Matie 1:12 - BII BILA

¹² O kɔla nda kɔɛ lan a nda Babilɔn-ndan kɔɔli, mí Yekonia vialu Sealtiɛl, mí Sealtiɛl vialu Sorobabɛl.

Matie 1:12 Referans Kwoze

1Dɛnnda lemasalan 3:17

mí Yekonia ndáà kɔɛ o biyɔɔ nin-ndo vialu Seatiɛl,

Ɛsdras 3:2

Mí Yosue, po Yosadak-o can nda puapilɛa ndɔa, vanaa-solia-lasálàá pɛɛn, a Sorobabɛl po Sealtiɛl-lo nda puapilɛa ndɔa, má kandu fonda-loamaa-lasálà Hala Israɛlla cɔvɔɔ, le sálàla loamaalan solio lecoo maa mɛɛ o va o sɛvaa o tɔŋ Moise vana baala Hala-o nin yɛ.

Luke 3:27

po Yohanan-ndo, Yohanan po Resa-o, Resa po Sorobabɛl-lo, Sorobabɛl po Salatiɛl-lo, Salatiɛl po Neri-o, Neri

Aasee 1:14

Mí Mɛlɛka hiiluu Sorobabɛl po Sealtiɛl-lo, o va kon masa ibungaa Yuda-o a Yosue po Yehosadak va bolle vanaa-solia-lasálàá kɔltan nin, mó hiiluu vɛlɛ vanaa tɔ̀a hin fula o biyɔɔ nin-nda kpow kɔltan nin le baala kon kandɔɔ. Má kandu baalaa le Cɛi-Mɛlɛka-Nɔ-Kpaayaa-Kpow-vo, o co Hala ndaa-o mingio tangullo.

Aasee 2:23

Paale len, ya Mɛlɛka-Nɔ-Kpaayaa-Kpow-vo co sɔɛi nuaa ni, i cuanin nɔm Sorobabɛl po Sealtiɛl-lo, nɔm vana ni baalaa pɛɛn, ya Mɛlɛka-Nɔ-Kpaayaa-Kpow-vo co sɔɛi nuaa ni, mì siinguu nɔm maa kelɛi tampɔŋii lemasa, kani nɔm ya hɛli ni. Diom ya Mɛlɛka-Nɔ-Kpaayaa-Kpow-vo soo-o co kon ni.»

Aasee 2:2

«Soo o Sorobabɛl masa ibungaa Yuda, po Sɛaltiɛ-lo lo, o Yosue bolle vanaa-solia-lasálàá, po Yehosadak-o lo a o vanaa tɔ̀a kpow lo, mà ɲuna nda aa:

Aasee 1:12

Mí Sorobabɛl po Sealtiɛl-lo, Yosue bolle vanaa-solia-lasálàá, po Yehosadak-o a vanaa hin fula o biyɔɔ nin-nda kpow a bii sɔɛi Mɛlɛka Hala ndaa dimi ken-nde, ì Hasee vana-tɛɛngaa-diom Hala-o tɛɛngul nda ken-nde. Nuaa Hasee tosa ɲɛ Mɛlɛka vem ndu tosaa-o ni, mí siòònde bii vannda kpow a Mɛlɛka.

Aasee 1:1

O vɔsi diinndɔɔ nin o masale Darius le bɛngu, paale taselen o paangii ŋɔmpumndɔɛi nin, mí Mɛlɛka soaa o Hasee lo, o va vana-tɛɛngaa-diom Hala-o-o. Mó dimul ndu le yoongoo tɛɛnguuo o masa ibungaa Yuda lo, Sorobabɛl po Sealtiɛl-lo pɛɛn, a o Yosue lo, o va bolle vanaa-solia-lasálàá-o, po Yehosadak-o o va ni. Yoongu kon yɔŋnun hoo ni:

Yeremi 22:28

Vannda co dimio aa: «Mò va maa kpɛɛnɛi piɔlɛyii vana soli lɛ kpeku lei a ɲɛ nɛŋi lɛ mako loo Konia co ni? Le yɛɛ nɛ nda tow yɛ ndu a cuavaa ndɔa o lɛŋnde nda sina le len nin?»

