Matie 10:17 - BII BILA

¹⁷ La mandan a vannda, kani a lɔalunin niaa o fondala kialaa n'yamalan, mà lɔɔ niaa o cɛila ndala lekaanndan nin.

Matie 10:17 Referans Kwoze

Marke 13:9

La caa le niaa pila. A kɔanin a niaa o fondala kialaa n'yamalan, mà lɔɔ niaa o cɛila lekaanndan nin. A kɔanin a niaa o masaa n'bungaa lo a o masaa bɛndua lo le ya, mì la kɔ soli seilen nda o hɔl.

Matie 23:34

Lelan i co niaa vanaa-tɛɛngaa-diom Hala-a, vanaa kɔlkalua a vanaa pɛɛkaa latɔŋnda vim. La diwnin a pum, mì la baŋ a pilla o yɔmii singafilɛi coo, mì la koŋ a tɔ̀a o cɛila lekaannda niaalan nin, mì la tol nda yɛlen o kobi oo kobi nin,

Dɛnnda kiilaa 26:11

Palɛi bɔɔ-bɔɔ, i va keiyo o cɛila lekaandan nin le vanaa laalaŋaa kan saangiaa, yáà yeema le nda baŋɔɔ mì ndáà mal laalan ndaa. Mɛɛ sɔɛi pala ya tei, mí va nda kɔlan kɔɔli o kobila isumial tan nin.

Nsaŋ 16:2

A solinin niaa o cɛila lekaanndan nin. Hiovɔɔ o kon coo, telenndo pum tiiyanin, vanaa vanin niaa diwvo-a vanin yiyanndo maa baala Hala-o nda vanin tosa kon lende ni.

Luke 12:11

Lɔ́ɔ́ nda kɔanin a niaa o cɛila lakaanndan nin, te kon te simlacia o hɔl, te kon te vɛlɛ vanaa bɛndua o hɔl le niaa yamɛi kiolɔɔ-o, la buulan le kɔɔsɔɔ, te kon te le ɲɛ niaa diminin-ndo le,

Matie 5:22

Kɛ ya, i co niaa dimul: vana-vana tuulu pɛ kɔl a puapilɛ ndɔɔ, a kiolu ndu iyama. Vana dimul pɛ puapilɛ ndɔɔ aa: ‹A kindu kɔl te›, vanaa bɛndua kialu yaman lelɛŋndon-nda bɛnda mà cal o sɔɛi ndɔɛi coo. Vana dimul pɛ puapilɛ ndɔɔ aa: ‹Diɔmndo n co ni›, ndu bɛnda mò kɔɛ o ɲánndávàà.

Dɛnnda kiilaa 22:19

Mí muli aa: ‹Maalii, vannda ha sínà maa i va keiyo o cɛila lekaandan nin, mí va vanaa laalan nɔm-nda malɔɔ o kaasoo, mí va nda lɔɔ.

Misee 7:5

La láálan vanayan niaan te, la kɛ́sì kɔllo caaŋaa niaa coo le. La mandaa sondola niaalan, hali o va bɛɛ landaa niaa o hɔl.

Hebreea 11:36

Má mam a tiŋ, má lɔaa nda, má baa a pum yɔlɔn, má vow nda o kaasoo.

2Timote 4:15

Nɔm bɛɛ mandan a ndu dɛ, kani o simul bɔɔ sɔɔn nan.

Filipea 3:2

La mandan a tunaa kan, la mandan a vanaa baalaa vɔɔnda, la mandan a faleŋaa fondoa kan.

Nsaŋ 11:47

O kon mí bolii vanaa-solia-lasálàá a Faliisia mɔɔsiaa vanaa kialaa n'yamaa lelɛŋnda, má dimul nda aa: «Vɛɛ naa n co yɛ tosa? Kani langbanɔɔ ho co bɔɔ dɛnnda kaamaalan tosaa.

Marke 13:12

Vanndo malnin puapilɛ ndɔɔ vannda o ba, mà dii ndu. Mì fuɲaa mal po ndɔɔ vannda o ba, mà dii ndu. Cuavaa vialaa simulnin vanaa velu nda-a, mà diw nda.

Matie 26:59

Mí bolii vanaa-solia-lasálàá a vanaa bɛndua kialu yaman lelɛŋndon-nda va nɛilan nuwviaa le Yeesu còòlan ɲiinduuo, haliko mi ndáà dii ndu.

Dɛnnda kiilaa 17:14

Fɔ́ɔ́fɔ̀, mí vanaa laalannda liila Pol a kpengii mɛmma ihɛl-le. Kɛ mí Silas nda Timote lonnun Beeree.

Matie 20:19

A malnin ndu vɛlɛ vanaa-mangalaa-isɔɔa o ba le ndu mamɔɔ, mà soŋ ndu, mà baŋ ndu o yɔm singafilaa coo. Kɛ mò tendul o paale yàándɔlen.»

Matie 10:18

A kɔanin a niaa o masaa n'bungaa lo a o masaa bɛndua lo le ya, mì la kɔ soli seilen nda o hɔl a vanaa-mangalaa-isɔɔa o hɔl.

Dɛnnda kiilaa 9:2

mó ɲuna ndu sɛbɛla di lan le kɔlan o cɛila lekaanda va Damas lan nin. O kon te ndóò komal pɛ vanpiaandua, te kon te vanlaandua, mì ndáà va kelaa o nɛi kon coo, ndóò bii nda, ndóò yiw nda, ndóò hin a nda Yerusalɛm.