Matie 10:1 - BII BILA

¹ O kon kɔɔli, mí Yeesu veelu kaandeŋaa ndɔa tɔ́ a à ŋiɔnda, mó ke nda kpaayaa le ɲinaa vɔɔnda tovɔɔ, le nààla súú-súù ka a namtale súú-súù ka singio.

Matie 10:1 Referans Kwoze

Luke 10:19

La tofa vɔ, i cii niaa kpaayaa ke le keiyo kɛwva a ngeemaa coo, mì la tɛɛmbuu kpaaya ɲina vɔɔndo, ɲɛ-ɲɛ yɔŋnunnin niaa le.

Luke 24:49

Ya ya, i yɔŋnin niaa o Fuɲa nuu dimi-o, kɛ la lo ciee nanu háá mì Kpaayaa fula o halataala, mò tol niaa coo.»

Dɛnnda kiilaa 1:8

Kɛ la sɔlanin kpaayaa lɔ́ɔ́ Kɔl-Diandaa toalnin niaa coo-o. O kon, la siŋnunnin seyaa nia Yerusalɛm ciee, o tàndá Yuda-o nin a o lɛŋnde Samari len nin kpow, kɔlan tiiyaa háá o lɛŋnden mɛɛlulan.»

Nsaŋ 3:27

Mí Nsaŋ muli aa: «Vanacieo nɔla ɲɛ-ɲɛ sɔlaa le, te o co mì ɲɛ kon yɔngun ndu fulaa o halataala le.

Luke 6:13

Ɲɔɔ tengaa, mó veelu kaandeŋaa ndɔa, mó hɛli n'van tɔ́ a vanaa ŋiɔn, mó ke nda diolan aa kiilaa.

Luke 21:15

Kani i sɔaanin niaa sɔɔn o lasondo, mì ke niaa kɔlkaloo, o yaamɔaa niaa nɔlanin niaa simul mà sɛɛngiaa niaa loo.

Dɛnnda kiilaa 19:15

Kɛ paale pilɛ, mí ɲina vɔɔndo mulul nda aa: «I sinà Yeesu, i sinà vɛlɛ Pol, kɛ niaa niaa, nɛ̀ɛ̀aa niaa co yɛ?»

Nsaŋ 17:2

maa mɛɛ n ke ndu kpaayaa ɲɔɔn kpow coo yɛ, haliko mo ke vanaa n ke ndu-a kpow yoomu fɛɛn-fɛɛndo.

Nsaŋ 6:70

Mí Yeesu mulul nda aa: «Vɛ̀ɛ̀ o co ya le hɛli niaa n'van tɔ́ a vanaa ŋiɔnda ha le? Kɛ nduyɛ, ɲina vɔɔndo luɛi vana pilɛ nin niaa tɛɛn.»

Nsaŋ 3:35

Fuɲaa kaola Poo, mó sɔaa ndu dɛnndan kpede o ba.

Dɛnnda cɔɔmuanndan 12:1

Mí tɔɔmasele bɛndoo pum cɔmnun o halataala: vanalanɔɔ a volɔɔlan lekɔɔ maa lepala, paangei va ndu o pelon bɛngu, ndóò nɔ mɔsil lemasa nɔ loeon tɔ́ a n'miun-ndo o lebol.

Matie 26:47

Yeesu lo sɔɛi, mí Yuda, vana pilɛ o kaandeŋaa tɔ́ a à ŋiɔnda tɛɛn hun a vannda sɛ́lɛ́ bɛndoo kɔɔli. Mɔɔn cɔwvon a yɔmii bingiei va nda o laba. Bolii vanaa-solia-lasálàá a simlacia lelɛŋnda ndáà vem nda ni.

Matie 26:20

Icɔllo, mí Yeesu cal ɲɛdiaa dioo nda kaandeŋaa tɔ́ a à ŋiɔnda.

Matie 19:28

Mí Yeesu mulul nda aa: «Mì dimul niaa toɲaa, telen dɛnndan kpow la muungunin lasɛnɛi, mì Po vanacieo va icali o kpɛŋɛ ndɔ lemasa biilaa nin-ndo, niaa vanaa del-la kɔɔli-a bɛɛ, la vanin icali o kpɛŋɛla lemasalan tɔ́ a latiɔn nin le yamɛi polama tɔ́ a mamiɔmma Israɛlla kiolɔɔ.

Matie 6:13

Mal naa mì n del o tɔɔndan nin te, kɛ baŋa naa masa ɲinaa vɔɔnda o ba. [Kani nɔm nɔ masalen, kpaayaa a biiloo le fɛɛn a fɛɛn ni. Amiina!›]

Matie 4:23

Yeesu va kelaa o tàndá Kalile-o kpow nin, o va keiyo vannda pɛɛkoo o cɛila lekaannda Yuifia nin, o va yondaa a masale Hala len o kɔɔ, o va vannda singio a nààla ndalan kpow a á namtale kɛ́-kɛ̀ ndáà nɔ.

Matie 9:35

Yeesu va keiyo o kobilan kpow nin a o cieon pɔmbɔn, mó va vannda pɛɛkoo o cɛila lekaannda ndalan nin, mó va keiyo Yoongu kɛndɔɔ dimio a masale Hala len o kɔɔ, mó va nààla súú-súù ka a namtale súú-súù ka singio.

Matie 9:38

Lelan la tɛɛlun vana iciɛɔ, mò yɔngu vanaa baalaa le ndi kovɔɔ.»