Marke 9:1 - BII BILA

¹ Mí Yeesu dimul nda vɛlɛ aa: «I co niaa toɲaa dimul, vanaa pum o niaa tɛɛn nanu a vinin te, fɔ mà ce fɔlɔn masale Hala len hunɔɔ a kpaayaa.»

Marke 9:1 Referans Kwoze

Luke 9:27

Kɛ i co niaa toɲaa dimul, a pum co isisi nanu, a vinin te, fɔ mà ce fɔlɔn masale Hala len.»

Hebreea 2:9

Kɛ ɲɛ naa n co taasi dɔvɔɔ-o co ni maa, mí Yeesu ndóò dɔɔnian hiovɔɔ mɛlɛkaa coo le telen bingi, kɛ sunsun, o sɔla biiloo a bɛɛlen le sanga o sanga mó vu-o. Le kɛndɛi Hala-e, mó vu le vanndacieea kpow.

Luke 22:30

haliko mi la de, mi la kol naa niaa latulu o masale nilen nin. La calnin vɛlɛ o kpɛŋɛla lemasalan nin le yamɛi polama tɔ́ a mamiɔmma Israɛlla kiolɔɔ.»

Marke 13:30

I co niaa toɲaa dimul, lambio ho hiwnin te, mì dɛnnda lan kpede la peelun.

Matie 25:31

Mí Yeesu dimi aa: «Lɔ́ɔ́ Po vanacieo hunnin o biilu ndɔɔ nin a mɛlɛkaa kpow-vo, o calnin o kpɛŋɛ ndɔ lemasaa nin.

Luke 22:18

kani i co niaa toɲaa dimul, háá mì masale Hala len le hin, i kol-lɛnin mɔima n'rɛsɛnndan te.»

Luke 2:26

Hala Kɔl-Diandaa kon ndóò cii nin ndu cɔm maa: «O vi le, fɔ mo ce Krista, o Mɛlɛka vem-ndo.»

Marke 13:26

O kon vannda canin Po vanacieo hunɔɔ o yumbuyumboo nin a kpaaya bɛndoo a á biiloo.

Matie 24:30

O kon tɔɔmasele Po vanacieo fulanin o halataala. Vannda súúlan kpow o lɛŋnden coo a somisominnin, mà ce Po vanacieo hunɔɔ o yumbuyumboo nin cɔnɔnndo o halataalaa a kpaaya bɛndoo a á biilu bɛndoo.

Matie 16:28

Mì dimul niaa toɲaa, vanaa pum niaa tɛɛn nanu a vi vɔnin te, mà ce Po vanacieo hunɔɔ o masale ndɔlen nin.»

Nsaŋ 21:23

O kon kɔɔli, mí sɔɛi ken tiw vanaa laalannda tɛɛn maa kaandennɔ kon ndu vinin te. Nduyɛ Yeesu ndóò dimul ndu maa o vinin te le, kɛ nuaa ndóò dimul ndu ni aa: «Te i yeema pɛ mò lo yoomu háá mi hin, mò va maa mako nɔm co kon ni?»