̀ diallon co fisa a ɲɛ cuɛinanndo le?

Filipea 4:6

La buulan le ɲɛ-ɲɛ le, kɛ o dɛnɛ oo dɛnɛ nin, la cɔm Hala balahavɛila niaalan o piɛilen nin a o tɛɛlɔnndo nin a kɔl sinaa ikɛndɔɔ.

Dɛnnda kiilaa 6:10

Kɛ a tiwba ndu simullo le, kani a kɔlkalu Hala Kɔl-Diandaa ke ndu-o o va sɔɛi ni.

Yeremi 1:9

O kon mí Mɛlɛka siɛndi baa, mó pilan ya sondoo, mó dimul-la aa: «Tofa vɔ, i vow sɔɔn nun nɔm o sondo.

Yeremi 1:7

Kɛ mí Mɛlɛka mulul-la aa: «Dimi le maa cuaambɔɔ n co ni. Kani a kɔanin o vanaa ya co nɔm vomɔɔ o nda lo-a lo, mà tɛɛngul nda ɲɛ-ɲɛ ya dimulnin nɔm.

Matie 6:34

Lelan la buulan le siɔdiio le, siɔdiio buulannin le ndu pila. Lepalaa-lepala le nɔ bahavɛi ndɔ.»

Matie 10:18

A kɔanin a niaa o masaa n'bungaa lo a o masaa bɛndua lo le ya, mì la kɔ soli seilen nda o hɔl a vanaa-mangalaa-isɔɔa o hɔl.

Luke 12:12

kani Hala Kɔl-Diandaa cɔmnin niaa o niaa bɛnda le dimio-o o telen kon kpafii.»