Matie 1:22 - BII BILA

²² Ken kpow tosan haliko mi sɔɛi Mɛlɛka ndóò dimi a sondo vana-tɛɛngaa-diom Hala-o-e peelun aa:

Matie 1:22 Referans Kwoze

Luke 24:44

O kon kɔɔli, mó dimul nda aa: «Telen naa n va vɔ naa niaa latulu-o, mí dimul niaa maa fɔ mì ɲɛ-ɲɛ co o sɛvaa a ya o kɔɔ o sɛbɛ tɔŋ Moise-o nin, o sɛbɛla vanaa-tɛɛngaa-diom Hala-a nin, a o sɛbɛ condii lisai nin kpow-vo ndóò peelun.»

Matie 2:23

mó kɔ cal o kobi nda veelu aa Nasarɛt-o nin, haliko mi sɔɛi vana-tɛɛngaa-diom Hala-o dimi-e ndíì peelun aa: «A veelunin ndu aa Nasarɛtenɔɔ.»

1Masaa 8:15

Mó dimi aa: «I mel Mɛlɛka Hala Israɛlla balika le kpema o yiilu David fuɲa ni-o peeloo, kani mí ndóò dimi aa:

Dɛnnda kiilaa 3:18

Kɛ ɲɛ Hala ndóò dimi paandu a sondola vanaa-tɛɛngaa-diom Mɛlɛka-a kpow-vo peelun lende ni, maa mɛɛ mì Krista ndóò sanga.

1Masaa 8:24

Sɔɛi nɔm óò dimul sindɛ David fuɲa ni-e, ndi n peelu peeloo ho ni. Ɲɛ nɔm óò dimi-o, ndu n tosa hoo hau ni.

Nsaŋ 18:9

Hee yɔŋnun haliko mi sɔɛi ndóò dimi-e peelun aa: «Vanaa n ke ya va kpow, o pilɛ bɛɛ i mel te.»

Matie 13:35

haliko mi sɔɛi vana-tɛɛngaa-diom Hala-o ndóò dimi-e ndíì peelun aa: «I kumbinin sondoo mì soo o talelan nin, mì soo a dɛnnda viannannda co kabi ceendo cɔwnun ndan o kɔɔ.»

Ɛsdras 1:1

O vɔsi tasoo nin o masale Siris masa Pɛrsea len bɛngu, mí Mɛlɛka luei ndu Siris yiyanndo nin le sɔɛi Mɛlɛka ndóò dimi a sondo Yeremi vana-tɛɛngaa-diom Hala-o-e peeloo. O kon, mí Siris sɛva sɛbɔɔ, má yonda sɔɛi ken o masale ndɔlen nin kpow aa:

Nsaŋ 17:12

Telen ya va latulu a nda-o, i va vanaa n ke ya-a mandaa o diola nɔmndan. Mí handu nda hɔlten coo, o pilɛ bɛɛ laasian te, fɔ o sɔɛi ndɔɛi ndíì sɛvan maa o co laasian-ndo, haliko mi sɔɛi ndíì sɛvan ken-nde ndíì peelun.

Nsaŋ 15:25

Nduyɛ le sɔɛi co i sɛvaa o tɔŋ ndaa nin-nde peelɔnndo kon tosan lende ni aa: ‹A kɛɛ ya o fondo fúúo coo.›

Nsaŋ 10:35

Tɔŋndo veelu vanaa sɔɛi Hala-e dimulun-nda aa halaa. Nduyɛ, o Sɛvan-ndo ndu nɔla faŋan te.

Matie 13:21

kɛ ndu pila nɔ n'puundu le. Vana cɛl sɔɛi le telen bingi-o o co ni. Kɛ te dɛnɛ palaa, te kon te yɛle tolaalen le komal ndu dɔ́ɔ́ pɛ le sɔɛi Hala-i ken, o mal nɛiyo.

Matie 12:17

haliko mi sɔɛi Esai vana-tɛɛngaa-diom Hala-o dimi-e ndíì peelun aa:

Matie 2:15

Mó kɔ lo lon háá mí Herɔde vu. Ken tosan haliko mi o Mɛlɛka ndóò dimi a sondo vana-tɛɛngaa-diom Hala-o-o ndóò peelun aa: «Mí veelu po nuu, mó faŋan Esipte.»

Matie 8:17

O kon mí sɔɛi Esai vana-tɛɛngaa-diom Hala-o dimi-e peelun aa: «O cua namtale naalen, mó siilun nààla naalan.»

Matie 5:17

«La yiyan tei maa tɔŋndo, te kon te sɔɔn vanaa-tɛɛngaa-diom Hala-a ya hin tɛɛmbuu ni. I hin le mun tɛɛmbuu le, kɛ le mun peeloo.

Luke 21:22

Kani palɛi ken Mɛlɛka mingulnin vanaa ndɔa maa ni, haliko mi ɲɛ sɛvan-ndo peelun.

Dɛnnda cɔɔmuanndan 17:17

Kani Hala mal nda o kɔl le yiyan ndɔɔ tosaa, mà nɔ yiyannda pilɛlan le visi kon masale ndalen yɔngoo, háá mi sɔɔn Hala dimi-on peelun.

Rɔmnda 1:2

Yoongu kɛndɛ kon Hala ndóò yii sindɛ kpemaa a sondo vanaa-tɛɛngaa-diom Hala-a o sɛbɛ ndɔ diandaa nin ni.