Matie 1:18 - BII BILA

¹⁸ Tofa vɔ mɛɛ dɛnɛ violɔn Yeesu Krista-o yɔŋnun yɛ. Yosɛf ndóò fula Mari kala ndɔ kɔɔli le ndu cuaa o nɔ̀u nin ni, kɛ lɔ́ɔ́ pá mí Yosɛf sina ndu vanalanɔ, mó cua folio a kpaaya Hala Kɔl-Diandaa.

Matie 1:18 Referans Kwoze

SƐBƐ YƆB-O 14:4

Nɛ̀ɛ́ nɔla yɛ mò soli ɲɛ diandaa o ɲɛ nɔɔlɛiyo nin? Vana-vana nɔla ken tosa le.

Hebreea 10:5

Lelan telen Krista va luɛyɔɔ o ceendo nin-ndo, mó dimul Hala aa: «A yeema lasálà le, a yeema ɲɛm-kéa le, kɛ má toosiaa ya kɔɔlen.

O Kandɔɔ 3:15

I lueinin vɔvanndo niaa tɛɛn niaa vanalanɔɔ, vɔvanndo vanin cuavaa ndɔa a cuavaa nɔmnda tɛɛn. Po vanalanɔɔ pialnin nɔm bollen, mì nɔm lɔva ndu bɛngu tííndííyo.»

Hebreea 7:26

Yeesu co bolle vanaa-solia-lasálàà naa n nɔ makoo kpeekpei-yo ni. O co o diandaa, o nɔ isɔw le, o nɔ haki le, sɛyanndo co ndu tɛɛn nda vanaa lahakia, mí Hala heelu ndu o halataala di.

SƐBƐ YƆB-O 15:14

Yɛɛ vanacieo co yɛ le cɔnnɔnndo o diandaa? Yɛɛ hɔ́ɔ́ fula vanalanɔɔ o ipulu-o co yɛ le cɔnnɔnndo o sandaa?

Luke 1:25

«Tofa vɔ dɛnɛ Mɛlɛka tosal-la-o! O soli ya o siɛmbulan nin vanndacieea tɛɛn.»

Matie 1:1

Diola fuɲaa-mamaa Yeesu Krista, po David-o a po Abraham-ndo-a la co lan ni:

Tɔŋ miingua 22:23

Te vanapɔnɔɔ pum fula pɛ cuaambɔ laandu lemboo kɔɔli le ndu cuaa o nɔ̀u nin, mì vanapɔnɔ celen bɔŋan a cuaambɔ laandu kon o kobio nin, mò suunda a ndu,

Matie 2:11

Má luɛi cɛinin, má ca cɛlɛkpɔɔ nda Mari kala ndɔ, má baŋ vulan, má biilu ndu. O kon kɔɔli, má kumbi volɔɔla ndalan, má ke ndu ɲɛm ndáà yoo ndu-on: sianion, ansan a mir.

Matie 12:46

Yeesu va vɔ sɔɛi o sɛ́lɔ́ɔ́ lo, mí kala ndɔ a pɔmbɔa ndɔa hun sim o dio. Ndáà yeema le ndu cɔu.

Luke 2:5

Mó kɔa le sɛvanndo nda Mari, o ó va kɔɔli le yilɔɔ o nɔ̀u nin, mo va a foli miaa-o.