Matie 1:21 - BII BILA

²¹ O co hunɔɔ hɔ́ɔ́ piaandoo violɔɔ, mà ke ndu diolan aa Yeesu, kani ndu ciindiaanin vanaa ndɔa ni, mò soli nda o hakila ndalan nin.»

Matie 1:21 Referans Kwoze

Dɛnnda kiilaa 13:23

Mí Hala soli Yeesu, Vana Ciindiaa Israɛlla o polale ndɔlen coo mɛɛ ndu Hala dimi yɛ.

Dɛnnda kiilaa 4:12

Cindaa sɔlan o vana celen nin te, kani o ceendo coo, diola kɛ́-kɛ̀ la yɔngun vanndacieea tɛɛn te, la naa n sɔla cindaa kɔɔli lan.»

Nsaŋ 1:29

Diimandɔɔ, mó ca Yeesu hunɔɔ ndu o ibuŋ, mó dimi aa: «La tofa vɔ, Saa cua Hala co haki ceendo faŋa-o.

1Nsaŋ 3:5

Nduyɛ la sínà maa le hakilan faŋaa Maalii fula ni, haki co o ndu nin te.

Luke 2:21

O paale ŋɔmaandɔlen, má dii ndu tooma, má ke ndu diolan aa Yeesu, mɛɛ mɛlɛkanɔɔ ndóò dimi lɔ́ɔ́ pá mí kala ndɔ cua foli ndɔɔ yɛ.

Dɛnnda kiilaa 5:31

Mó heelun ndu ikɛi, mó kɔ kɛsin ndu o ba ndɔ kɛndɔɔ coo, mó siinguu ndu Masaa a Vana Ciindiaa, haliko mi Israɛlla mal yɔŋ vɔɔndo, mà mangalan, mì hakila ndalan la malnun haki.

Luke 1:31

Tofa vɔ, a cuanin folio, mà velu poo, mà ke ndu diolan aa Yeesu.

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

Luke 2:11

Vana Ciindiaa vilun niaa hau o Kobi David-o nin, ndu co Krista ni, Maalii pɛɛn.

1Nsaŋ 1:7

Kɛ te n va pɛ kelaa o ɲɛ-tengaa nin maa mɛɛ ndu pila co o ɲɛ-tengaa nin yɛ, mɛɛ n co a yiinannda latulu vellaa-velle, kooma Yeesu Po ndɔ-an ma dindi naa a hakilan kpow.

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

Dɛnnda kiilaa 3:26

Le niaa Hala cuu vana ndɔ baalaa ni. O cuu ndu haliko mi vana-vana mal kela ndɔ vɔɔndo, mì la sɔla duaa.»

Dɛnnda cɔɔmuanndan 7:14

Mí mulul ndu aa: «Vana bɛndoo, a sina válán.» Mó dimul-la aa: «Vanaa kei o yɛle tolaale bɛndulen nin-nda co kan ni. A cii domala ndala bɛndulan tɔɔ, má dindi lan o kooma Saa téndóó nin.

Hebreea 7:25

Lelan, Yeesu nɔ kpaayaa le vanaa tiindan ndu le sɔɔnguuo Hala ikɛi-ya ciindiaa le fɛɛn a fɛɛn. Kani o co yoomu le lɔ́ɔ́-lɔ́ɔ̀, o tiwba mo va lɔ́ɔ́-lɔ́ɔ̀ Hala ɲɔɔloo le nda.

Daniɛl 9:24

Lɔ́ɔ́lan la kelun belaŋɔmmɛw le yungu nɔmndo a kobi nɔm diandaa, le diondɔɔ a hakilan, le yɔŋ vɔɔndo ciiyo, le hunɔɔ a dɛnɛ sandaa fɛɛn-fɛɛndo, le vunduan a sɔɔn vanaa-tɛɛngaa-diom Hala-a dimi-on peelɔnndo, le Fonda-Dianda-Diandaa mingio sɔɔ Mɛlɛka o ba.

Yeremi 23:6

O paale ndɔlen Yuda sɔlanin baŋaa ni, Israɛlla vanin nila ɲulu fɛɛ. Diola nda kenin ndu lan la vanin ni aa: ‹Mɛlɛka vana naa ciindiaa.›

O Kandɔɔ 18:10

O kon mí o pilɔɔ dimul ndu aa: «A boondei he ɲinasiaŋ, i muungunin o nɔm ndo nanu, nduyɛ Sara laa nɔm co hɔ́ɔ́ piaandoo violɔɔ a telen kon.» Sara va nilan yaŋɔɔ o cɛi-kola-toandaa dio, mó tuɛi sɔɛi ken.

Luke 1:13

Kɛ mí mɛlɛkanɔɔ dimul ndu aa: «Siòòŋii bii nɔm te Sakari, kani piɛile nɔmnden le mulin. Elisabɛt laa nɔm vilulnin nɔm hɔ́ɔ́ piaandoo, mà ke ndu diolan aa Nsaŋ.

Yeremi 33:16

O palɛi ken, Yuda sɔlanin cindaa, o kon mì Yerusalɛmnda cal a nila ɲulu o calta ndalan, kobi kon veelunnin aa: «Mɛlɛka co dɛnɛ sandaa naa ni.»

O Kandɔɔ 17:19

Mí Hala dimul ndu aa: «Ɛ-ɛ, Sara laa nɔm kpeekpei co nɔm poo vilul ni. O velu ndu pɛ, a ke ndu diolan aa Isaak» (kon co dimio ni aa «O mam»). I yiinin kpemaa a ndu a á cuavaa ndɔa imamaa le fɛɛn a fɛɛn.

O Kandɔɔ 17:21

Kɛ a Isaak ya co hunɔɔ kpema nuu yii ni, po Sara laa nɔm vilulnin nɔm a boondei he ɲinasiaŋ-ndo pɛɛn.

Masaa kialaa n'yamaa 13:3

Paale pum, mí mɛlɛkanɔ Hala-o fulal laa ndɔ kon ceen, mó dimul ndu aa: «I sina maa a nɔ hɔ́ɔ́ le, kani a co vana vialaa le. Kɛ nduyɛ, a cuanin folio ma velu poo.

1Samiɛl 1:20

Mó cua folio, mó vialu poo. Mó dimi aa: «I co ndu diolan ke aa Samiɛl. Kani Mɛlɛka ya piɛi le ndu sɔlaa ni.»

Matie 1:25

Kɛ háá mí laa ndɔ vialu po kon, o sina ndu vanalanɔ le. Mó ke hɔ́ɔ́ kalaa diolan aa Yeesu.

Nsaŋ 4:42

má va cuaa dimullo aa: «O co lɛ le ɲɛ n dimul naa-o le naa n laalan te, kani naa pila n tuei, nduyɛ n sina maa ndu co Vana ciindiaa ceendo lekɛ́ndɛi ni.»