Marke 9:12 - BII BILA

¹² Mó mulul nda aa: «Kani Elii co fɔlɔn hunɔɔ, mò mingi dɛnndan kpow o fonda ndɔɔ. Vɛ̀ɛ̀ o co yɛ o sɛvaa a Po vanacieo o kɔɔ, o co hunɔɔ, mò sanga taw, mì vannda ce ndu vana fondoo-o?

Marke 9:12 Referans Kwoze

Esai 50:6

Mí mal kɔɔ nuu vanaa va ya lɔɔ-a o ba, mí mal kuula nilan vanaa va ya siaiye suingio-a o ba. I vin vanaa va ya bɛ̀ɛ̀lan tɛɛmbuuo-a, a vanaa va ya lɔluan tufɔɔ o hɔl-la hɔlaa niaa le.

Esai 52:14

Mɛɛ o yɔŋnun vana vannda taw a yɔŋ siòònde-o yɛ, hɔlaa ndɔa ve lɛ maa hɔlaa vanaciee le, ndóò ve lɛ maa vanndacieaa tɔ̀a le.

Luke 23:11

Mí Herɔde nda vanaa va ndu hɔlten nda sui ndu diɔmnde. Ndáà ciiyo ndu mamɔɔ, má vow ndu doma sɔvɛ-sɔvɛ bɛndoo, má mingi ndu o Pilate lo.

Esai 49:7

Mɛlɛka, vana baŋaa a O-Diandaa Israɛlla soo o vanaa nda pɛɛsa má ca nda ɲɛ fondoo-a lo, vanaa co cɛa vanaa kpaayaa-a pɛɛn, mó dimul nda aa: «Masaa canin niaa ma cɛn isisi, cuavaa lemasaa canin niaa ma baŋ vulan, le Mɛlɛka biiloo, o lo o lediom coo-o, le O-Diandaa Israɛlla, o hɛli niaa-o biiloo.

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»

Luke 1:76

Nɔm poombɔɔ ho, a veelunin nɔm aa vana-tɛɛngaa-diom Hala Hiow-Ɲɔɔn kpow-vo, kani Mɛlɛka nɔnin nɔm hɔlten coo, mà hiow laci, mà toosiaa nɛila ndɔlan

Luke 23:39

Mí vana pilɛ o vanaa yɔŋ vɔɔŋaa o va kan o baŋaa-a tɛɛn-nda can ndu yeowlan aa: «Vɛ̀ɛ̀ o co nɔm te co Krista le? Nɔm pila ciindian, mà ciindiaa naa!»

Matie 26:24

Po vanacieo co hunɔɔ piɔ́mndo sɔla mɛɛ o sɛvan a ndu o kɔɔ o Sɛbɛ Hala-o nin yɛ. Kɛ dɛnɛ palaa co le vana malnin ndu vannda o ba-o. Ndóò va fisa hali mì vana kon ndóò vilun te.»

Matie 16:21

Cɔn nin a telen kon, mí Yeesu kandu kaandeŋaa ndɔa dimullo vakpa aa mɛɛ mò kɔɛ Yerusalɛm, mò kɔ sanga vanaa bɛndua o ba, simlacia vanaa-solia-lasálàá a vanaa pɛɛkaa latɔŋnda, mà dii ndu, mò tendul, mò fula vanvílɛ́iya tɛɛn o paale yàándɔlen.

Sakari 11:13

Mí Mɛlɛka dimul-la aa: ‹Cua volion mun, vɔngu kɛndɛ nda kelu ya hoo iyama-o, ma yoo vana cuavaa n'kpɛnɔɔ mun.› O kon, mí cua volin latámán beleyaan mun, mí vuu mun o Cɛi-Mɛlɛka-o nin le vana cuavaa n'kpɛnɔɔ.

Condii lisai 74:22

Éé Hala, cɔn ma cɔlɔba le nɔm pila! Tofa vɔ mɛɛ diɔmnda ha co nɔm mamɔɔ tuŋ-tuŋ yɛ.

Marke 9:13

Kɛ i co niaa dimul, Elii hin, má tosa a ndu mɛɛ ndáà yeema yɛ, maa mɛɛ o sɛvan a ndu o kɔɔ yɛ.»

Marke 9:31

Kani o va kaandeŋaa ndɔa pɛɛkoo mò va nda dimullo aa: «Po vanacieo malnunnin vannda o ba, mà dii ndu. Palɛi ndii yáá o kon kɔɔli, o tendulnin mò fula vanvílɛ́iya tɛɛn.»

Marke 10:33

Mó dimul nda aa: «Má cè naa helɔɔ Yerusalɛ! À kɔ malnin Po vanacieo bolii vanaa-solia-lasálàá a vanaa pɛɛkaa latɔŋnda o ba. A kialunin yamɛi ndɔɛi, mà yaala ndu le piɔ́mndo sɔlaa, mà mal ndu vanaa sina Hala le-a o ba.

Dɛnnda kiilaa 1:6

Kiilaa va a cuungiannda nɛɛ pilɛ, má ɲuna Yeesu aa: «Maalii, vɛ̀ɛ̀ sisa n co masale Israɛlla mingi o fonda ndɔɔ ni?»

Dɛnnda kiilaa 4:11

A ndu Yeesu o kɔɔ Sɛbɛ Hala-o dimi ni aa: ‹Pow vanaa cɔavaa cɛiya viow-vo siŋnun pow kilaa cɛiyo.›