Yeremi 22:24

Ya Mɛlɛka i co yoomu! Sɔɛi fula ya o sondo-e co hee ni aa: «Hali Konia po Yokim masaa Yuda-o ndóò va bɛɛ kelɛi sui lemasɛi vana vownun o ba kɛndɔɔ-e, i va ndi solin o isu.

Nehemi 12:1

«Diola vanaa-solia-lasálàá a leviaa fula o cɛlen nin, má muungu latulu a Sorobabɛl po Sealtiɛl-lo nda Yosue-a la co lan ni: Seraya Yeremi, Ɛsdras,

Ɛsdras 5:2

O kon, mí Sorobabɛl po Sealtiɛl-lo nda Yosue po Yosadak-o a mingi vallo kandɔɔ, má muungu vɛlɛ Cɛi-Hala-o tangullo Yerusalɛm. Vanaa-tɛɛngaa-diom Hala-a va nda ikɛi, a va nda malaa.

2Masaa 25:27

O vɔsi beleyaa a o ŋɔmmɛwndɔɔ nin, o kɔla nda kɔɛ a Yehoyakin va masaa Yuda-o o biyɔɔ nin-ndan kɔɔli, mí Evil-Merodak siŋnun masaa Babilɔn. Paangii tɔ́ a idiinndɔɛi o vɔsi kon nin, paangei va malɔ bidiin a leŋɔmmɛw, mí ndu Evil-Merodak tuinun Yehoyakin va masaa Yuda-o iɲíí, mó soli ndu o kaasoo.

2Masaa 24:14

Mó kɔannun a vannda Yerusalɛm kpow o biyɔɔ nin: vanaa bɛndua kpow a vanaa sɔvɛa kpow. Vanaa nda kɔɛ kan o biyɔɔ nin-nda va faw-faw vannda vaalan tɔ́. Mó kɔannun vɛlɛ a sumnda kpow a á vanaa toosiaa lakpooloa kpow. Vanaa bala fondo-fondoa daama o mɛi ni.

Yeremi 22:30

O Mɛlɛka dimi-o co hoo ni aa: «La sɛva po kon maa o nɔ hɔ́ɔ́ le, vana sangan fúú o ceen ndɔɔ nin-ndo. Vana pilɛ bɛɛ fulanin o yungu ndɔɔ nin, mò koma cal o kpɛŋɛ lemasa David-o nin te, o kɛ́-kɛ̀ tosanin masalen o tàndá Yuda-o coo le.»

Yeremi 27:20

Nebukanɛsar masaa Babilɔn ndóò cue ɲɛm Yerusalɛm le kɔlan a mun Babilɔn te, telen o kɔɛ a Yekonia, po Yehoyakim masaa Yuda-o, a vanaa kɔlkalua Yuda a haa Yerusalɛm o biyɔɔ nin-ndo pɛɛn.

Matie 1:11

Yosia yɔŋnun fuɲaa Yekonia nda puapilɛa ndɔa ni, telen nda kɔɛ a Israɛlla o biyɔɔ nin Babilɔn-ndo.

Matie 1:13

Sorobabɛl yɔŋnun fuɲaa Abiud ni, mí Abiud vialu Eliakim, mí Eliakim vialu Asɔr.

Matie 1:17

Faw-faw, cɔnɔnndo a Abraham kɔ bii a David, lambilan tɔ́ a lahiɔɔlu la hiow ni. Cɔn vɛlɛ a David kɔ bii a telen nda kɔɛ a Israɛlla o biyɔɔ nin Babilɔn-ndo, lambilan tɔ́ a lahiɔɔlu la hiow ni. Cɔnɔnndo vɛlɛ telen nda kɔɛ kon a nda o biyɔɔ nin Babilɔn-ndo, háá a violɔn Krista-o, lambilan tɔ́ a lahiɔɔlu la hiow ni.