Matie 1:6 - BII BILA

⁶ mí Yisai vialu masaa David. Mí masaa David vialu Salomɔn, lanɔɔ Uri yɔŋnun kalaa Salomɔn ni.

Matie 1:6 Referans Kwoze

1Masaa 15:5

Kani faŋanndo o dɛnɛ Uri Hitiinɔ-o kɔɔli, dɛnnda sandaalan kínɛí David va tosaa Mɛlɛka o hɔl ni. O vi lende, o mel silala Mɛlɛka yɔngu ndu lan te.

1Samiɛl 17:12

Nduyɛ, David po Yisai Efratiinɔ-o o va ni, Bɛtlɛhɛm o tàndá Yuda-o nin Yisai kon ndóò fula ni. Poaa nda ŋɔmaa ndóò nɔ ni. O paale Saul-ten, ndóò yuuva nin taw.

1Dɛnnda lemasalan 14:4

Diola hɔ́aa o velu kan Yerusalɛm-nda la co lan ni: Samua, Sobab, Natan, Salomɔn,

1Dɛnnda lemasalan 3:5

Poaa o velu Yerusalɛm-nda va Simea, Sobab, Natan a Salomɔn ni. Nda Bat-Sua, cua Amiɛl-lo velu poaa hiɔɔlua kan ni.

2Samiɛl 23:1

Sɔɔn mɛɛlan David soo-on yɔŋnun mun ni: «Diomnda mɛɛlaala David, po Yisai-yo dimi lan la co lan ni, sɔɔn vana bɛndoo soo-on yɔŋnun mun ni, vana Hala Yakɔb-o pɔla mó siinguu ndu masaa-o, ò Israɛlla lisa taw o condon nin-ndo:

1Samiɛl 16:1

Mí Mɛlɛka ɲuna Samiɛl aa: «Ma lo caŋndo le Saul háá lɔ́ɔ́ kuɛɛ nɛ? Ya pila cii ndu kɛɛ, o ve lɛnin masa Israɛlla coo le lɔ́ɔ́-lɔ́ɔ̀ le. Cua lee macuɛi nɔmndo ma pei cuɛiyan lenin, ma kɔɛ o Yisai Bɛtlɛhɛmnɔ lo. Kani o poaa ndɔa tɛɛn ya hɛli masa ya yeema-o ni.»

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

Esai 11:1

O kon kɔɔli tɛiye piaŋnin o yɔm tum Yisai-yo, yɔmndo piaŋnin mò fula o dumbun ndɔn.

Condii lisai 72:20

Nanu David, po Yisai-yo mɛɛlu piɛilen ni.

1Dɛnnda lemasalan 28:5

Mɛlɛka ke ya cuawva taw. O cuavaa nia tɛɛn, mó hɛli Salomɔn po ni, haliko mo kɛsi ndu o kpɛŋɛ ndɔ lemasaa coo, mò tosa masalen Israɛlla coo.

1Dɛnnda lemasalan 11:41

Uri Hitiinɔ, Sabad po Alai-yo,

1Dɛnnda lemasalan 2:15

o ŋɔmpumndɔɔ Osɛm, o ŋɔmmɛwndɔɔ David.

2Samiɛl 23:39

a Uri Hitiinɔ. Faw-faw, n'van beleyaa a vanaa ŋɔmmɛw nda va ni.

2Samiɛl 11:3

Mí David viam vanndo le kɔlan sɔɛi cua kon sinaa. Mó hun dimul ndu aa: «Bat-Seba ni, cua Eliam-ndo, lanɔɔ Uri Hitiinɔ pɛɛn.»

1Samiɛl 22:8

I sina maa niaa kpow yii ya dúmbú ni? La sina maa kpema icanyaa co po nuu nda po Yisai-yo tɛɛn, kɛ vana-vana dimul-la le. La co sinaa maa po nuu hiow buɛi nuu kɔɔli le ya cɔlɔbaa mɛɛ i co hau tosanndo nuaa yɛ, kɛ vana-vana buulan le ya mó hun dow ya ndi bali le.»

1Samiɛl 17:58

Mí Saul ɲuna David aa: «Ponndo sei! Nɛ̀ɛ́-nɛ̀ velu yɛ nɔm?» Mí David mulul ndu aa: «Po buɛi nɔmndo ya co ni, Yisai fula Bɛtlɛhɛm-ndo pɛɛn.»

Ruti 4:22

mí Obɛd vialu Yisai, mí Yisai vialu David.

Matie 1:5

Salmɔn yɔŋnun fuɲaa Boas ni, kalaa Boas kon va Rahab ni, mí Boas vialu Obɛd. Ruti yɔŋnun kalaa Obɛd kon ni, mí Obɛd vialu Yisai,