Matie 10:16 - BII BILA

¹⁶ «I co niaa vomɔɔ maa n'saa tunaa yondoa tɛɛn. Lelan, la kiondu kɔltan maa n'kɛw, mì la vi kɔltan maa n'piin.

Matie 10:16 Referans Kwoze

Luke 10:3

La kɔ! I co niaa vomɔɔ maa saa cuawva tunaa yondoa tɛɛn.

Filipea 2:15

haliko mi la va vanaa yaalan te-a a vanaa diandaa, mì la va cuavaa Hala-a, à vànà seelun isɔw nin te-a vanaa co laasianndo-a a vanaa vɔɔnda tɛɛn. Mì la va nda diondɔɔ tɛɛn maa ɲɛ-tengaa o ceendo,

1Korɛntea 14:20

Puapilɛa nia, la va n'cuaambɔ o kɔlkalu niaa nin te, kɛ la va cuaambɔa le dɛnɛ vɔɔndo, mì la va kaasonnda o yiyannda niaalan nin.

Kolɔsea 4:5

La kela a taasi a vanaa co vanaa laalan te-a. La mal telen oo telen hiovɔɔ le.

Luke 21:15

Kani i sɔaanin niaa sɔɔn o lasondo, mì ke niaa kɔlkaloo, o yaamɔaa niaa nɔlanin niaa simul mà sɛɛngiaa niaa loo.

Dɛnnda kiilaa 20:29

Kani i sinà maa i faŋan pɛ, vannda hun luɛinin niaa tɛɛn maa mɛɛ tunaa yondoa luɛi kunda cɔlua tɛɛn a hɛli o kɛ́-kɛ̀ le yɛ.

2Korɛntea 11:3

Nduyɛ, siòònde co ya yɔŋii yiyannda niaalan la luei niaa o pɔwlan nin, mì la faŋa niaa Krista o ibuŋ maa mɛɛ kɛwvo luei Hawa o pɔwlan nin a kɔlkalu vɔɔndo yɛ.

1Tesalonikea 5:22

La mandán le dɛnnda vɔɔnndan kpow.

2Korɛntea 11:14

Kɛ kon dow vana kɔndɔfili le, kani Setana pila bɛɛ co handɔnndo o hɔl maa mɛlɛkanɔ ɲɛ-tengaa o co ni.

O Kandɔɔ 3:1

Kɛwvo ndóò hiow visia yondoa Mɛlɛka Hala cɔw-va kpow kɔlkalu vɔɔndo ni. Mó ɲuna vanalanɔɔ aa: «Bàà nuaa Hala dimul niaa ni aa niaa dia kɔmnde yɔmii co o nakɔɔ ho nin-nde le?»

1Tesalonikea 2:10

La co lesei, Hala bɛɛ co lesei maa n kela kela diandaa, kela sandaa a kela yaalan too niaa vanaa laalannda kpow tɛɛn.

Kolɔsea 1:9

Lelan naa bɛɛ, kabi naa n tuei lende, n co pɛngi Hala piɛiyo le niaa le. N co ndu ɲunaa haliko mi la sínà hɛnan ndɔɔ ɲɛkɛndɛi, mì Kɔl-Diandaa ndɔɔ yɔngu niaa taasio a kɔlkaloo.

2Korɛntea 1:12

Kani ɲɛ naa n nɔla mì n kelu yongaa a ndu o kɔɔ-o co hoo ni, kɔlta naalan la co seilen timbio mɛɛ naa n kela o ceendo nin yɛ, taam-taama niaa o hɔl. Kela diandaa a kela toɲaa o yɔŋnun ni, o fula Hala o ba-o, n tosa kon a kɔlkalu ivanacieeya le, kɛ o kɛndɛi Hala-e bɛngu.

2Korɛntea 8:20

N yeema mì vana-vana soo sɔɔn pɔmbɔ le cuungiaa bɛndu naa n co kon biyɔɔ-o le.

O Kandɔɔ 3:13

Mí Mɛlɛka Hala ɲuna vanalanɔɔ aa: «Dɛnɛ yɛɛ n tosa yɛ hoo?» Mí cuaa muli aa: «Kɛwvo pálá ya nuaa ni mí dia kɔmnde yɔm kon.»

Yeremi 40:16

Mí Kedalia po Ahikam-ndo mulul Yohanan po Karea-o aa: «Tosa kon te, kani ɲɛ n co dimio a Ismaɛl-lo co toɲa le.

Osee 7:11

Maa poonpoon diɔm nɔ kɔl too cuavaa-imamaa Efraim-nda co ni. A co Esiptea veeloo le nda malaa, a co kɔlan Asiri.

Matie 24:25

I cii niaa ndi dimul ei!

Matie 24:45

«Ɔ́ɔ̀ vana baala kɔlkalu lò kon o diomnden coo-o, ò vana ndɔ bɛndoo handu buɛyaa ndɔa bollen le nda baloo keo o telen bɛnda-o-o?

Matie 25:2

Felengia nɔ taasi le-a va nda tɛɛn nda ŋuɛɛnu, a nɔ taasio-a nda ŋuɛɛnu.

Matie 25:4

Mí á nɔ taasio-a nda cua fitinala ndalan, má cua vɛlɛ cuɛima celen.

Matie 25:9

Kɛ mí felengia nɔ taasio-a muli aa: ‹Ɛ-ɛ, ma tiwnin le naa niaa le, o co fisa mì la kɔɛ o vanaa co man pisio-a lo, mì la kɔ piondu ma niaan.›

Nehemi 4:13

Mí dimul vanaa bɛndua, vanaa kialaa n'yamaa a vanaa tɔ̀a kpow aa: ‹Baalaa co o bɔɔ, o tongu naa o ba taw. Nduyɛ n co a sɛŋiannda kpede o kpakio coo. N connan lándán-lándán.